Lista de megálitos de Galicia

Esta é unha lista de dolmens e mámoas de Galicia.

Denominación	Comarca	Concello	Parroquia	Data ocupación	Inventario	Coordenadas	Imaxe	Observacións
Anta de Prado Garrido	Terra de Soneira	Vimianzo			GA15092115	43°02′15.7″N 9°01′13.2″O		Dolmen máis próximo á vila de Vimianzo. Malia o seu pésimo estado de conservación, aprécianse tres esteos da anta, moi desfeita e coas pedras movidas, entre o mato. Está situada a uns 250 metros sobre o nivel do mar. Propiedade do terreo privada, explotación forestal.
Arca da Piosa	Terra de Soneira	Vimianzo / Zas				43°02′43.8″N 8°58′50.3″O		Conserva catro ortóstatos da cámara poligonal e dous do corredor (de máis dun metro). O poeta Eduardo Pondal situou aquí a tumba do mítico guerreiro Brandomil.
Arca do Barbanza	Barbanza	Boiro				42°41′9.3″N 8°56′36.3″O		Localizada nos Chans de Iroite. É o de maiores dimensións do Barbanza, con 6,6 m de lonxitude, tres eles do corredor. Cámara poligonal que conserva seis ortóstatos, faltándolle o da cabeceira.
Casota de Freáns	Terra de Soneira	Vimianzo		2500 - 2000 a.C.		43°02′52.3″N 9°05′10.9″O		Atópase na parroquia de Berdoias. De pequenas dimensións consérvase en bastante bo estado. Ten planta rectangular cunha lonxitude de 2,70 metros. Nel aprécianse gravados en forma de pequenas covas e cruces. Coñecido por ser un exemplo de Cista megalítica, e dicir, dolmen tardío de pequenas dimensións, exemplo de tipoloxía de finais do megalitismo. Construíuse con granito dos arredores. Na superficie interior dos tres ortóstatos que sosteñen a tampa aprécianse gravados con motivos cruciformes e cazoletas de cronoloxía incerta.
Casota do Fusiño	Barbanza	Boiro				42°39′59.1″N 8°56′42.1″O		Situada nos Chans de Iroite. Conserva sete ortóstatos da cámara poligonal e dous ortóstatos do corredor. Ficha en megalitos.arqueoloxico.com.
Casota do Páramo	Barbanza	Boiro				42°42′16.7″N 8°55′51.3″O		Situada nos Chans do Iroite. De cámara poligonal con corredor, formada por sete ortóstatos e coa tampa partida.
Pedra da Arca ou Casa das Mouras ou mouros	Terra de Soneira	Dumbría / Vimianzo				43°17′47.9″N 8°49′3.9″O		Tamén coñecido como Casa das Mouras ou mouros, preto do Castro de Regoelle en Dumbría Cunha lonxitude de 7,50 metros (3,80 de cámara). Conserva tres ortóstatos e corredor de dous tramos parcialmente tapado polo túmulo. Pódense apreciar restos de gravados similares aos de Dombate, liñas onduladas e manchas vermellas.
Dolmen da Cavada 1	Barbanza	Boiro				42°41′52.7″N 8°56′1.0″O		Atópase nos Chans de Iroite. A cámara atópase parcialmente oculta polo túmulo. Conserva oito ortóstatos. Ficha en megalitos.arqueoloxico.com.
Dolmen da Cavada 2	Barbanza	Boiro				42°41′50.1″N 8°55′58.9″O		Ficha en megalitos.arqueoloxico.com.
Dolmen de Aiazo ou Dolmen de Peneda de Guntín	Ordes	Frades				43°00′58.4″N 8°17′37.0″O		De grandes dimensións. Tamén coñecido como Dolmen de Peneda de Guntín. Atópase derruído (seis ortóstatos) como consecuencia das obras da concentración parcelaria de 1995.
Dolmen de Argalo	Noia	Noia				42°46′8.0″N 8°53′27.6″O		Non conserva a tampa, perdida a principios do século XX, pero si os sete ortóstatos da planta poligonal. A entrada está orientada cara ao leste. Escavado por C. García Martínez en 1980, descubriuse un anel pétreo rodeando o túmulo, a máis de puntas de frecha, un coitelo de sílex, dous machados e restos de cerámica.
Dolmen de Axeitos	Barbanza	Ribeira				42°36′00″N 09°01′03″O		Sito na parroquia de Oleiros. Coñecido como o "Partenón galego". Planta poligonal con corredor formada por sete ortóstatos. É propiedade da Deputación da Coruña. a súa situación atópase ven sinalizada no acceso ao complexo das Dunas de Corrubedo.Orientación tradicional ao leste.
Dolmen de Cabaleiros ou Casa da Moura	Ordes	Tordoia				43.09690, -8.55033		Coñecido tamén como Casa da Moura. Cámara poligonal conformada por sete ortóstatos. Propiedade da Deputación Provincial da Coruña. Sen escavar.
Dolmen de Dombate	Bergantiños	Cabana de Bergantiños		3900 - 2700 a.C.		43°11′24″N 8°58′10″O
Mina de Recesindes	Terra de Soneira	Vimianzo				43°08′52.0″N 9°04′23.8″O		Sitúase na parroquia de Carantoña. Conserva seis ortóstatos da cámara poligonal. Pouco visible por atoparse oculto polo túmulo de gran tamaño, aínda que parcialmente destruído.
Dolmen de Pedra da Lebre ou dolmen de Serramo	Terra de Soneira	Vimianzo				43°04′07.8″N 8°59′07.5″O		Tamén coñecido como Dolmen de Serramo. Posúe planta poligonal composta de cinco ortóstatos e un pequeno corredor. As pedras que conforman este megálitos destacan polas súas grandes dimensións.
Dolmen de Vilaseco	Terra de Soneira	Vimianzo				43°04′26.8″N 9°4′26.0″O
Dolmen de Zaramacedo	Santiago	Santiago de Compostela	Bando			42°52′32.9″N 8°27′26.1″O		Conserva a cámara de reducidas dimensións. Próximos a el existían outros monumentos megalíticos xa case desaparecidos. Non foi escavado.
Fornela dos Mouros	Bergantiños	Laxe				43°09′58.0″N 9°00′27.5″O		Sitúase en Aplazadoiro. Cista megalítica característica da fase final do megalitismo galego. Componse de tres ortóstatos dispostos rectangularmente.
Forno dos Mouros	Terra de Melide	Toques		3000 a.C.		43°00′43″N 07°58′33″O		Escavado por Jacobo Vaquero entre 1987 e 1989. Ten cámara poligonal composta de sete ortóstatos e corredor de dous tramos. No interior apareceron restos de pintura vermella e negra sobre unha base branca, en forma de zigzags.
Forno dos Mouros	Ortegal	Mañón				43°40′12.1″N 07°44′35.0″O		Estudado nos anos corenta por Federico Maciñeira. Conserva sete ortóstatos de cuarcita na cámara e dous no corredor. Mide 3,20 metros por 3 metros.
Necrópole dos Campiños	Barbanza	Rianxo				42°40′28.4″N 08°45′58.0″O		Composta por seis túmulos, o nº 6 foi escavado por Fábregas e De La fuente no ano 1984. Consta de sete ortóstatos. Atópase reconstruído.
Dolmen de Pedra Cuberta	Terra de Soneira	Vimianzo	Treos			43°05′22.4″N 8°59′03.5″O		Sito na parroquia de Treos preto da aldea de Arxomil. É de grandes proporcións cun corredor de entrada de máis de seis metros de longo e cunha altura de case dous metros. Fáltalle a lousa de cobertura da cámara principal. Nel atopouse a pintura dun ídolo en cores vermella e negra sobre branco.
Pedra da Arca	Bergantiños	Malpica de Bergantiños	Cerqueda	3000 - 2500 a.C.		43°17′47.7″N 8°49′4.1″O		Situado na parroquia de Cerqueda. Mal estado de conservación. Ficha en megalitos.arqueoloxico.com. Ficha na Xunta de Galicia.
Pedra da Xesta	Barbanza	Boiro				42°41′59.7″N 8°56′2.0″O		Localízase nos Chans de Iroite. O túmulo atópase destruído aínda que conserva restos da coiraza e o anel pétreo. Trátase dunha pequena cista rectangular composta por seis ortóstatos (2 m de longo, 90 cm de ancho e 90 cm de alto).
Pedra Moura de Aldemunde	Bergantiños	Carballo				43°09′58.0″N 9°00′27.5″O		Carece de túmulo. Ortóstatos removidos.
Pedra Moura de Monte Carneo	Terra de Soneira	Vimianzo				43°04′52.8″N 8°58′40.2″O		De planta poligonal e corredor curto.
Pedra Vixía	Terra de Soneira	Zas				43°02′15.7″N 8°56′49″O		Conformado por nove ortóstatos, atópase na actualidade profundamente alterado.
Pena do Raposo	Terra de Melide	Melide				42°54′30.1″N 7°58′9.4″O		Escavado na década de 1920. Consta de cámara poligonal e un curto corredor. Atópase moi alterado, carecendo de lousa de cobertura.
Pedrafita do Casal	Terra de Melide	Melide				42°54′00.3″N 8°2′29.8″O		Posible monólito concibido para estar exento, esta pedra afusada feita en gneis atópase na aldea do Casal, na parroquia de Campos. Mide uns 5 m de altura, aínda que só son visibles 3 m. Ficha en megalitos.arqueoloxico.com.
Mina da Parxubeira ou dolmen de Corveira	Xallas	Mazaricos				42°56′24.4″N 8°56′11.2″O		Tamén coñecido como Dolmen de Corveira. Foi escavado por Antón Rodríguez Casal entre 1977 e 1984, descubrindo na periferia do túmulo catro estelas antropomorfas e algúns betilos, cerámica campaniforme, láminas de sílex, unha punta de frecha... Ficha en megalitos.arqueoloxico.com.
Dolmen de Sirves	Barbanza	Ribeira	Olveira					Na parroquia de Olveira, no lugar de Sirves.[Cómpre referencia]
Dolmen de Abuíme	Terra de Lemos	O Saviñao						Posúe unha cámara poligonal de aproximadamente 2 metros de altura, conserva cinco ortóstatos, do total de dez que conformalo orixinariamente. A tampa foi subtraída a principios do século XX.
Dolmen de Bravos	Lugo	Outeiro de Rei						De pequeno tamaño e parcialmente oculto no seu túmulo. Consta de sete ortóstatos da cámara poligonal e restos do corredor.
Dolmen de Hospital	A Fonsagrada	A Fonsagrada						Preto do antigo Hospital de peregrinos de Montouto. Conserva catro ortóstatos de grandes dimensións. Non conserva túmulo.
Capela dos Mouros	Terra Chá	Vilalba						Necrópole de dous túmulos. Foi estudado nos anos 50 por Georg e Vera Leisner. Conserva catro ortóstatos da cámara e dous do corredor partidas.
Chao de Mazós	Terra Chá	Begonte						Conserva o túmulo. A cámara formase con sete ortóstatos de pequeno tamaño.
Dolmen de Mollafariña	Terra Chá	Xermade						Cámara poligonal composta por dez ortóstatos de cuarcita. Atópase en mal estado de conservación.
Dolmen de Moruxosa	Lugo	Friol						Pequeno dolmen formado por seis ortóstatos que conforman unha cámara poligonal de 1,70 por 1,50. Conserva restos do túmulo.
Pedra da Arca	A Mariña Oriental	A Pontenova						Del só se conserva un ortóstato que mide 1,50m de altura, 1,20 de anchura e 12 cm. de espesor.
Roza das Modias	Terra Chá	Vilalba	Alba					Situado na parroquia de San Xoán de Alba no monte de Galde. Forma parte dunha necrópole composta por seis túmulos. O túmulo ten 12 metros de diámetro e 1,50 de altura. A cámara é poligonal sen lousa de cobertura e oito ortóstatos visiblemente inclinados cara ao interior. Catro deles posúen gravados moi visibles de liñas onduladas paralelas.
Santa Mariña	Sarria	O Incio						Necrópole composta por trinta túmulos no monte do mesmo nome. Algúns conservan restos da cámara megalítica. Foi escavada baixo a dirección de Antón Rodríguez Casal.
San Tomé de Recaré	Mariña Central	O Valadouro						Dolmen situado preto do recinto do curro. Atópase semisoterrado no seu túmulo e conformase con catro ortóstatos e tampa. Ten unha altura de 1,50 metros.
Casa da Moura	Baixa Limia	Entrimo	Venceáns					Un dos máis espectaculares de Galicia polas súas dimensións e o bo estado de conservación. Situado no lugar de Queguas. A cámara consta de seis ortóstatos que sosteñen unha tampa de grandes dimensións, e un corredor dun só tramo. Ten unhas dimensións de 4 metros de lonxitude e máis de dous de altura..
Casiña da Moura	Baixa Limia	Muíños		3500 - 2500 a.C.				Situado no Val do Salas, xunto ao encoro. Trátase dun dolmen de corredor. A construción da presa obrigou ao seu traslado. Escavouno Florentino López Cuevillas en 1927, e en 1972 por Ferro Couselo. A cámara poligonal componse de sete ortóstatos cunha tampa. Mide 2,85 por 2,60.
Casola do Foxo	Baixa Limia	Muíños		3500 - 2500 a.C.				No Val do Salas, moi preto da Casiña da moura. É un dolmen de cámara simple poligonal composta de sete ortóstatos, cunhas dimensións de 2,40 por 2,60 e unha altura de 1,20. Durante a escavación atopáronse restos de cerámica campaniforme.
Dolmen de Codesás	O Ribeiro	Melón						Destruído.
Outeiro de Cavaladre	Baixa Limia	Muíños		3500 - 2500 a.C.				No Val do Salas. Trátase dunha necrópole composta por catorce túmulos. Dous deles o M-1 e M-5 foron escavados por José María Eguileta entre 1990 a 1994. O M-1 ten unha cámara composta por nove ortóstatos e un corredor pouco diferenciado. Contiña un enxoval con abondosos fragmentos de cerámica e puntas de frecha. O M-5 era do tipo cista formada por seis ortóstatos. Tamén se atoparon abondosos fragmentos cerámicos, puntas de frecha e micrólitos.
Mámoa da Xirazga	O Carballiño	Beariz
Mota Grande	Terra de Celanova	Verea						Túmulo de grandes dimensións cobre unha cámara megalítica composta por cinco ortóstatos. Foi escavado en 1990 e 1994 descubríndose restos de pintura en dous dos ortóstatos e un gravado moi orixinal. Forma parte dunha gran necrópole na Serra de Laboreiro composta por 130 túmulos en Galiza e Portugal.
Necrópole de San Cibrao	Terra de Celanova	A Bola						Localízase na parroquia de Pardavela. O túmulo nº1 componse dunha cámara megalítica circular de oito ortóstatos, que mide 2,10 por 2,40 e un corredor cun tramo de 1,40 metros. A nº2 conserva parte do túmulo e unha cámara poligonal composta por oito ortóstatos. Mide 2 por 2,50 metros.
A Chousa Nova	Terra do Deza	Silleda
Casiña da Moura	O Salnés	Meis						Forma parte da Necrópole de Fonte do Lagarto. Conserva seis ortóstatos da planta poligonal. En mal estado de conservación.
Chan da Arquiña	O Morrazo	Moaña						Cámara poligonal e corredor orientado cara ao leste. Conserva parte do túmulo. Escavouno Ramón Sobrino Lorenzo-Ruza que o restaurou en 1953. Ten once ortóstatos na cámara e cinco no corredor. A tampa atópase partida. Ten unha lonxitude total de 5,20 metros, ancho de 3,45 e 2,20 de altura.
Chan das Formigas	Vigo	Vigo
Chan de Armada	O Morrazo	Marín				42°20′48.8″N 8°41′18.9″O		Conserva unha cámara poligonal cun corredor incipiente.
Mámoa de Pedralonga ou Chan de Castiñeiras-2	O Morrazo	Marín						Situado preto da Mámoa do Rei. A cámara conformada por dez ortóstatos atópase moi alterada. Dous deles presentan profusa decoración con liñas horizontais gravadas na superficie. A estrada próxima destruíu grande parte do túmulo.
Mámoa do Rei ou Chan de Castiñeiras-1	Pontevedra	Vilaboa						O dolmen situado no interior dun túmulo de 2 metros de altura e 26m de diámetro atópase moi danado. Conserva catro ortóstatos do corredor. Nun deles apareceron varias liñas de gravados en zigzag baixo un signo cruciforme.
Couto dos mouros	Terra do Deza	Rodeiro						A cámara atópase en parte semisoterrada. Cámara poligonal composta por oito ortóstatos, un deles con visibles restos pictóricos en zigzags vermellos. Conserva un corredor dun tramo.
Mámoas do Coto da Pedreira	Terra do Deza	Rodeiro
Dolmen de Meixoeiro, dolmen de San Cosme ou dolmen das Minas. Parte da necrópole do Alto de Rebullón	Vigo	Mos						Tamén coñecido como Dolmen de San Cosme ou Dolmen das Minas. Localízase nos terreos do Círculo Mercantil de Vigo, xa que foi trasladado da súa localización orixinal. É un dolmen de corredor curto orientado cara ao leste cunha cámara composta por cinco ortóstatos.
Mámoa da Cruz	Terra do Deza	Lalín						Forma parte dunha necrópole de seis túmulos, tres deles recentemente destruídos ó roturar un prado. Atópase en moi mal estado. Nun dos ortóstatos atopáronse gravados serpentiformes.
Mámoa de Boi Morto	Terra de Montes	A Estrada
Mámoa de Costa da Freiría	Vigo	Vigo						Escavada nos anos trinta, conserva a cámara de planta poligonal composta por oito ortóstatos e restos do corredor orientado cara ao sueste.
Mámoa do Rei	Vigo	Redondela	Trasmañó					Localizado na parroquia de Trasmañó. Forma parte da Necrópole de Monte Penide (composta por 39 túmulos). Posúe planta poligonal orientada cara ao leste e conserva seis ortóstatos. O túmulo de terra é dun diámetro de 15 metros e uns 2,5 de altura.
Mamoela	Terra de Montes	A Estrada	San Pedro de Ancorados
Necrópole da Madroa	Vigo	Vigo						Conformado por dous túmulos moi próximos: O Nº 1 escavado clandestinamente conserva unha cámara poligonal composta por cinco ortóstatos orientada cara ao leste. O Nº 2 componse dunha cámara poligonal formada por sete ortóstatos de pequeno tamaño e restos do corredor.
Conxunto de mámoas e cromlech do Areoso	Salnés	Illa de Arousa						Conxunto dun mínimo de seis mámoas e un cromlech localizado no illote do Areoso, tamén chamado Guidoiro Areoso e Guidoiros Pedregosos, na Illa de Arousa.
Lapa de Gargantáns	Caldas	Moraña						Situada na parroquia de Gargantáns, trátase dunha das poucas pezas de Galicia que poden ser consideradas un menhir prehistórico.
Necrópole de Marco do Camballón	Terra do Deza	Vila de Cruces						Composta por quince túmulos, algún deles escavado como o Nº 5, no que apareceron restos cerámicos campaniformes, un disco perforado e, nun dos ortóstatos, gravados serpentiformes e un motivo solar.

Véxase tamén

Outros artigos

• Megalíto
• Megalitismo en Galicia
• Mámoa
• Galería de imaxes de dolmens en Galicia

Ligazóns externas

• Megálitos de España e a súa bibliografía