Século VIII

século VII < século VIII > século IX

Hemisferio Oriental a inicios do século VIII d.C.

Hemisferio Oriental a finais do século VIII d.C.

Tempo que transcorre dende o 1 de xaneiro de 701 ata o 31 de decembro de 800.

Acontecementos destacados

Galiza

• 711: Tariq ibn Ziyad cruza o estreito de Xibraltar. Coa creación de Al-Andalus, a maior parte da península Ibérica é conquistada por musulmáns árabes e bérberes, rematando así o dominio visigodo, e comezando case oito séculos de dominio musulmán.

• 711-791 - A ausencia da autoridade real, ocasiona que a nobreza galaica comece a disputarse o control sobre a antiga provincia de Gallaecia. Período de conformación dun novo reino cristián de Galicia.

• 774 - Batalla de Montecubeiro.

• 791 - Afonso II fixa a capital do Reino de Galicia na cidade asturiana de Oviedo.

Europa

• Século estimado no que se compón o poema Beowulf.
• O primeiro estado serbio fórmase a principios de século.
• Un relato da vida de Buda é traducido ao grego por Xoán Damasceno, e amplamente difundido entre os cristiáns como a historia de Barlaam e Josafat.
• 705: Xustiniano II vese obrigado a darlle o título de César de Bizancio ao emperador búlgaro Tervel. O Imperio Bizantino comeza a pagar tributos anuais a Bulgaria.
• 708 - 711: os búlgaros vencen a Xustiniano II na batalla de Anquialus. Un exército árabe Omeia ao mando de Muhammad ibn al-Qasim invade Sind no norte da India.
• 712 - 744: Liutprando, rei dos longobardos comeza o seu reinado.
• 713: pacto de Teodemiro, asinado entre Abd al-Aziz ibn Musa, o comandante das tropas musulmás invasoras en Hispania e Teodemiro, o conde visigodo de Aurariola.
• 717 - 718: cerco de Constantinopla. Os búlgaros e os bizantinos derrotan decisivamente aos árabes invasores, freando así o avance árabe cara a Europa.
• 726: o emperador bizantino León III o Isaurio destrúe a icona de Cristo sobre a porta de Chalke na cidade capital de Constantinopla, comezando a primeira fase da iconoclasia bizantina.
• 731: Beda completa a súa Historia ecclesiastica gentis Anglorum (Historia eclesiástica do pobo inglés).
• 732: batalla de Poitiers. O líder dos francos Carlos Martel e os seus homes derrotan a un grande exército de mouros baixo o gobernador de Córdoba, Abdul Rahman Al Ghafiqi, que morre durante a batalla. Esta vitoria detén o avance do islam cara a Europa Occidental.

• 740: batalla de Akroinon. Os bizantinos gañan a súa primeira vitoria a grande escala nunha batalla campal contra os árabes.

• 751: Pipino o Breve funda a dinastía Carolinxia.
  

  Pintura do século XIX representando a Pipino o Breve.

• 757: o rei Offa de Mercia convértese en gobernante dominante en Inglaterra.
• 768: morre Pipino; Carlos faise rei en Noyan e o seu irmán Carloman faise rei en Soissons.
• 772 - 804: Carlomagno invade o que hoxe é o noroeste de Alemaña, loitando contra os saxóns durante máis de trinta anos e finalmente esmagando a súa rebelión, incorporando Saxonia ao reino franco e ao mundo cristián.
• 787: A emperatriz Irene de Atenas convoca o segundo concilio de Nicea ou sétimo concilio ecuménico, que pon fin á primeira fase da iconoclasia bizantina.
• 792: batalla de Marcela. A vitoria búlgara sobre os bizantinos marca o final da inestabilidade política de medio século en Bulgaria.
• 793: primeiro relato escrito dunha incursión viquinga realizada na abadía de Lindisfarne, no norte de Inglaterra.
• 793: as guerras entre os frisóns e os francos chegan ao fin co último levantamento dos frisóns.
• 800: unha frota árabe navega polo Tíber.
• 800: o día de Nadal, Carlomagno é coroado o primeiro emperador do Sacro Imperio Romano Xermánico polo papa León III.

África

• 750: o Imperio de Ghana comeza en África occidental.
• 785: a dinastía Tang comeza a desembarcar misións marítimas regulares na costa de África oriental, eliminando os intermediarios dos comerciantes do mar árabe.

• 800 - 909: goberno dos aglabíes como provincia autónoma do califato no norte de África, con capital en Tunes.
• 800: inicio do antigo estado africano occidental de Takrur, que floreceu aproximadamente paralelo ao Imperio de Ghana.

Oriente Medio

• 705: morte do califa árabe Abd al-Malik, a súa sucesión polo seu herdeiro nomeado e fillo máis vello Al-Walid.
• 715: morte de Al-Walid I e foi sucedido polo seu irmán Sulayman ibn Abd al-Malik.
• 717: morte do califa Sulayman ibn Abd al-Malik e a súa sucesión polo seu curmán e herdeiro nomeado Umar ibn Abd al-Aziz.
• 718: Sri Indravarman, rei de Srivijaya, envía unha carta ao califa Umar bin Abdul Aziz do califato Omeia de Damasco, asinando o primeiro contacto oficial de Indonesia co mundo islámico de Oriente Medio.
• 720: morte do califa Umar ibn Abd al-Aziz e sucesión do seu curmán Yazid II.
• 724: morte do califa Yazid II e foi sucedido polo seu irmán e nomeado herdeiro Hixam.
• 743: morte do califa árabe Hixam e sucesión do seu sobriño e herdeiro Al-Walid II.
• 744: asasinato de Al-Walid II, sucesión de Yazid III ao trono califal.
• 744: morte de Yazid III e a súa sucesión polo seu irmán e nomeado herdeiro Ibrahim ibn al-Walid. O 4 de decembro Ibrahim viuse obrigado a abdicar a favor de Marwan II.
• 750: o último califa Omeia Marwan II é derrocado e executado polo primeiro califa Abasí, Abu al-Abbas al-Saffah. O califato trasládase a Bagdad que máis tarde se convertería nun centro de comercio e cultura.
• 754: morte do califa abasí Al-Saffah e ascenso do califa Al-Mansur ao califato árabe.
• 761: casamento da princesa abasí Raytah e Muhammad (futuro Al-Mahdi).
• 775: morte do califa Al-Mansur e foi sucedido por Al-Mahdi.
• 781: casamento da princesa abasí Zubaidah e Harun al-Rashid.
• 785: morte do califa abasí Al-Mahdi e sucesión de Al-Hadi o 24 de xullo de 785.
• 785 - 805: o xeógrafo chinés Jia Dan describe grandes piares de faro construídos no Golfo Pérsico, o que é confirmado un século despois por al-Mas'udi e Al-Muqaddasi.
• 786: morte do califa abasí Al-Hadi e ascenso do califa Harun al-Rashid.

Asia

• Fúndanse os cemiterios de Kombumerri.
• As historias budistas de Jataka tradúcense ao siríaco e ao árabe como Kalilag e Damnag.
• Śāntideva, un monxe budista do mosteiro de Nalanda na India, compón o famoso Bodhicharyāvatāra (Guía do modo de vida do bodhisattva).
• 701: o código Taihō promulgase a finais do período Asuka no Xapón.
• 705: derrocamento da emperatriz Wu Zetian, remata o reinado da primeira e única emperatriz muller da China.
• 710: a emperatriz Genmei traslada a capital a Heijō-kyū (actual Nara), iniciando o período Nara do Xapón.
• c. 712: a igrexa do Oriente establece a sede episcopal metropolitana na capital chinesa de Chang'an.
• 712 - 756: o emperador Xuanzong reinou, o tempo foi considerado un dos momentos álxidos da China.
• 712 - 740: campañas do califato na India.
• 713: morte de Dajian Huineng, sexto e último patriarca do budismo Chán.
• 716: Sanjaya ascende ao trono para ser o primeiro rei do reino de Mataram.
• 732: a dinastía Sanjaya é fundada por esta época segundo a inscrición de Canggal.
• 742: para o censo municipal da capital chinesa da dinastía Tang, Chang'an, e a súa área metropolitana de Jingzhou Fu (incluíndo pequenas cidades nas inmediacións), o Novo Libro de Tang rexistra que neste ano había 362.921 familias rexistradas con 1.960.188 persoas.
• 748: o monxe budista chinés Jian Zhen escrebe no seu Yue Jue Shu sobre o tráfico marítimo internacional que chega a Guangzhou, os barcos de Borneo, Persia, Sri Lanka, Indonesia e outros que traen toneladas de mercadorías.
• 751: os exércitos árabes derrotan ás tropas chinesas da dinastía Tang na batalla do Talas, no alto Pamir preto de Samarcanda, e conquistan Asia Central por completo.
• 752: o reino hindú Mataram florece.
• 755 - 763: a rebelión An Shi devasta a China durante a dinastía Tang media.
• 758: piratas e viaxeiros árabes e persas queiman e saquean a cidade chinesa de Guangzhou, mentres que as autoridades da dinastía Tang pechan o porto durante as próximas cinco décadas.
• 760: a construción da famosa estrutura budista indonesia Borobudur comezou, probablemente como un santuario non budista.
• 770 - 780: Xava lanzou unha serie de ataques navais nos portos de Dai Viet, Champa e Camboxa. Probablemente foron orquestrados por Sailendra-Srivijaya Maharajá Dharmasetu ou Dharanindra.
• 778: templo de Kalasan construído, segundo a inscrición de Kalasan.
• 781: a estela nestoriana eríxese na China.
• 782: o monxe budista Prajna chega a Chang'an e traduce os sutras ao chinés.
• 792: o templo de Manjusrigrha (Sewu) complétase segundo a inscrición de Manjusrigrha.
• 794: o emperador Kanmu traslada a capital a Heian-kyō (actual Quioto), iniciando o período Heian do Xapón.
• 800: o reino budista Sailendra de base agrícola florece.

América

• A civilización maia clásica comeza a declinar.
• 711: Palenque é conquistado por Toniná.
• 738: Quiriguá declara a independencia de Copán.

Personaxes destacadas

• Abd al-Rahman I (731 - 788): fundador da dinastía independente dos Omeias en Al-Andalus.
• Hadrián I (? - 795): papa de Roma, o seu papado foi un dos máis longos da historia.
• Alcuíno de York (735 - 804): santo pola igrexa anglicana, teólogo e pedagogo anglosaxón.
• Beda (672 - 735): santo e escritor de orixe anglosaxón.
• Carlomagno (742 - 814): fundador do Imperio carolinxio.
• Carlos Martel (686 - 741): mordomo do palacio de Austrasia.
• Desiderio (710? - 786): último rei dos longobardos.
• Paio (? - 737): primeiro xefe cristián en facer fronte aos musulmáns na península.
• Tu Fu (712 - 770): poeta chinés.
• Estevo II (715 - 757): papa de Roma e fundador dos Estados Pontificios.
• Harun al-Rashid (766 - 809): califa abasí.
• Irene (752 - 803): santa da Igrexa Ortodoxa, emperatriz bizantina.
• Xoán Damasceno (675 - 759): teólogo e escritor sirio.
• Li Po (701 - 762): poeta chinés.
• Marwan II (688 - 750): último califa do califato Omeia.
• Musa ibn Nusayr (640 - 716): líder militar musulmán.
• Nicéforo I (765 - 811): emperador bizantino.
• Padmasambhava: fundador da escola budista tibetana Nyingma.
• Pipino o Breve (715 - 768): mordomo do palacio de Austrasia e Neustria, pai de Carlomagno.
• Rodrigo (688 - 711): último monarca do reino visigodo de Toledo.
• Tariq ibn Ziyad (689 - 720): líder militar musulmán.
• Teodulfo de Orleans: santo e bispo de Orleáns de orixe hispana.
• Tervel: emperador dos búlgaros.
• Al-Walid I (668 - 715): califa da dinastía Omeia.
• Xuanzong (685 - 752): emperador chinés da dinastía Tang.

Invencións, creacións e descubrimentos

• Arado pesado en uso no val do Rin.
• O colar de cabalo en uso no norte de Europa dende o século VIII ou IX, quizais introducido desde Asia.
• Mediados do século VIII: a fabricación de papel foi introducida desde China aos árabes.
• As ferraduras de ferro entraron en uso común ao redor do 770.
• Pattadakal, arquitectura Chalukya.
• O monxe budista chinés Yi Xing aplica un mecanismo de escape de reloxo para operar e xirar o seu globo astronómico celeste.
• A primeira arpa triangular europea deseñada polos pictos de Escocia.
• Mediados do século VIII: reconstrúese a gran pagoda do ganso salvaxe no templo de Ci'en, Xi'an, Shanxi.
• Mediados do século VIII: realízase "Camello levando un grupo de músicos", procedente dunha tumba preto de Xi'an, Shanxi durante dinastía Tang. Agora consérvase no Museo da Historia Chinesa de Pequín.

---

Este artigo sobre efemérides é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---