Abrir o menú principal

Xabier P. DoCampo

mestre e escritor galego
(Redirixido desde "Xabier P. Docampo")

Francisco Xabier Puente Docampo, coñecido popularmente como Xabier P. DoCampo, nado en Rábade o 5 de abril de 1946[1] e finado na Coruña o 26 de xuño de 2018,[2] foi un mestre, escritor[3], contacontos, actor de teatro, guionista e promotor da lingua e a cultura galega, ademais de animador á lectura e experto en bibliotecas escolares.

Xabier P. DoCampo
Xabier P. DoCampo (AELG)-1.jpg
Nome completoFrancisco Xabier Puente Docampo
Nacemento5 de abril de 1946
 Rábade
Falecemento26 de xuño de 2018
 A Coruña
NacionalidadeEspaña
Ocupaciónmestre e escritor
PremiosPremio Nacional de Literatura infantil e xuvenil de España
Firma de Xabier Docampo.png
editar datos en Wikidata ]

TraxectoriaEditar

Con poucos anos a familia trasladouse a Castro Ribeiras de Lea[4] e uns anos despois á Coruña onde estudou o bacharelato e Maxisterio[5]. Traballou como mestre en varios colexios e durante oito anos en Preescolar na Casa. Sempre relacionado cos movementos de renovación pedagóxica,[6] pertenceu ao Consello de Redacción da Revista Galega de Educación[7]. Deu cursos a profesores e relatorios en congresos sobre a didáctica da lingua e a literatura, sobre a lectura e a súa implantación escolar e social, sobre a narración oral, a súa estrutura, a súa influencia na literatura escrita e a súa utilización didáctica, tanto en Galicia coma fóra. Escribiu libros de texto para a escola e textos de ensaio didáctico e pedagóxico. Foi tamén actor e director de teatro e colaborou durante sete anos en Radio Nacional de España en Galicia como guionista e como director de programas de diverso tipo e formato.

Foi un dos grandes renovadores da literatura infantil-xuvenil galega[8] e tamén un dos máis traducidos.[9]

En 1995 obtivo o Premio Nacional de literatura infantil e xuvenil por Cando petan na porta pela noite,[10] seleccionada así mesmo como unha das cen mellores obras do século XX español, segundo a Fundación Germán Sánchez Ruipérez.

A súa tarefa pedagóxica intégrase na chamada Nova Escola Galega.

Participou activamente na creación da Asociación Galega do Libro Infantil e Xuvenil, de cuxa Xunta directiva formou parte durante cinco anos, dous deles como presidente. Colaborou semanalmente no programa da Radio Galega Un día por diante cun comentario literario.

ObrasEditar

Literatura infanto-xuvenilEditar

NarrativaEditar

EnsaioEditar

Obras colectivasEditar

  • Os contos da campaña (3) (1992, Xunta de Galicia).
  • Trazos, trozos e retrincos (1992, Xunta de Galicia).
  • Construír a paz (1996, Xerais).
  • Unha liña no ceo (58 narradores galegos 1979-1996) (1996, Xerais).
  • Novo do trinque (1997, BNG).
  • Imos xuntos camiñar (1999, Xunta de Galicia).
  • Novos exercicios de estilo (2000, Universidade da Coruña).
  • Contos de ler e contar (2001, Xunta de Galicia).
  • Historias para calquera lugar (2001, Xerais).
  • Manuel María (2001, Ophiusa).
  • Contos do museo (2003, Deputación de Lugo).
  • Narradio. 56 historias no ar (2003, Xerais).
  • Contos de máscaras, rúas, perdicións e caníbales (2004, Xunta de Galicia).[21]
  • Educación e Paz III. Literatura galega pola Paz (2008, Xerais).
  • 55 mentiras sobre a lingua galega (2009), Laiovento).
  • Marcos Valcárcel. O valor da xenerosidade (2009, Difusora).
  • Cociñando ao pé da letra (2011, Galaxia). Colaboración con varios autores sobre poesía e cociña.

PremiosEditar

  • Premio Feira do Libro da Coruña, 1989, polo conxunto da súa obra narrativa.
  • Premio Emilia Pardo Bazán do Ministerio de Educación.
  • Premio Rañolas 1994 á mellor obra de Literatura Infantil e Xuvenil en Galicia.
  • Premio Nacional de Literatura Infantil e Xuvenil en 1995, por Cando petan na porta pola noite.
  • Honourl List IBBY 1996.
  • The White Ravens 1997 da Jugendbibliothek de Múnic.
  • Premio Lecturas da Asociación do Libro Infantil e Xuvenil de Galicia (GALIX) de 2004.
  • The White Ravens 2005 da Jugendbibliotethet de Múnic, por Bolboretas.
  • Premio Isaac Díaz Pardo ao Libro Ilustrado no 2008, por O libro das viaxes imaxinarias.
  • Premio da Asociación de Escritores en Lingua Galega de Infantil-Xuvenil no 2008, por O libro das viaxes imaxinarias.
  • Premio Fervenzas Literarias ao Mellor Libro Xuvenil no 2008, por O libro das viaxes imaxinarias.
  • Premio da AELG á mellor obra de literatura infanto-xuvenil do 2013, por A illa de todas as illas.
  • Premio Fervenzas Literarias ao mellor libro de narrativa de 2017, por A nena do abrigo de astracán.
  • Premio da Crítica de Galicia, Creación Literaria 2018 por A nena do abrigo de astracán.
  • Premio á mellor obra narrativa por A nena do abrigo de astracán na Gala do Libro Galego do 2018.[22]

NotasEditar

  1. "Xabier P. DoCampo". www.aelg.gal. Consultado o 2019-06-27. 
  2. "Morre Xabier P. Docampo, voz imprescindíbel da literatura infantil e xuvenil galega", Sermos Galiza, 26 de xuño de 2018.
  3. "autor/a A. Editorial Xerais". www.xerais.gal. Consultado o 2019-06-27. 
  4. Vizoso, Sonia (2018-06-26). "Muere Xabier P. Docampo, el niño que se hizo escritor escuchando a sus padres". El País (en castelán). ISSN 1134-6582. Consultado o 2019-06-30. 
  5. "Ficha do autor". bvg.udc.es. Consultado o 2019-06-27. 
  6. "Xabier Puente Docampo. Galegos. Gallegos". galegos.galiciadigital.com. Consultado o 2019-06-27. 
  7. "Enciclopedia Historia Literatura Galega". literaturagalega.as-pg.gal. Consultado o 2019-06-29. 
  8. "La Literatura Infantil y Juvenil gallega en el siglo XXI. Seis llaves para "entenderla mejor" / Blanca-Ana Roig Rechou. Biblioteca Virtual Miguel de Cervantes". www.cervantesvirtual.com. Consultado o 2019-06-27. 
  9. Xolda.com. "Bitraga. Biblioteca de tradución galega". bibliotraducion.uvigo.es (en castelán). Consultado o 2019-06-30. 
  10. "Xabier P. DoCampo". Editorial Galaxia. Consultado o 2019-06-27. 
  11. "El misterio de las campanadas - Anaya Infantil y juvenil". www.anayainfantilyjuvenil.com (en castelán). Consultado o 2019-06-28. 
  12. Docampo, Xabier P. (2005). La llave maestra. Algar. p. 166. ISBN 8495722801. 
  13. D'Souza, Ajay. "Xabier P. Docampo: Estampado! « A Biblioteca de Fillos de Galicia". Consultado o 2019-06-29. 
  14. "Visualizar obra". bvg.udc.es. Consultado o 2019-06-29. 
  15. "A casa da luz :: CINE GALEGO". engalecine6.webnode.es. Consultado o 2019-06-28. 
  16. "O libro das viaxes imaxinarias. Edicións Xerais de Galicia. LG3. O soportal da Literatura Galega". culturagalega.org (en castelán). Consultado o 2019-06-27. 
  17. Nicolás, Ramón (2011-11-20). "Mans, texto de Xabier P. DoCampo; fotografías de Daniel Puente Bello (DNL)". Caderno da crítica. Consultado o 2019-06-29. 
  18. "Ficha do libro. Editorial Xerais". www.xerais.gal. Consultado o 2019-06-28. 
  19. Nicolás, Ramón (2017-12-19). "A nena do abrigo de astracán, de Xabier P. DoCampo". Caderno da crítica. Consultado o 2019-06-27. 
  20. "Unha excelente novela: «A nena do abrigo de astracán», de Xabier P. DoCampo. Crítica de Xosé Manuel Eyré. Blog Xerais". blog.xerais.gal. Consultado o 2019-06-27. 
  21.   DoCampo lendo un fragmento de A Máscara, conto da obra colectiva Contos de máscaras, rúas, perdicións e caníbales.
  22. "Premiados na Gala do Libro Galego no 2018". Consultado o 28 de xullo de 2018. 

Véxase taménEditar