Feliciano Barrera

empresario galego

Feliciano Barrera Fernández, nado en Guláns (Ponteareas) en 1918 e finado en Madrid o 9 de febreiro de 2012,[1] foi un empresario galego relacionado coa activade xornalística.

Feliciano Barrera
Nacemento1918
Lugar de nacementoGuláns
Falecemento9 de febreiro de 2012
Lugar de falecementoMadrid
NacionalidadeEspaña
Ocupaciónempresario
PremiosMedalla Castelao
editar datos en Wikidata ]

Traxectoria editar

Doutor en Económicas pola Universidade Complutense de Madrid, foi fundador de empresas como o Hotel Mindanao e o Banco Industrial do Tajo. Destacou como editor do grupo de comunicación El Correo Gallego, do cal se fixo cargo ao obter a maioría accionarial de Editorial Compostela en 1965. Dende aquel traballou no mundo empresarial ligado ao xornalismo. Segundo unha enquisa de El Mundo, atopábase entre as 25 persoas de maior influencia de Galicia.[2] Presentouse como candidato a procurador en Cortes en representación do terzo familiar pola provincia de Pontevedra en 1971,[3] pero non foi elixido.[4]

 
CEIP Plurilingüe Feliciano Barrera.

Nos últimos anos da súa vida residiu en Madrid.

Distincións e recoñecementos editar

Foi designado Fillo Predilecto de Ponteareas, onde ten dedicada unha rúa, conta coa Medalla Afonso X o Sabio, Medalla da Orde de Cisneros, Medalla da Orde de Santo Hermenexildo, Medalla de Galicia, Medalla Castelao, Insignia de Ouro da Universidade de Santiago de Compostela, Medalla de Ouro ao Mérito Empresarial, outorgada polo concello de Santiago de Compostela de onde é fillo adoptivo e onde tamén ten dedicada unha rúa.[5]

Notas editar

  1. "Falece Feliciano Barrera" 9/2/2012. Consello da Cultura Galega.
  2. Morre o editor de El Correo Gallego, 9/2/2012, Galicia Confidencial.
  3. El Pueblo Gallego, 19-9-1971, p. 17.
  4. El Pueblo Gallego, 5-10-1971, p. 18.
  5. Maximino Fernández Sendín, 3/3/2011, "Feliciano Barrera , ejemplo de tesón y generosidad a imitar" (en castelán).

Véxase tamén editar

Bibliografía editar

Ligazóns externas editar