Wikipedia:A Taberna (axuda)/Arquivo 21

Este é un arquivo da sección A Taberna (axuda) da Taberna
Nesta páxina atópanse algúns dos fíos de conversa tratados nesta sección da Taberna que foron arquivados. Por favor, non edites esta páxina. Para reavivar calquera destes debates, comeza un novo tema na páxina actual.
< Conversas vellas | Arquivos: 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25

Axuda co francés para o Wikiproxecto Proxectos pedagóxicos

Boas, estou a adaptar o wikiproxecto de Wikipedia:Proxectos_pedagóxicos da wiki francesa e preciso axuda de xente que saiba algo de francés para que revise as traducións que estou a facer porque eu non sei nin papa. Polo momento só está lista a páxina principal pero a ver se nesta semana e a seguinte fago as páxinas máis interesantes para o proxecto. A idea é que esta sexa unha ferramenta de utilidade para potenciar o Wikipedia:Wikiproxecto A Galipedia na aula e por iso toda a axuda é benvida. Que dicides Breogan2008, AMPERIO, Atobar, Chairego apc, Nonso91, Servando2, Sobreira ou Xabier Cid? Podedes contribuír revisando só unha páxina cada un (apuntade aquí se a revisades) ou metervos de cabeza no tinglado facendo e desfacendo o que mellor vexades..., liberté et fraternité ;P.

Polo momento están rematadas as seguintes páxinas, actualizarei esta lista cando haxa máis, os que queiran que os avise deixade unha nota aquí:

• Wikipedia:Proxectos pedagóxicos: Estado > Rematada!
• Wikipedia:Proxectos pedagóxicos/Profesores: Estado > Rematada!
• Wikipedia:Proxectos pedagóxicos/Alumnos: Estado: feita por Breogan2008, Rematada!
• Wikipedia:Proxectos pedagóxicos/Profesorado/Preguntas frecuentes: Estado: Rematada!
• Wikipedia:Proxectos pedagóxicos/Profesorado/Proxectos: Estado: feita por Chairego_apc. Rematada!
• Wikipedia:Proxectos pedagóxicos/Recursos: Estado: Rematada!
• Modelo:Proxecto pedagóxico: Estado > Rematada!

Saúdos, --Elisardojm (conversa) 16 de febreiro de 2016 ás 11:21 (UTC)

Ola, eu podería revisar páxinas puntualmente, pero non teño moita dispoñibilidade de tempo (estes meses). Se me mandas páxinas soltas (unha ou dúas por semana) e me dis "revisa esta, xabi", eu podo facelo. Mais se teño que estar pendente do estado do proxecto, non o vou dar feito. --Xabier Cid Talk 2 me, please 16 de febreiro de 2016 ás 11:40 (UTC)

Ola, eu non teño moito tempo, pero podo botar unha man, revisando ou traducindo algunha parte, como ti vexas (xa vin que coas citas tiveches algunha dificultade). Nicole (conversa) 16 de febreiro de 2016 ás 13:10 (UTC)

Nicole, coas citas non tiven algunha dificultade, tiven moitas dificultades! :D Pois se podes revisa xa esa primeira páxina, Wikipedia:Proxectos pedagóxicos, vou ver como se me da a dos profes e xa vos conto. Saúdos, Elisardojm (conversa) 16 de febreiro de 2016 ás 14:16 (UTC)

Dígoche o mesmo, se teño tempo bótole un ollo ao queloutro este. Paréceme unha cousa ben interesante. Saúdos Servando2 (Dime) 17 de febreiro de 2016 ás 11:55 (UTC)

Elisardojm non entendo moi ben o que queres que fagamos. Imaxino que estás falando de revisar as traducións ou rematar as que faltan? Eu ando tamén un pouco liado, pero podo intentar axudar no que poida. --AMPERIO (conversa) 17 de febreiro de 2016 ás 12:41 (UTC)

AMPERIO, pois en principio revisar as traducións que estou facendo eu, pero se queredes ir traducindo algunha das páxinas estaría xenial, eu podo ir axeitándoas ó formato da Galipedia e déixoas preparadas para que se vaian traducindo porque iso tamén é bastante choio. Vou ir facendo algunha máis e cando a teña avísovos por se queredes irlle metendo o dente como xa fixo Breogan2008 con Wikipedia:Proxectos pedagóxicos/Alumnos. Saúdos, Elisardojm (conversa) 17 de febreiro de 2016 ás 13:08 (UTC)

Breogan2008, AMPERIO, Atobar, Chairego apc, Nonso91, Servando2, Sobreira e Xabier Cid, están "armadas" dúas novas páxinas do tinglado, non teñen nada traducido, o que queira meterlle o dente xa ten onde morder :), son Wikipedia:Proxectos pedagóxicos/Profesorado/Preguntas frecuentes e Wikipedia:Proxectos pedagóxicos/Profesorado/Proxectos. Grazas a todos pola axuda e un saúdo, Elisardojm (conversa) 17 de febreiro de 2016 ás 13:48 (UTC)

Parabéns pola iniciativa. Voulle "meter o dente" a un. --Chairego apc (conversa) 17 de febreiro de 2016 ás 17:16 (UTC)

Xenial!, creo que isto está a quedar macanudo! Se alguén quere revisar o que fixen en Wikipedia:Proxectos pedagóxicos/Profesores e continuar co choio agradeceríallo porque o francés non é o meu, e así podo adicarme a adaptar un pouco máis o resto de páxina á Galipedia. Moitas grazas de novo a todos, Elisardojm (conversa) 17 de febreiro de 2016 ás 18:02 (UTC)

Rematei eu este choio, bótalle un ollo por se ves incongruencias de estilo co resto dos textos. Mirei algo o proxecto e paréceme estupendo. Isto pode animar aos profesores a meter aos alumnos na wikipedia e no coñecemento global. Parabéns.Servando2 (Dime) 19 de febreiro de 2016 ás 20:01 (UTC)

Xenial, moitas grazas Servando2! Quedan algúns detalles máis pero en pouco tempo estará listo. Saúdos, Elisardojm (conversa) 1 de marzo de 2016 ás 02:30 (UTC)

Faltan por revisar e rematar as páxinas Wikipedia:Proxectos pedagóxicos/Profesorado/Proxectos e Wikipedia:Proxectos pedagóxicos/Recursos, a ver quen se anima. Saúdos, Elisardojm (conversa) 1 de marzo de 2016 ás 02:46 (UTC)

Lista a de Proxectos. Saúdos, Elisardojm (conversa) 6 de marzo de 2016 ás 10:37 (UTC)

Só queda por traducir a páxina Wikipedia:Proxectos pedagóxicos/Recursos, quen pode rematala? É moi pequeniña. Saúdos, Elisardojm (conversa) 6 de marzo de 2016 ás 17:25 (UTC)

Breogan2008, AMPERIO, Atobar, Chairego apc, Nonso91, Servando2, Sobreira ou Xabier Cid, algún pode rematar de traducir a páxina Wikipedia:Proxectos pedagóxicos/Recursos?, é pequeniña O:) Saúdos, Elisardojm (conversa) 8 de marzo de 2016 ás 13:03 (UTC) Feito! pero non sei qué facer cos títulos das publicacións. Non sei se traducilas, para que se saiba o que hai dentro, ou se deixalos así. Dime, porfis, Elisardojm. --Xabier Cid Talk 2 me, please 8 de marzo de 2016 ás 14:05 (UTC)

Breogan2008, AMPERIO, Atobar, Chairego apc, Nonso91, Servando2, Sobreira, Xabier Cid, Chairego apc, Nicole e a todos os que colaboráchedes nestas páxinas, GRAZAS a todos pola vosa axuda neste proxecto, penso que pode ser unha boa ferramenta para que algúns profesores consideren as propostas que hai neste traballo. Agora tan só queda facer un apartado de competencias curriculares, tentarei ir facéndoo pouco a pouco coas fontes que atope por aí pero toda a axuda é benvida porque eu non traballo nese campo. Habería que cambiar tamén algunhas das ligazóns dos Recursos xa que a maioría están en francés, pero iso pode facerse a medida que se vaian atopando ligazóns interesantes.

Penso que tal e como está xa pode ser usado perfectamente, polo que convido a todos os usuarios a dalo a coñecer e promocionar o seu uso dentro da comunidade educativa. Saúdos e grazas de novo a todos, Elisardojm (conversa) 30 de marzo de 2016 ás 09:04 (UTC)

Editatón sobre científicas no MUNCYT

Transcribo correo electrónico enviado por es:Rubén Ojeda (WMES) ^{es:discusión} a HdH (en castelán).

Hola!

Soy Rubén Ojeda, miembro de Wikimedia España, nos conocimos en Oviedo. ¿Qué tal todo?. Espero que bien. Vi tu mensaje sobre las piezas del Museo Arqueológico Nacional, disculpa por no contestar en ese momento. Lo hablaré con el Museo. ¿Esas piezas tienen ya artículo en gallego y castellano?.

Por otro lado, te quería comentar. El próximo día 8 de marzo se conmemora el Día Internacional de la Mujer y por tal motivo se celebrarán varios actos relacionados con Wikipedia por toda España.

Uno de ellos tendrá lugar en el Museo Nacional de Ciencia y Tecnología, de A Coruña, la mañana de ese día 8 de marzo. Se tratará de un editatón en el que la temática a tratar serán científicas. Participarán, como editores, alumnos de un Máster y alumnos de enseñanzas medias.

El problema es que, al parecer, pocos de los asistentes saben editar en Wikipedia, por lo que sería recomendable que usuarios veteranos pudieran asistir presencialmente para dar unas pautas o normas a seguir cuando se edita y para ayudar a los asistentes al evento.

Si puedes y quieres asistir, avísame y te pongo en contacto con el Museo. ...

Un cordial saludo.

Hola Rubén. Estupendamente ¿Y tu que tal?. Las piezas están relacionadas en el apartado Museo Arqueolóxico Nacional de España#Pezas galegas no museo. Como verás, algunas tienen artículo propio y/o alguna fotografía y otras no.

Al editatón de A Coruña no podré asistir, pero transcribo parte de tu mensaje, aquí, en la taberna de Wikipedia en gallego, por si algún compañero puede hacerlo. Además, por si resultara de utilidad para el editatón: añadir que tenemos un listado de candidatas a tener artículo propio, algunas de ellas científicas, aquí: Wikipedia:Wikiproxecto galegas

Gracias y un abrazo. --. HombreDHojalata.^conversa 23 de febreiro de 2016 ás 22:16 (UTC)

Eu podo ir o martes 8 á Coruña. Agardo un par de días antes de lle escribir a Rubén por se alguén máis se une. --Estevo(aei)^{pa o que queiras...} 23 de febreiro de 2016 ás 22:39 (UTC)

Hola. Sobre las piezas del Arqueológico, sería interesante que contasen con artículo propio, no sé si es viable a medio plazo, tanto en gallego como en castellano. Anoto esa página del wikiproyecto galegas; ellos me comentaron que tienen ya una lista de 22 científicas, no sé si coincidirán, estoy a la espera de que me informen. Fenomenal Estevoaei; me puedes enviar un correo y de esa forma poder ponerte en contacto con el Museo?. Muchas gracias. Un saludo. --Rubén Ojeda (WMES) (conversa) 24 de febreiro de 2016 ás 17:51 (UTC)

Fotos na Asemblea do BNG

Boas, acabo de conseguir unha acreditación de prensa para a Asemblea do BNG que está a facerse hoxe en Coruña, porén ata as 6 e pico non me dan acceso á sala para facer fotos. O problema é que eu non coñezo a moita xente do BNG que teña artigo nin as coñezo de vista, ademais hoxe estou bastante ocupado e non teño tempo de revisar nada. Por iso preciso a vosa axuda, necesitaría unha lista de persoeiros do BNG, con artigo ou sen el, e cunha ligazón a unha foto del para ver se despois os dou atopado e podo facerlles algunha foto. Se teño un momento libre tentarei ir facendo algo aquí, unha táboa simple co nome, cargo e ligazón a unha foto, xa me vale, pero toda a axuda que podades achegar é benvida. Iso si, antes das 6 que a esa hora teño que ir para Palexco. Saúdos, Elisardojm (conversa) 28 de febreiro de 2016 ás 12:53 (UTC)

Notificacións internacionais de Wikipedia

Ola. É só para facer unha pregunta a ver se alguén sabe. Non é nada urxente; só é por curiosidade. Quería saber se a wikipedia internacional (por chamarlle dalgunha maneira) distingue entre a galipedia e a wikipedia en castelán ou se, polo feito de seren as dúas de España, a distinción das dirección ou enderezos de ambas non está moi clara. Digo porque me mandaron unha mención á wikipedia en castelán (ver es:Usuario discusión:Miguelferig en es.wikipedia) en vez de mandarma aquí. Eu contribúo fundamentalmente na galipedia e en es.wikipedia só teño feito algunhas correccións pequenas e moitas intervencións nas páxinas de conversa, pero ningunha páxina, polo que me estrañou. Entón supoño que sería porque eles non distinguen moi ben entre a galipedia e a es.wikipedia.--Miguelferig (conversa) 1 de marzo de 2016 ás 20:47 (UTC)

Parece cousa máis dun usuario concreto (en:User:Doc James) que dun ente "wikipedia internacional". O tal James é membro dun Wikipedia:Wikiproxecto de medicina. Supoño que colleu unha estatística de usuarios que fixeron moitas edicións en artigos da Categoría:Medicina, e subcategorías, e repartiu felicitacións a diestra e siniestra. Se co de "wikipedia internacional" te refires á Wikimedia Foundation, penso que non, que non ten nada que ver con isto. --. HombreDHojalata.^conversa 1 de marzo de 2016 ás 23:49 (UTC)

Creo que é un erro relacionar a Wikipedia en castelán exclusivamente con España, pois moitas das achegas nos seus artigos proceden de hispanoamérica. Supoño que a xente de en:wiki é consciente diso, xa que alí tamén hai redactores de moi diversas procedencias. --Estevo(aei)^{pa o que queiras...} 2 de marzo de 2016 ás 00:32 (UTC)

Grazas pola información.--Miguelferig (conversa) 2 de marzo de 2016 ás 11:44 (UTC)

Datos de poboación de 2006 e 2007

Temos unha morea de artigos nas categorías Poboación 2006 e Poboación 2007 cuxos datos de poboación precisan de actualización ao ano 2015. Vai pasando o tempo e xa levan case dez anos de desfase... Que vos parece se facemos unha nova malla para poñelos ao día? --Chairego apc (conversa) 19 de marzo de 2016 ás 19:04 (UTC)

Boa cousa sería. --. HombreDHojalata.^conversa 19 de marzo de 2016 ás 20:59 (UTC)

Axuda Wikipedia-Google Maps toponimia

Ola, sei que o que escribo non está 100% relacionado con Wikipedia, pero preciso da vosa axuda. Google Maps vén de actualizar o seu portal en diferentes linguas, por exemplo en galego aparecen os nomes de todos os países na nosa lingua. Antes aparecían na lingua propia e en inglés. Aínda que Wikipedia en español usaba os topónimos castelanizados, as máis das veces ridículos, Maps, a ferramenta máis usada polos usuarios, conservaba as formas oficiais. O que creo que fai agora Maps é coller os topónimos da Wikipedia nas diferentes linguas para adaptalos ao mapa. Na versión española, a usada por defecto en España e Galicia, colle os topónimos deturpados, e xa aparecen no mapa topónimos como El Grove, Villanueva de Arosa, Orense, Vivero...Para min, que traballo na Wikipedia en galego porque a nosa lingua teña polo menos un discreto espazo no mundo, é algo que me tira os folgos, xa que Google Maps é a referencia. Xa teño escrito a Google Maps e teño corrixido múltiples microtopónimos, ou denominacións no rueiro (os macrotopónimos non se poden modificar dende hai tempo). Sei que trocar os nomes da Wikipedia en español parece que non é posible...e son consciente que non é 100% asunto da Wikipedia, pero está directamente relacionado e coido deberíamos intentar algo se nos preocupa a lingua pola que aquí traballamos. Grazas.

Un saúdo.Nachonion (conversa) 22 de marzo de 2016 ás 09:46 (UTC)

Nachonion, eu teño configurado o Google co idioma en galego e desa forma os topónimos sáenme correctamente. Google pode basearse nas mesmas ideas que a wikipedia en castelán para poñer eses topónimos cando o idioma por defecto en España é ese. Pasa o mesmo se consultas Lleida, pon Lérida, pola contra se tes o idioma en galego sae correctamente. E se buscas Xirona aparece con ese nome. A solución, configurar o idioma a galego. Saúdos, Elisardojm (conversa) 22 de marzo de 2016 ás 10:31 (UTC)

Elisardojm, iso xa o sei, eu tamén teño configurado o Google en galego, e segundo o idioma cambia, agora cambia o nome dos topónimos (antes non); tamén sei que poden basearse na mesma lei...e xa está...todos contentos, o único que non son oficiais e danan terriblemente a normalización dos topónimos e da lingua galega...só digo que deberíamos facer algo a respecto.Nachonion (conversa) 22 de marzo de 2016 ás 12:15 (UTC)

O único que se me ocorre sería abrir unha campaña en Change.org, darlle difusión e se ten éxito mandarlla a Google. Saúdos, Elisardojm (conversa) 22 de marzo de 2016 ás 13:02 (UTC)

Creei en Change.org a campaña para mudar a toponimia de Galicia á súa forma orixinal. Prego que lle deades difusión, a ver se conseguimos algo. Graciñas. Esta é a ligazón: https://www.change.org/p/google-que-google-maps-en-espa%C3%B1ol-cambie-los-top%C3%B3nimos-de-galicia-a-su-%C3%BAnica-forma-oficial?recruiter=21157007&utm_source=share_for_starters&utm_medium=copyLink

Máis que darlle difusión nós, cumpriría canalizalo pola Mesa, ProLingua e demais plataformas semellantes. Polo demais, Nachonion, coido que o que sinalas é de absoluta xustiza e sentido común, pero ten en conta que isto é a Wikipedia, e o seu ámbito de traballo non debe ser ningún outro ca o da edición wiki; tampouco non pode usarse como un foro. Debemos ter presente O que a A Wikipedia non é. Un saúdo. --Atobar ^{(conversa comigo)} 2 de maio de 2016 ás 15:44 (UTC)

Firmado Nachonion, grazas por levar adiante esa proposta. Aínda que a Wikipedia non sexa un foro iso non quita que na taberna só se poidan comentar temas e novas que poidan ser de interese para a maioría dos usuarios, O que a Wikipedia non é está ben para as conversas dos artigos, penso eu. O único que se pode comentar é que a sección máis axeitada para este tema sería o de Xeral, xa que esta taberna é máis ben para Axuda sobre temas da Wikipedia, pero movendo o fío para o outro lado xa estaría todo perfecto... Saúdos, Elisardojm (conversa) 2 de maio de 2016 ás 16:27 (UTC)

Milos

Teño un problema para mover a páxina 'Milos - Μήλος' a Milos. Cada vez que o intento sáeme un aviso que di que non teño os permisos necesarios para facelo. Se cadra algún administrador pode. Grazas de antemán. Un saúdo. --Chairego apc (conversa) 24 de marzo de 2016 ás 18:34 (UTC)

Creo que o problema é que Milos xa existe como redirección.--Miguelferig (conversa) 24 de marzo de 2016 ás 19:58 (UTC)

O caso é que o resto de páxinas de illas gregas que tamén tiñan o nome duplo púidenas mover sen problema, e moitas delas tiñan o nome final como redirección. Esta foi a única páxina que me dá fallo ao movela e non sei porqué. --Chairego apc (conversa) 24 de marzo de 2016 ás 20:02 (UTC)

Feito!! --Estevo(aei)^{pa o que queiras...} 24 de marzo de 2016 ás 23:56 (UTC)

Grazas! --Chairego apc (conversa) 25 de marzo de 2016 ás 10:55 (UTC)

Non me deixa engadir unha cousa

Pretendía engadir na paxina:

https://gl.wikipedia.org/wiki/Escudo_de_Galicia

duas imaxes do escudo durante a segunda república dunhas fotos do estuto do 36. Non sei por que pero non me deixa engadilos. A ver se podedes facelo vos:

Unha subcabeceira 1: "O escudo durante a segunda república" E logo estas duas imaxes nunha galeria:

—o anterior comentario sen asinar foi feito por Ismitis (conversa • contribucións) 21 de maio de 2016 ás 04:32

A portada do estatuto (imaxe borrada) é obra de Camilo Díaz Baliño, do que aínda non se cumpliron os 80 anos da súa morte (14 de agosto de 1936). --Jorges65 (conversa) 21 de maio de 2016 ás 13:11 (UTC)

1000 artigos

Estiven a ampliar algúns dos 1000 artigos que toda Wikipedia debería ter e teño un problema en dous: tanto ecuación diferencial como algoritmo aparecen na categoría Artigos que toda Wikipedia debería ter (máis de 10 kB), pero no propio artigo a categoría que aparece é a de menos de 10 kB e a icona superior é a correspondente a esta categoría. Cal dos dous tamaños é o correcto?--Jglamela (conversa) 23 de maio de 2016 ás 16:31 (UTC)

Jglamela, eu os vía así tamén, refresquei a páxina e xa aparecían ben, así que non te preocupes. Graciñas!! Piquito (conversa) 23 de maio de 2016 ás 16:52 (UTC)

Torres de delay

Temos desde hai uns anos o artigo Torres de delay que non ten ligazóns cara outras wikis. Estiven investigando un pouco pola rede a ver se atopaba o que eran e creo que se trata, a xulgar polo contido do artigo, de Sistema de refuerzo de sonido. Se alguén entende deste tema, agradeceríalle que lle botara unha ollada ao artigo para ver se estou no certo. Grazas! --AMPERIO (conversa) 27 de maio de 2016 ás 15:01 (UTC)

A ver se Beninho pode aclaralo, penso que el sabe algo sobre estes temas. Saúdos, --Elisardojm (conversa) 27 de maio de 2016 ás 22:58 (UTC)

Fútbol

Boas! Polo visto houbo na cidade da Coruña absorcións de algúns equipos de fútbol por parte de outros, polo que agora algúns equipos xa non existen. Alguén que saiba de fútbol podería confirmar se o Sporting Universidade e o Montañeros deixaron de existir definitivamente por ser absorbidos polo Atlético Coruña? Por outra banda, podería indicar se o Atlético absorbeu máis equipos que eses dous ou se algún equipo fusionouse con outro ou esas cousas que ás veces pasan? Grazas de antemán. Piquito (conversa) 27 de maio de 2016 ás 21:41 (UTC)

Non se pode falar de fusión porque oficialmente seguen a existir todos e participaron en diversas categorías coa súa propia denominación esta mesma tempada, tal e como se pode comprobar na web da federación: Sporting Universidade, Montañeros, Atlético Coruña. Porén, o Sporting Universidade (que só participou na Segunda Autonómica) xogou esta tempada coa camisola do Atlético Coruña (foto do uniforme, procedente desta noticia) e apareceu na web do Atlético Coruña cando acadou o ascenso á Primeira Autonómica. Por outra parte, o Montañeros segue a existir, pero é un filial do Atlético Coruña, tal e como aparece sinalado na web da federación. O Sporting Universidade segundo a web da federación non é un filial do Atlético Coruña, pero de facto trátase do equipo sénior do Atlético Coruña polo xa exposto. Así que, ata o de agora, os tres existen de iure, pero se trata dun único club de facto. Saúdos. --Jorges65 (conversa) 3 de xuño de 2016 ás 03:17 (UTC)

Sobre outros clubs, o máis salientable é que nos últimos anos desapareceron varios clubs, entre eles o Caixa Aforros, Amizade SDC, Alianza Sudamericana, Ossian e creo que tamén o Batallador. O Galicia Gaiteira estivo sen competir un ano pero segundo teño entendido non desapareceu como entidade. O Eirís desapareceu e logo volveu aparecer, neste caso non sei se foi un período de inactividade ou finalmente foi unha refundación. Antes podía consultarse esta información nun número de DeporSport nesta ligazón, pero agora xa non funciona. Saúdos. --Jorges65 (conversa) 3 de xuño de 2016 ás 04:05 (UTC)

Ramón Plá

Erro na referencia cita, "|url= incorrecta". ¿Alguén pode arranxarlo? Moitas grazas. --Jcfidy (conversa) 5 de xuño de 2016 ás 12:30 (UTC)

Traladei a o seu nome completo deixando a redirección Ramón Plá y Monge --Jcfidy (conversa) 5 de xuño de 2016 ás 12:34 (UTC)

Arranxado. Faltaba: http:// --. HombreDHojalata.^conversa 5 de xuño de 2016 ás 16:11 (UTC)

Imaxe que non sae

Ola, estou facendo a páxina sobre o libro Natural Theology or Evidences of the Existence and Attributes of the Deity. Puxen unha caixa de datos para o libro (Modelo:Libro) e non consigo que me apareza a imaxe da portada do libro, que aparentemente está en Commons en dominio público. Non acabo de entender por que non sae. Se alguén lle pode botar unha ollada para ver cal é o erro, agradecíallo. Adeus.--Miguelferig (conversa) 20 de xuño de 2016 ás 22:07 (UTC)

Feito! Faltaba a sintaxe completa da imaxe [[Ficheiro:....]], que no caso dese modelo é necesaria. ☣Banjo ^{tell me} 20 de xuño de 2016 ás 22:10 (UTC)

Mil grazas.--Miguelferig (conversa) 20 de xuño de 2016 ás 22:12 (UTC)

Mover páxina "Salmantesa"

Alguén pode mover a páxina "Salmantesa" conforme o dito na conversa?? Grazas e saúdos.

Marcio (conversa) 9 de xullo de 2016 ás 23:01 (UTC)

--. HombreDHojalata.^conversa 10 de xullo de 2016 ás 11:17 (UTC)

Mover páxinas "Estripo" / "Escornacabras"

Alguén podería mover a páxina "Estripo" a "Estripeiro" conforme o dito na nota sobre a preferencia na bibliografía e no DRAG por esta forma?

Podedes ver tamén a conversa sobre "Escornacabras"/Terebinto?

Grazas. Saúdos. Marcio (conversa) 11 de xullo de 2016 ás 11:24 (UTC)

Feito! --Chairego apc (conversa) 11 de xullo de 2016 ás 11:36 (UTC)

Aclaración sobre exotopónimos

Boas. Traslado aquí unha dúbida que formulei en Conversa Wikipedia:Toponimia/Arquivo 1 pero que non acabo de aclararme. Nas Normas sobre toponimia indícase "Nos títulos das páxinas úsase o nome galego, de o haber", lóxico, pero, hai preferencias entre os nomes galegos? Pensaba que os nomes que aparecían no DRAG eran os principais, pero en Conversa:Toquio comentouse que non é o mesmo se aparecen na definición que se aparecen nun exemplo. Algunhas das miñas dúbidas son:

• Tokio aparece no exemplo do DRAG para monorraíl e na última versión da UDC. En cambio o artigo é Toquio, que aparece en UVigo. No mesmo caso está Nürnberg (burgrave) que se chama no artigo Núremberg.
• Polo contrario os artigos Dresde e Copenhague teñen o nome que aparece en exemplos do DRAG (saxón e dinamarqués) en lugar de Dresden e Copenhaguen, que aparecen nas fontes das universidades.
• Por último, temos o artigo Estambul, que aparecía referenciado polo DRAG, fronte a Istambul, que tiña máis referencias. O problema é que agora no DRAG aparece Istanbul (bizantino), co que non sei se hai algunha referencia en galego para o título do artigo.

Resumindo: acéptase calquera das formas como galegas? o criterio é o do primeiro editor? hai precedencia de fontes?--Jglamela (conversa) 19 de xullo de 2016 ás 10:25 (UTC)

Jglamela, aínda que tarde tento responder ó teu comentario. O artigo de Estambul xa foi movido a Istambul. Tes razón en que na política non se indica que facer en caso de que as fontes non concorden e como non se indica unha precedencia eu entendo que, se teñen referencia axeitada (como por exemplo algunha das mencionadas na política), todas as formas son aceptables e usarase a que escolla o primeiro editor, iso si, indicando tamén as outras variantes coas súas respectivas referencias. Saúdos, Elisardojm (conversa) 9 de agosto de 2016 ás 00:33 (UTC)

traballo para un bot

A ver se algún bot pode encargarse de corrixir 22 casos de *xamáis, 23 de *demáis, 75 de *ademáis e 20 de *amáis. Ningún destes adverbios leva til. Graciñas, Pedro --Lameiro ^(conversa) 29 de xullo de 2016 ás 10:34 (UTC)

En proceso. ☣Banjo ^{tell me} 29 de xullo de 2016 ás 10:49 (UTC)

• E xa postos... tamén *musulmana en lugar de musulmá. Sonche 72 ocorrencias, demasiadas para facelas á man. Grazas, pedro --Lameiro ^(conversa) 29 de xullo de 2016 ás 10:56 (UTC)

Feito! para *xamáis, *demáis, *ademáis, *amáis e *musulmana. Revisa por se faltase algún caso illado, o bot non sempre atopa o 100% das ocorrencias. Está a pasar unha segunda vez por se acaso, pero dubido que atope algún máis que non cambiara xa. Se detectas que aínda faltan moitos por trocar avisa, podo probar con outro método. ☣Banjo ^{tell me} 29 de xullo de 2016 ás 14:35 (UTC)

Petos de ánimas en Commons

¿Cal sería a categoría de commons correspondente á nosa Categoría:Imaxes de petos en Galicia? Por certo, vou renomear esta categoría por "Imaxes de petos de ánimas en Galicia", pero á noite. Pedro --Lameiro ^(conversa) 19 de agosto de 2016 ás 16:11 (UTC)

Category:Wayside shrines in Galicia (Spain) ☣Banjo ^{tell me} 19 de agosto de 2016 ás 16:17 (UTC)

Borrar en Commons

¿Como se marca para borrar unha imaxe en Commons? Equivoqueime no título da foto. Pedro --Lameiro ^(conversa) 20 de agosto de 2016 ás 13:19 (UTC)

Lameiro se o erro é simplemente no título pódese renomear, dime a foto e podo facelo eu mesmo. Saúdos, --Elisardojm (conversa) 20 de agosto de 2016 ás 23:15 (UTC)

A maiores..., o modelo para renomear unha foto é {{rename|nome_novo.extenxión|número da razón|reason=motivo opcional en texto}}. O número da razón está nesta lista, para renomear un ficheiro por un erro pódese escoller o número 3. "Cambio de nomes confusos ou erróneos por nomes axeitados", e se a foto é túa podes poñer o número 1. "Requirido polo que sube o ficheiro". Pero xa che digo que sempre me podes avisar a min ou a HombreDHojalata que temos permiso para renomear en Commons. Saúdos, --Elisardojm (conversa) 20 de agosto de 2016 ás 23:24 (UTC)

Campos baleiros nas fichas resumo

Ola a todos, os campos baleiros do modelo río apareceron hoxe cun texto vermello sobre fondo verde, e son completamente ilexibles. Alguén sabe que pasou e como solucionalo? Grazas. --Iagocasabiell (conversa) 29 de agosto de 2016 ás 09:42 (UTC)

Feito! Convertido a {{infobox}} ☣Banjo ^{tell me} 29 de agosto de 2016 ás 10:09 (UTC)

Mover páxina "zugamel"

Polo que digo na conversa creo que habería que mover a páxina "zugamel" a "ortiga morta", páxina que xa existe como redirección á anterior. Pode facelo alguén, se se considera oportuno. Grazas. Marcio (conversa) 30 de agosto de 2016 ás 00:15 (UTC)

Como non controlo do tema, voulle preguntar a Nachonion que foi o que creou o artigo. Saúdos, --Elisardojm (conversa) 30 de agosto de 2016 ás 01:36 (UTC)

Mover páxina Populus alba a Chopo branco

Conforme a política de dar os nomes comúns nos títulos dos artigos alguén podería mover a páxina Populus alba á forma referenciada Chopo branco, como figura no corpo do artigo. Grazas. Marcio (conversa) 31 de agosto de 2016 ás 11:10 (UTC)

• Movido --Atobar ^{(conversa comigo)} 31 de agosto de 2016 ás 11:17 (UTC)

Como ben lembrou Nachonion e conforme a política de dar os nomes comúns nos títulos dos artigos dedicados a xéneros botánicos alguén podería mover a páxina Ulmus á forma referenciada Olmo, como se explica na conversa. Grazas de novo. Marcio (conversa) 31 de agosto de 2016 ás 12:11 (UTC)

Eu non o teño claro, na conversa de Ulmus Nachonion non entendo se comenta que debe chamarse Olmo ou Ulmeiro... Vexo que no dicionario en liña da RAG usan a forma olmo e dan como sinónimo umeiro, pero por ningún lado aparece a forma ulmeiro... Agora non tiven tempo de revisar as referencias pero eu esperaría a que se aclarara un pouco mellor o tema antes de cambialo. Saúdos, --Elisardojm (conversa) 31 de agosto de 2016 ás 13:55 (UTC)

Cambieino. Se a forma olmo é a que nos dá a RAG, non podemos discutir agora a súa procedencia, e teño claro que esa debe ser a forma da entrada principal. Tampouco podemos eliminar a denominación ulmeiro porque está referenciada, aínda que a RAG non recolla esa forma. E umeiro témolo referenciado para Ulmus minor, pero co problema de que tamén designa á abeleira. Pedro --Lameiro ^(conversa) 31 de agosto de 2016 ás 14:21 (UTC)

Erro meu por aburar tanto a xogada. Entendín que estaba todo revisado e que só facía falla mover a páxina sen meterse en fonduras. Irei con máis tento para a próxima. Grazas, Lameiro e Elisardo. --Atobar ^{(conversa comigo)} 1 de setembro de 2016 ás 08:52 (UTC)

Un momento, vexo que falades de olmo mais non de chopo. A de chopo branco logo está correcta? --Atobar ^{(conversa comigo)} 1 de setembro de 2016 ás 08:53 (UTC)

Si Atobar, falabamos do olmo, o chopo non o revisei porque xa o cambiaches ti :) Grazas Lameiro!, eu tamén entendía iso pero tiña dúbidas e non quería meter a zoca. Saúdos, --Elisardojm (conversa) 1 de setembro de 2016 ás 09:51 (UTC)

Poñer en cursiva o nome do artigo Citrus maxima

Ola. Estaba tentando emendar o erro que cometín ao crear o artigo Citrus maxima sen poñer o título, que é un nome científico, en cursiva. E fixen unha pequena desfeita. Vai ser que non vale o de poñer as comiñas como no código de edición... Así que movino todo ao artigo "Citrus maxima". E agora non sei por que o nome Osga común aparece en cursiva na páxina????

Alguén pode amañalo, por favor e dicirme como facelo ben a próxima vez? Graciñas. Marcio (conversa) 31 de agosto de 2016 ás 23:08 (UTC)

Feito! O título en cursiva engádese (ou retírase) incluíndo (ou eliminando) o modelo {{Título en cursiva}} do artigo. ☣Banjo ^{tell me} 1 de setembro de 2016 ás 06:03 (UTC)

Moitas grazas! Marcio (conversa) 1 de setembro de 2016 ás 21:32 (UTC)

Mover Elaeagnus angustifolia a nome común

Podedes mover Elaeagnus angustifolia ao nome común Arbore do paraíso, conforme as referencias dadas? Saúdos. Marcio (conversa) 1 de setembro de 2016 ás 23:25 (UTC)

Feito! por Lameiro. Saúdos, --Elisardojm (conversa) 2 de setembro de 2016 ás 02:07 (UTC)

Mover páxina

Alguén pode mover Populus tremula ao nome común Álamo tremo, conforme as referencias dadas? Grazas de novo. Marcio (conversa) 5 de setembro de 2016 ás 20:28 (UTC)

Feito! --. HombreDHojalata.^conversa 5 de setembro de 2016 ás 20:35 (UTC)

Fusión Cerdedo-Cotobade

Hoxe a Xunta autorizou o decreto de fusión dos concellos de Cerdedo e Cotobade así que hai moito choio por diante, amañar os artigos dos concellos, das parroquias, monumentos e tamén dos mapas de localización asociados. O feiro será oficial cando saia publicado no DOG pero podemos ir organizando o choio. Saúdos, Elisardojm (conversa) 22 de setembro de 2016 ás 23:24 (UTC)

Saíu hoxe no DOG a fusión Cerdedo-Cotobade, así que xa é oficial e hai que poñerse a traballar para amañar os dous artigos dos concellos e todos os relacionados. Hai varias tarefas a realizar:

• Amañar os artigos dos concellos antigos
• Crear o artigo do concello novo
• Cambiar todos os mapas de localización dos concellos - alternativamente podería estudarse a conveniencia de substituír eses mapas nos modelos concello polo modelo de mapa de localización
• Amañar todos os mapas da provincia
• Cambiar as listas de concellos, provincia e comarcas
• Amañar todos os artigos que indiquen que hai 314 concellos e poñer 313
• Amañar as categorías de Commons
• Amañar as galerías de imaxes de concello de ...
• Que máis tarefas habería que facer?

E o que é máis importante, fan falta mans para poñerse con este choio que é bastante urxente, quen se apunta? Saúdos, --Elisardojm (conversa) 17 de outubro de 2016 ás 18:05 (UTC)

Eu apúntome a axudar. --Chairego apc (conversa) 17 de outubro de 2016 ás 19:06 (UTC)

Alguén sabe a que comarca pasa a pertencer o novo concello? Cotobade e Cerdedo eran de dúas comarcas diferentes... --Chairego apc (conversa) 17 de outubro de 2016 ás 19:41 (UTC)

árbore xenealóxica

Ola! Quizais Usuario:Elisardojm, Usuario:HombreDHojalata, Usuario:Banjo ou Usuario:Toliño poidades botar unha man, pois non me dou amañado coas árbores xenealóxicas. Quería facer a da familia Carré.

Uxío Carré Aldao casou con Purificación Alvarellos Pena, e tiveron doce fillos, os irmáns Carré Alvarellos. Foi avó de Leandro Carré Brandariz e de María del Pilar Carré e May Carré. Non dá moito xogo, pero penso que é interesante, e pode ir aumentándose conforme vaian aparecendo datos. Beizóns! ---Estevo(aei)^{pa o que queiras...} 14 de outubro de 2016 ás 21:47 (UTC)

Uxío Carré Aldao

Purificación Alvarellos Pena

Lois Carré Alvarellos

Xosé Carré Alvarellos

Uxío Carré Alvarellos

Leandro Carré Alvarellos

?

Leandro Carré Brandariz

María del Pilar Carré

May Carré

☣Banjo ^{tell me} 14 de outubro de 2016 ás 22:25 (UTC)

!!! :O Maxia! Que marabilla! Vou facer artigo de seu. Mil grazas, Banjo! --Estevo(aei)^{pa o que queiras...} 14 de outubro de 2016 ás 22:36 (UTC)

Boas Estevo(aei), paseino ó Modelo:Diagrama, agora se alguén quere editalo de forma doada pode facelo activando o trebello Usuario:Elisardojm/familytree.js, para usalo hai que engadir importScript("Usuario:Elisardojm/familytree.js"); ó seu Monobook, como aquí. Isto fai que os modelos Diagrama se vexan coma un debuxo de arte ASCII de forma que son máis doados de modificar. Despois de modificar o voso monobook, cando se edita unha páxina cun diagrama aparecerá no menú de ferramentas da esquerda unha nova opción, "Modelo→Arte ASCII", premendo nela aparecerá a páxina en modo Arte ASCII, logo para previsualizar o resultado hai que darlle de novo á ligazón, que agora se chama "Arte ASCII→Modelo", para que funcione correctamente. Se tedes calquera dúbida avisade e mirámolo. Saúdos, Elisardojm (conversa) 15 de outubro de 2016 ás 08:07 (UTC)

Axuda cun modelo

Ola! Veño de traer o Modelo:International Gymnastics Hall of Fame da Wikipedia en lingua portuguesa. Cando o copiei sen máis ía ben, mais ao actualizalo c@s ximnastas introducidos despois de 2010 non sei por que pero non vai, de feito todas as ximnastas aparecen fóra do cadro, non só as introducidas con posterioridade a 2010. Se alguén pode votarlle un ollo agradécese. Un saúdo, Piquito (conversa) 17 de outubro de 2016 ás 20:11 (UTC)

Feito! ☣Banjo ^{tell me} 17 de outubro de 2016 ás 20:14 (UTC)

Dúbida de lingua

Pregunta: As formas "anglo-xermano", "xermano-polaco", "sino-xaponesa", "anglo-estadounidenses", "franco-soviético" etc. son correctas? Ou van sen guión? Grazas! ☣Banjo ^{tell me} 20 de outubro de 2016 ás 13:36 (UTC)

Segundo as normas se é algo ocasional levan guión: "Escríbense con guión asociacións ocasionais non fixadas na lingua (dicionario alemán-galego; estudos xurídico-económicos; condicións político-económicas; maníaco-depresiva; épico-líricos; catalano-aragonesas)". Cousa diferente son aqueles casos que non son ocasionais, por exemplo: lingua xudeoespañola.--HacheDous=0 (conversa) 20 de outubro de 2016 ás 14:11 (UTC)

Melloras

Ola, este artigo ten que ser mellorado. grazas: Brujas del Bailadero de Anaga.--88.10.84.74 23 de outubro de 2016 ás 12:50 (UTC)

*Trasfondo-*Transfondo?

Partindo desta conversa resulta que nin *Trasfondo nin *Transfondo aparecen no DRAG en liña. É un cambio recente? Xuraría que ata fai pouco si era válido o segundo, na listaxe do noso corrector está como válido. Alguén máis douto no tema podería confirmalo? Se non é válido haberá que dar unha revisión do termo en bastantes artigos. Grazas! ☣Banjo ^{tell me} 11 de novembro de 2016 ás 19:40 (UTC)

O correcto é fondo. Ex.: O fondo do asunto era bastante turbio. Saúdos. --Atobar ^{(conversa comigo)} 11 de novembro de 2016 ás 19:53 (UTC)

Grazas pola aclaración Atobar. Correxino na lista do corrector, engadindo "contexto" e "antecedentes" ademais de "fondo" como posibles substitutos do termo. Tocará ir revisando artigos logo . ☣Banjo ^{tell me} 11 de novembro de 2016 ás 20:05 (UTC)