Lois Carré Alvarellos

Lois Carré Alvarellos
Nome completo	Luis Galo Vicente Carré y Alvarellos
Nacemento	22 de xaneiro de 1898
Lugar de nacemento	A Coruña
Falecemento	26 de abril de 1965
Lugar de falecemento	A Coruña
Nacionalidade	España
Ocupación	etnógrafo e escritor
Pai	Uxío Carré Aldao
Irmáns	Gonzalo Carré Alvarellos, Uxío Carré Alvarellos e Leandro Carré Alvarellos
	[ editar datos en Wikidata ]
	v; c; e;

Lois Galo Vicente Carré Alvarellos, nado na Coruña o 22 de xaneiro de 1898 e finado o 26 de abril de 1965, foi un etnógrafo e escritor galego.

Para outras páxinas con títulos homónimos véxase: Carré Alvarellos.

Traxectoria Editar

Fillo de Uxío Carré Aldao, fixo o servizo militar en Madrid, onde se matriculou en Maxisterio pero abandonou a carreira e comezou a traballar como administrativo na Sociedad General Gallega de Electricidad, que en 1943 pasou a formar parte de Fenosa.

Carré fixo algunhas achegas relacionadas coas investigacións etnográficas, breves incursións na novela curta (publicadas co pseudónimo de Luís G. Vicencio), estudos ao abeiro da literatura popular e o ensaio Manuel Curros Enríquez: A súa vida e súa obra, editado en 1953 por Ediciones Galicia, do Centro Gallego de Buenos Aires.

Foi membro correspondente da Real Academia Galega^[1] e pertenceu como especialista no conto popular á asociación alemá Märchen der europäischen Völker.^[2]

Obra Editar

O consentimento, 1926 (novela), Lar.^[3]
Alevamento, 1928 (novela), Lar.^[4]
Manuel Curros Enriquez. Súa vida e súa obra. Ensaio bio-bibliográfico, 1953.^[5]
Romanceiro popular galego de tradizon oral, 1959, Junta de Provincia do Douro Litoral, Porto.
Contos populares da Galiza, 1968.
Murguía, o patriarca. Estudo bibliográfico do grande home, (inédita) publicación prevista maio de 2023, Alvarellos Editora^[6]