Horace Gould

Horace Gould nado como Horace Harry Twigg en Bristol (Inglaterra) o 20 de setembro de 1918 e finado en Southmead o 4 de novembro de 1968 foi un piloto de carreiras británico.

Horace Gould

Biografía
Nacemento	20 de setembro de 1921 Bristol, Reino Unido
Morte	4 de novembro de 1968 (47 anos) Southmead, Reino Unido (en)
Causa da morte	infarto agudo de miocardio
Actividade
Ocupación	piloto de Fórmula Un
Deporte	automobilismo

Traxectoria

Gould comezou a competir cos coches deportivos en 1952 ao volante dun Cooper-MG. pasou á Fórmula Un en 1954, competindo como piloto privado e usando como nome do equipo Gould's Garage (Bristol).

Nun período en que os gordos italianos ocupaban regularmente as cabinas dos coches de Fórmula 1, a Horace Gould parecíalle bastante razoable que un gordo de Bristol fixese o mesmo.

The Guinness Complete Grand Prix Who's Who

Participou en 17 Grandes Premios do Campionato Mundial de Fórmula Un, no que debutou o 17 de xullo de 1954, ademais de numerosas carreiras fóra de Campionato. Logrou un total de 2 puntos de campionato, pilotando o seu Maserati 250F logrou o quinto lugar no Gran Premio do Reino Unido de 1956, o suficiente para lograr o 19º posto no Campionato do Mundo da tempada. Gañou carreiras menores fora do campionato de Fórmula Un en Castle Combe en 1954 e Aintree en 1956, e tamén logrou dous puntos no Campionato do Mundo Sportscar de 1957, Acabou no 5º lugar na edición dos 1000 km de Nürburgring de 1957 compartindo un Maserati 300S cos seus compañeiros de equipo Stirling Moss, Juan Manuel Fangio e Paco Godia.

Aínda que a maior parte da carreira de Gould desenvolveuse en Inglaterra, tamén pasou tempadas vivindo e competindo en Nova Zelandia e Módena, Italia, sede da fábrica de Maserati.

A similitude da constitución de Gould e o estilo de condución ás de José Froilán González levoulle a ser alcumado "the González of the West Country".

Gould morreu de súpeto, en Southmead, Inglaterra, dun ataque ao corazón, á idade de cincuenta anos. Os seus fillos Martín, Stephen e Richard aínda viven en Bristol. Martin participou en carreiras de motor e competiu na Fórmula 3, e dous dos seus netos Daniel Gould e James Gould tamén participaron en carreiras desde unha idade temperá.

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	Pos.	Puntos
1954	Goulds' Garage (Bristol)	Cooper T23	Bristol 6 en liña	ARX	500	BEL	FRA	GBR 15	ALE	SUI	ITA	ESP			NC	0
1955	Goulds' Garage (Bristol)	Maserati 250F	Maserati 6 en liña	ARX	MON	500	BEL	NED Ret	GBR Ret						NC	0
	Officine Alfieri Maserati									ITA Ret
1956	Goulds' Garage (Bristol)	Maserati 250F	Maserati 6 en liña	ARX	MON 8	500	BEL Ret	FRA NCG	GBR 5	ALE Ret	ITA				19º	2
1957	H H Gould	Maserati 250F	Maserati 6 en liña	ARX	MON Ret	500	FRA Ret	GBR NTS	ALE Ret	PES Ret	ITA 10				NC	0
1958	H H Gould	Maserati 250F	Maserati Straight-6	ARX 9	MON NSC	NED NTS	500	BEL	FRA	GBR	ALE	POR	ITA	MAR	NC	0
1960	H H Gould	Maserati 250F	Maserati 6 en liña	ARX	MON	500	NED	BEL	FRA	GBR	POR	ITA NTS	USA		NC	0

Véxase tamén