Wikipedia:Proposta de deseño da portada 2015/Proposta 1c

Benvid@ á Galipedia A enciclopedia libre que calquera pode editar	xoves, 1 de xuño de 2023 Version para móbiles

Nesta versión en galego, que comezou o 8 de marzo de 2003, xa temos 196 638 artigos.

Benvida COMOs Preguntas frecuentes Comunidade Políticas Artigos de calidade Axuda

Artigo destacado

Tā moko é un debuxo permanente no corpo e na face dos maorís, o pobo indíxena de Nova Zelandia. É diferente da tatuaxe tradicional, xa que se corta a pel cun uhi (cicel) no canto de perforarse. Isto deixa a pel cunha fenda en lugar dunha superficie lisa.

O capitán James Cook escribiu en 1769:

As marcas son en xeral espirais debuxadas con gran sutileza e mesmo elegancia. Un lado correspóndese co outro. As marcas no corpo semellan follaxe que forma ornamentos, xiros de filigranas traballadas, pero nelas hai tal diversidade de formas que, aínda que ao comezo parecía que había unhas exactamente iguais, o certo é que non hai dúas iguais despois de facer un exame minucioso.

Os tohunga-tā-moko (ou tatuadores) considéranse tapu ou, excepcionalmente, inviolábeis e sagrados.

A utilización tradicional destas marcas tiña un significado, por exemplo: a folla do fento de dobre cara adoita indicar que quen leva a marca é un guerreiro.

Outros artigos destacados • Artigos de calidade

Sobre Galicia

A lista das aves de Galicia presenta as aves silvestres atopadas en Galicia ordenadas alfabeticamente. Inclúe tanto as especies habituais como as citas ocasionais, mesmo algunhas que hai anos que non se observan na Comunidade, a non ser que sexa desde hai moito tempo. Non se inclúen as aves domésticas (como por exemplo a galiña, pavo, ganso ou a avestruz) nin as aves ornamentais que se crían en catividade, aínda que si aquelas que, procedentes desta última situación, escaparon ou foron liberadas e xa se adaptaron á vida en liberdade ou están en vías de facelo. Indícase a súa presenza (nativa, invernante, accidental...). Tamén se di se é común ou pouco común, xa que unha especie nativa ou moi estendida polo territorio pode non ser moi abondosa. Igualmente se indica o seu status en Galicia (que non ten por que coincidir co seu status mundial), para o cal se utilizaron as equivalencias co sistema da IUCN.

Outros artigos destacados sobre Galicia • O mes de xuño na cultura popular galega

Tal día como hoxe no ano...

1854, Manuel Murguía publica o seu primeiro texto en galego, no álbum de Elena Avendaño, unhas seguidillas tituladas a "Nena das Soidades".
1890, suicídase Camilo Castelo Branco, escritor portugués (n. 1825).
1910, nace en Buenos Aires Luís Seoane, editor, escritor, xornalista, gravador e pintor galego (m. 1979).
1926, nace Marilyn Monroe, actriz (m. 1962).
1935, nace Norman Foster (na imaxe), arquitecto británico.