Abrir o menú principal

O Saski Baskonia S.A.D., coñecido tamén como Kirolbet Baskonia por motivos de patrocinio, é un club de baloncesto profesional vasco da cidade de Vitoria-Gasteiz. Foi fundado en 1959 baixo o nome de Club Deportivo Vasconia, denominación que mantivo ata 1976. Ese ano, José Luis Sánchez Erauskin, quen daquela era presidente, trocou o "V" polo "B", pasando o club a denominarse C.D. Basconia. Entre 1984 e 1986 foi patrocinado por "Caja de Álava", dende 1987 ata 2009 estivo patrocinado pola empresa de cerámicas Taulell, dende 2009 a 2013 pola caixa vasca "Caja Laboral", e dende 2013 ata 2016, pola caixa vasca "Laboral Kutxa".

Kirolbet Baskonia
Información xeral
Liga ACB / Euroliga
Fundación 1959
Historia CD Vasconia (1959-1976)
CD Basconia (1976-1987)
Cores                     Vermello, azul
Presidente España Josean Querejeta
Adestrador Croacia Velimir Perasović
Patrocinador Kirolbet
Vestimenta Champion
Localización
Cidade Flag of the Basque Country.svg Vitoria, País Vasco
Pavillón Fernando Buesa Arena
Capacidade 15.504
Inauguración 1991
Campionatos
C. Saporta 1 (1996)
Liga 3 (2002, 2008, 2010)
Copa 6 (1995, 1999, 2002, 2004, 2006, 2009)
Supercopa 4 (2006, 2007, 2008, 2009)
baskonia.com

O Baskonia compite na Liga ACB española, e nos últimos anos converteuse un dos clubs máis potentes do baloncesto español e europeo. A súa cancha de xogo é o Fernando Buesa Arena, un pavillón que conta cunha capacidade para 9.900 espectadores. O presidente do club é dende setembro de 1988 o ex-xogador Josean Querejeta.

Índice

HistoriaEditar

ComezosEditar

O equipo de baloncesto Saski Baskonia naceu en 1959 como a sección de baloncesto do Club Deportivo Vasconia, presidido por Félix Ullivarriarrazua.Na súa primeira tempada o club foi adestrado por Vicente Elejalde, acabando ese ano no segundo lugar do Campionato Provincial de Áraba. Durante os anos 1960 o Baskonia foi un dos equipos máis puxantes desa categoría, conseguindo finalmente en 1970 a primeira posición no campionato de Terceira División.[1]

Ascenso á Primeira DivisiónEditar

A partir da vitoria na Terceira División, o Vasconia consegue o ascenso á máxima categoría do baloncesto nacional. Xa na Primeira División, no seu primeiro encontro da man do adestrador Pepe Laso, conseguen o seu primeiro triunfo tras bater aos galegos do Breogán de Lugo por 92 a 71. En 1977 o presidente José Luis Sánchez Erauskin troca o nome do equipo cambiando o V por un B, pasando a chamarse Basconia-Schweppes. Tres anos despois, en 1981 o equipo descende á "Primeira B", aínda que conseguindo retornar en tan só unha tempada.[1]

Regreso á eliteEditar

 
O Baskonia en 2007.

O regreso á elite do Saski Baskonia coincidiu coa creación da Asociación de Clubs de Baloncesto e a nova e completamente profesional Liga ACB en 1983. Dous anos despois o club consegue o seu primeiro título, a Copa Asociación, un trofeo disputado entre os eliminados na primeira rolda dos play-offs polo título, gañando o Arabatxo Baskonia ao CAI Zaragoza na final por 93 a 85. Esta competición só se disputou ese ano, o que converte o Saski no único campión, con todo a Copa Príncipe de Asturias é considerada a súa sucesora oficial.

Esta vitoria permitiu ao equipo participar por primeira vez en competicións europeas, debutando cun triunfo fronte ao Super Cracks neerlandés e unha posterior derrota fronte ao Villeurbanne. En 1987 comezaría o patrocinio de compañía de cerámica Taulell S.A., que patrocinou ao club cos nomes de Taugré e TAU Cerámica até o ano 2009. O ano seguinte tamén supuxo un cambio importante na estrutura do club, xa que da man do presidente Josean Querejeta, o Taugrés convértese na primeira asociación anónima deportiva do estado, pasándose a denominar oficialmente Saski Baskonia S.A.D.[1]

Converténdose nunha potenciaEditar

 
O Fernando Buesa Arena, fogar do Baskonia dende 1991.

Co comezo da década, a normativa da ACB que obriga a que os pavillóns teñan capacidade para máis de 5.000 espectadores, leva ao club a trasladarse dente o Pavillón de Mendizorroza ao Pavillón Araba. Co troco do estadio os resultados deportivos non tardarían en chegar, en 1991 o Taugrés volve a Europa, acudindo dende ese ano de xeito regular.

O primeiro gran título chegou finalmente en 1995, gañando o Taugrés a Copa do Rei tras vencer na final celebrada en Granada ao Amway Zaragoza por 88 a 80. Pablo Laso do Baskonia foi nomeado MVP. Ao ano seguinte un novo título chegou ás vitrinas dos vitorianos, a Copa Saporta, tras vencer na final por 88 a 81 ao PAOK Tesalónica BC grego. Durante os anos noventa volveu a conseguirse un título, outra Copa do Rei de 1999, esta vez tras gañar ao Caja San Fernando por 70 a 61 en Valencia. O ano 1999 tamén é salientable dentro da historia do club, descantando a ampliación do Buesa Arena até 9.500 espectadores e o debut dos vascos na máxima competición continental, a Euroliga.[1]

Chegan os éxitosEditar

Por fin na temporada 2001-02 chegou a primeiro título de liga ao Baskonia. Trala chegada de Duško ,Ivanović lendario ex-xogador da Jugoplastika, ao banco como adestrador, conseguiron impoñerse na final do campionato ao Unicaja Málaga por un contundente 0 a 3. Chegando tamén ese mesmo á final da Euroliga, aínda que con peor resultado, xa que perderon na final, no quinto partido de dempate, fronte á Kinder Bologna de Italia.

Outros éxitos que chegaron durante o comezo do milenio foron tres Copas do Rei (2002, 2004, 2006), catro Supercopas (2006, 2007, 2008, 2009) e un novo título de liga en 2008, tras vencer na final ao FC Barcelona de novo por 0 a 3. Ademais, aínda que non volveu a conseguir un título a nivel europeo, chegou a disputar tres Final Four da Euroliga, Moscova 05, Praga 06 e Atenas 07.

XogadoresEditar

Cadro actualEditar

Kirolbet Baskonia 2019−2020
Xogadores Adestradores
Pos. # Nac. Nome Altura Peso Procedencia
AP 1   Penava, Ajdin 70002060000000000002.06 m (6 ft 9 in) 7002100000000000000100 kg (220 lb) Marshall Thundering Herd (2018)
B 3    Vildoza, Luca 70001900000000000001.90 m (6 ft 3 in) 700186000000000000086 kg (190 lb) Quilmes Mar del Plata (2016)
E 11   Janning, Matt 70001930000000000001.93 m (6 ft 4 in) 700188000000000000088 kg (194 lb) Lokomotiv Kuban (2017)
P 12    Diop, Ilimane 70002100000000000002.10 m (6 ft 11 in) 7002104000000000000104 kg (229 lb) Canteira (2011)
B 15    Granger, Jayson 70001880000000000001.88 m (6 ft 2 in) 700191000000000000091 kg (201 lb) Anadolu Efes (2017)
AP 23   Shengelia, Tornike (C) 70002060000000000002.06 m (6 ft 9 in) 7002109000000000000109 kg (240 lb) Chicago Bulls (2014)
A 29    Garino, Patricio 70001960000000000001.96 m (6 ft 5 in) 700192000000000000092 kg (203 lb) Orlando Magic (2017)
A 31    Shields, Shavon 70002009999999999992.01 m (6 ft 7 in) 7002102000000000000102 kg (225 lb) Dolomiti Energia Trento (2018)
P   Eric, Micheal 70002100000000000002.10 m (6 ft 11 in) 7002120000000000000120 kg (265 lb) Darüşşafaka (2019)
P   Fall, Youssoupha 70002210000000000002.21 m (7 ft 3 in) 7002100000000000000100 kg (220 lb) Strasbourg (2019)
E   Stauskas, Nik 70001980000000000001.98 m (6 ft 6 in) 700193000000000000093 kg (205 lb) Cleveland Cavaliers (2019)
B   Henry, Pierriá 70001960000000000001.96 m (6 ft 5 in) 700189000000000000089 kg (196 lb) UNICS (2019)
Adestrador
Asistente(s)
  •   Lluis Riera
  •   David Gil
Preparador(es) físico(s)
  •   Oskar Bilbao
  •   Luka Svilar

Lenda
  • (C) Capitán
  •   Lesionado

Cadro
Actualizado: 04−082019

Galardóns individuaisEditar

MVP da ACB

Xogador Revelación da ACB

MVP das Finais da ACB

MVP da Copa do Rei

MVP da Supercopa ACB

Campión do Concurso de Triplas

Primeiro quinteto da ACB

Segundo quinteto da ACB

Primeiro quinteto da Euroliga

Segundo quinteto da Euroliga

PalmarésEditar

Títulos internacionaisEditar

Títulos nacionaisEditar

Nomenclatura de patrocinioEditar

Fóra de España, o club foi a miúdo coñecido como TAU Cerámica Baskonia,[2][3] unha marca comercial de cerámica manufacturada pola compañía valenciana Taulell S.A, cuxo nome patrocinou ao club dende 1986 a 2009. Orixinariamente, Taulell utilizaba un nome distinto doutra marca comercial súa para patrocinar ao equipo, Taugrés, antes de cambiar a TAU Cerámica Baskonia en 1997.[4] Ademais dos xa citados, TAU, Baskonia e TAU Baskonia eran nomes frecuentes para referirse ao club. Cómpre sinalar que o nome oficial do club é Baskonia, Saski Baskonia, ou de xeito completo Saski Baskonia S.A.D. En 2009, a cooperativa de aforro e crédito vasco "Caja Laboral" (en lingua castelá: Caja Laboral Popular Sociedad Cooperativa de Credito ou en éuscaro: Lan Kide Aurrezkia - Euskadiko Kutxa) converteuse na nova denominación de patrocinador do club, incrementando a cantidade de cartos cos que o patrocinador contribúe ás arcas do club. O 27 de abril de 2013, "Laboral Kutxa" converteuse no novo patrocinador do Baskonia, tras a fusión de Caja Laboral e Ipar Kutxa.[5]

HistorialEditar

NotasEditar

  1. 1,0 1,1 1,2 1,3 "Baskonia, un paseo pola súa historia". Arquivado dende o orixinal o 19 de xaneiro de 2010. Consultado o 24 de abril de 2010. 
  2. "Baskonia.com". Arquivado dende o orixinal o 12 de febreiro de 2010. Consultado o 07 de febreiro de 2010. 
  3. Morre o Tau Baskonia e nace o Caja Laboral Baskonia
  4. "Taulell S.A. e Saski Baskonia S.A.D". Arquivado dende o orixinal o 17 de febreiro de 2012. Consultado o 24 de abril de 2010. 
  5. El Baskonia pasa a denominarse Laboral Kutxa

Véxase taménEditar

Ligazóns externasEditar