Wikipedia

Baloncesto Málaga

(Redirixido desde «CB Málaga»)

O Baloncesto Málaga S.A.D., coñecido por motivos de patrocinio como Unicaja Málaga, é un equipo profesional de baloncesto español con sede na cidade de Málaga. Actualmente compite na Liga ACB, disputando os seus encontros como local no Palacio de Deportes José María Martín Carpena, recinto con capacidade para 11 300 espectadores. Entre os maiores éxitos do club están a consecución dunha Liga ACB, conseguida na temporada 2005−06, unha Copa do Rei, conseguida en 2005, e ser o segundo equipo español en derrotar a un equipo da NBA.

Unicaja Málaga
Estudiantes vs Unicaja Málaga - Andy Panko - 01.jpg
Información xeral
Liga ACB
Fundación 1977
Historia Caja de Ronda (1977−1992)
Cores                Verde, branco, púrpura
Presidente España Eduardo García López
Adestrador Grecia Fotios Katsikaris
Patrocinador Unicaja
Localización
Cidade España Málaga, España
Pavillón Martín Carpena
Capacidade 11 300
Inauguración 1999
Campionatos
Copa Korać 1 (2001)
Liga 1 (2006)
Copa 1 (2005)
unicajabaloncesto.com

HistoriaEditar

O Unicaja foi fundado orixinalmente en 1977 como Club Baloncesto Caja de Ronda.[1] Pouco despois da súa fundación, en 1981, o club consegue ascender á Primeira División, despois Liga ACB, naquela altura máxima categoría do baloncesto español. Desde aquela o equipo só abandoaría a elite nas temporadas 1985−86 e 1986−87. Porén, o Caja de Ronda non era o único equipo de Málaga na ACB. O Club Baloncesto Maristas Málaga, máis coñecido por motivos de patrocinio como Mayoral Maristas, era un club fundado en 1953 que conseguira chegar á ACB en 1988. No ano 1992, pouco despois de que a Caja de Ronda pasase formar parte de Unicaja, ambos clubs fusionáronse formando o actual Baloncesto Málaga. A fusión dos dous clubs tiña como obxectivo a creación dun único equipo forte na cidade que unise a todos os seareiros do baloncesto na cidade. A nivel histórico e estatístico o Unicaja é o continuador do Caja de Ronda.

A temporada 1994−95 foi a que supuxo a engalaxe do equipo. Con Javier Imbroda no banco e con xogadores como Nacho Rodríguez, Sergei Babkov, Mike Ansley ou Kenny Miller, o equipo acabou subcampión da ACB perdendo na final ante o FC Barcelona. Cómpre destacar que o Unicaja puido ter gañado de anotar Ansley unha canastra tripla de Ansley nos intres finais do cuarto partido da final. Con todo, o salto definitivo á elite chegou en 1999 coa chegada de Božidar Maljković ao banco. Con el o equipo foi subcampión da Copa Korać no ano 2000, campión en 2001 e de novo subcampión da Liga ACB en 2002.

No ano 2003 chega como adestrador ao club Sergio Scariolo. Con el ao mando, o club consegue gañar a Copa do Rei en 2005. Destacaban no equipo gañador Jorge Garbajosa, Carlos Cabezas, Berni Rodríguez, Stéphane Risacher, Pepe Sánchez, Fran Vázquez, Walter Herrmann e J.R. Bremer. Porén, o grande éxito do equipo chegaría na seguinte temporada, xa que en 2006 o equipo é quen de gañar a Liga ACB. Xunto con Garbajosa, xusto antes de irse á NBA e sendo nomeado mellor xogador da final, os xogadores máis destacados do equipo desa temporada foron Marcus Brown, Pepe Sánchez, Carlos Cabezas, Berni Rodríguez, Sandro Nicević, Walter Herrmann, Florent Piétrus e Daniel Santiago.

Na temporada 2006−07, o Unicaja acadou outro fito dentro da súa historia ao clasificarse por vez primeira á Final Four da Euroliga. O pase a fase final da competición chegou despois de vencer ao FC Barcelona por 67−64 no terceiro e definitov xogo dos cuartos de final. Porén, o club non é quen de chegar a final ao perder no primeiro encontro ante o CSKA Mosvoca. No partido polo terceiro posto o club consegue gañar ao TAU Vitoria. Outro fito destacábel do club foi a vitoria dos malagueños no ano 2007 aos Memphis Grizzlies da NBA. O equipo estadounidense, con Pau Gasol e Juan Carlos Navarro no elenco, perdeu por 102−99 ante 10 000 espectadores no Palacio de Deportes José María Martín Carpena. Esta vitoria converteunos no segundo equipo español en vencer a un equipo da NBA. O último grande éxito do club chegou na temporada 2016−17 coa consecución da EuroCup Basketball.

PavillónEditar

 
O Martín Carperna.
Artigo principal: Palacio de Deportes José María Martín Carpena.

Tanto o Baloncesto Málaga como o Mayoral pasaron por diferentes recintos deportivos da cidade. Antes da fusión, o Caja de Ronda disputaba os seus partidos no Pavillón de Tiro Pichón até que en 1981 se trasladou ao Pavillón de Ciudad Jardín. Por outro lado, o Maristas facíao no Pavillón do Colexio Maristas e posteriormente no Pavillón de Carranque. Tras a fusión, o novo club xogou os seus encontros en Ciudad Jardín. Despois de alzarse co subcampionato de liga en 1995, a demanda de entradas para ver os xogos disparouse, estando o aforamento do pavillón estaba vendido para os socios. Por iso, o Concello de Málaga aprobou a construción dun novo palacio de deportes. Este pavillón, o actualmente chamado Martín Carpena, foi inaugurado en setembro de 1999.

XogadoresEditar

Cadro actualEditar

Unicaja 2021−2022
Xogadores Adestradores
Pos. # Nac. Nome Altura Peso Procedencia
E 3   Fernández, Jaime 1,86 m (6 ft 1 in) 79 kg (174 lb) MoraBanc Andorra (2018)
A 7   Barreiro, Jonathan 2,03 m (6 ft 8 in) 90 kg (198 lb) Casademont Zaragoza (2021)
E 8   Brizuela, Darío 1,88 m (6 ft 2 in) 75 kg (165 lb) Movistar Estudiantes (2019)
B 9   Díaz, Alberto 1,88 m (6 ft 2 in) 86 kg (190 lb) Categorías inferiores (2012)
E 13   Alonso, Francis 1,91 m (6 ft 3 in) 75 kg (165 lb) Oviedo Baloncesto (2020)
AP 21   Abromaitis, Tim 2,03 m (6 ft 8 in) 107 kg (236 lb) Zenit San Petersburgo (2020)
B 30   Cole, Norris 1,88 m (6 ft 2 in) 79 kg (174 lb) ASVEL (2021)
P 32   Guerrero, Rubén 2,13 m (7 ft 0 in) 110 kg (243 lb) Samford Bulldogs (2018)
AP 43   Suárez, Carlos 2,03 m (6 ft 8 in) 108 kg (238 lb) Real Madrid (2013)
P 50   Eric, Micheal 2,10 m (6 ft 11 in) 120 kg (265 lb) CSKA Moscova (2021)
A 83   Bouteille, Axel 2,01 m (6 ft 7 in) 95 kg (209 lb) Bilbao Basket (2020)
A 00   Vicedo, Edgar 2,04 m (6 ft 8 in) 95 kg (209 lb) Movistar Estudiantes (2021)
Adestrador
  Fotios Katsikaris
Asistente(s)
  Paco Aurioles
  Ángel Sánchez Cañete
Lenda
  • (C) Capitán
  •   Lesionado

Cadro
Actualizado: 08−10−2021

Dorsais retiradosEditar

O Baloncesto Málaga retirou o dorsal número 5 na honra de Barni Rodríguez o 26 de xuño de 2012.[2]

Dorsais retirados polo Baloncesto Málaga
N° Xogador Posición Etapa
5 Berni Rodríguez Escolta 1998–2012

DestacadosEditar

Galardóns individuaisEditar

MVP da Final da ACB

Mellor quinteto da ACB

Segundo mellor quinteto da ACB

Campión do Concurso de Triplas da ACB

Campión do Concurso de Mates da ACB

MVP da Copa do Rei

Segundo Equipo da Euroliga

MVP das Finais da EuroCup

AdestradoresEditar

A seguinte é unha lista dos adestradores do Caja Ronda e do Unicaja desde 1977.

  •   Alfonso Queipo de Llano (1977–1979)
  •   José María Martín Urbano (1979–1980)
  •   Damián Caneda (1980–1981)
  •   Ramón Guardiola (1981–1982)
  •   José María Martín Urbano (1982)
  •   Moncho Monsalve (1982–1984)
  •   Ignacio Pinedo (1984–1985)
  •   José María Martín Urbano (1985)
  •   Alfonso Queipo de Llano (1985–1986)
  •   Arturo Ortega (1986–1987)
  •   José María Martín Urbano (1987)
  •   Zoran Slavnić (1987–1988)
  •   Mario Pesquera (1988–1990)
  •   José María Martín Urbano (1990–1992)
  •   Javier Imbroda (1992–1998)
  •   Pedro Ramírez (1998–1999)
  •   Božidar Maljković (1999–2003)
  •   Paco Alonso (2003)
  •   Chechu Mulero (2003)
  •   Sergio Scariolo (2003–2008)
  •   Aito García Reneses (2008–2011)
  •   Chus Mateo (2011–2012)
  •   Luis Casimiro (2012)
  •   Jasmin Repeša (2012–2013)
  •   Joan Plaza (2013–2018)
  •   Luis Casimiro (2018–2021)
  •   Fotios Katsikaris (2021–presente)

PalmarésEditar

 
Berni Rodríguez.

EuroCup

  • Campións (1): 2017

Copa Korać

  • Campións (1): 2001
  • Subcampións (1): 2000

Liga ACB

Copa do Rei

  • Campións (1): 2005
  • Subcampións (2): 2009, 2020

Copa Andalucía

  • Campións (13): 1997, 2001, 2003, 2007, 2008, 2010, 2011, 2012, 2014, 2015, 2016, 2017, 2018
  • Subcampións (5): 1998, 1999, 2000, 2004, 2005

HistorialEditar

 
Carlos Cabezas.
Ano Nivel Liga Pos. V–D Copa do Rei Outras copas Competicións europeas
Caja de Ronda
1978–79 2 1ª Div. B 10º 6–16
1979–80 2 1ª Div. B 9º 13–17
1980–81 2 1ª Div. B 1º 19–2–5
1981–82 1 1ª Div. 10º 10–1–15 Oitavos de final
1982–83 1 1ª Div. 12º 6–20 Cuartos de final
1983–84 1 Liga ACB 10º 14–16
1984–85 1 Liga ACB 14º 13–19
1985–86 2 1ª Div. B 4º 18–15
1986–87 2 1ª Div. B 1º 24–10
1987–88 1 Liga ACB 14º 3–30 Copa Príncipe OF
1988–89 1 Liga ACB 5º 23–15 Cuartos de final
1989–90 1 Liga ACB 5º 21–17 Oitavos de final 3 Copa Korać 1R 1–1
1990–91 1 Liga ACB 10º 19–21 Terceira rolda 3 Copa Korać 1R 0–2
1991–92 1 Liga ACB 14º 16–23 Segunda rolda
Unicaja
1992–93 1 ACB 6º 19–14 Primeira rolda
1993–94 1 ACB 12º 13–18 Cuartos de final
1994–95 1 ACB 2º 32–16 Primeira rolda
1995–96 1 ACB 6º 27–14 Cuartos de final 1 Euroliga FG 8–8
1996–97 1 ACB 7º 22–17 3 Copa Korać CF 9–3
1997–98 1 ACB 8º 20–17 3 Copa Korać OF 7–3
1998–99 1 ACB 9º 18–16 Cuartos de final 3 Copa Korać FG 2–4
1999–00 1 ACB 8º 22–17 Cuartos de final 3 Copa Korać 2º 11–5
2000–01 1 ACB 4º 30–11 Cuartos de final 3 Copa Korać 1º 14–2
2001–02 1 ACB 2º 33–10 Semifinais 1 Euroliga TR 6–8
2002–03 1 ACB 3º 29–15 Semifinais 1 Euroliga T16 8–12
2003–04 1 ACB 4º 23–19 1 Euroliga TR 4–10
2004–05 1 ACB 3º 27–16 Campión Supercopa 3º 1 Euroliga TR 6–8
2005–06 1 ACB 1º 35–10 Semifinais Supercopa 4º 1 Euroliga T16 15–5
2006–07 1 ACB 8º 17–20 Cuartos de final Supercopa 2º 1 Euroliga 3º 14–11
2007–08 1 ACB 4º 19–19 Cuartos de final 1 Euroliga T16 13–7
2008–09 1 ACB 3º 27–11 Subcampión 1 Euroliga T16 10–6
2009–10 1 ACB 4º 21–18 1 Euroliga T16 9–7
2010–11 1 ACB 8º 19–17 1 Euroliga T16 6–10
2011–12 1 ACB 9º 17–17 Cuartos de final 1 Euroliga T16 4–12
2012–13 1 ACB 9º 18–16 1 Euroliga T16 15–9
2013–14 1 ACB 4º 26–15 Cuartos de final 1 Euroliga T16 11–13
2014–15 1 ACB 3º 29–13 Semifinais 1 Euroliga T16 8–16
2015–16 1 ACB 6º 20–16 Supercopa 2º 1 Euroliga T16 11–13
2016–17 1 ACB 4º 24–14 Cuartos de final 2 EuroCup 1º 13–9
2017–18 1 ACB 7º 19–17 Cuartos de final Supercopa SF 1 Euroliga 9º 13–17
2018–19 1 ACB 6º 22-15 Cuartos de final 2 EuroCup CF 12–7
2019–20 1 ACB 10º 15–13 Subcampión 2 EuroCup — 11–5
2020–21 1 ACB 11º 17–19 Cuartos de final 2 EuroCup T16 8–8

NotasEditar

  1. ↑ "Historia". unicajabaloncesto.com (en castelán). 
  2. ↑ "El Unicaja retira el dorsal 5 en honor a Berni Rodríguez" [O Unicaja retira o dorsal 5 na honra de Berni Rodríguez] (en castelán). 26 de xuño de 2012. Arquivado dende o orixinal o 11 de agosto de 2017. Consultado o 02 de xuño de 2018. 

Véxase taménEditar

Ligazóns externasEditar

Traído desde «https://gl.wikipedia.org/w/index.php?title=Baloncesto_Málaga&oldid=6117519»