Fernando Buesa Arena
O Fernando Buesa Arena é un pavillón polideportivo situado en Vitoria, País Vasco, utilizado polo club de baloncesto profesional Saski Baskonia para xogar os seus partidos de competición oficial. Ten unha capacidade de 15.504 espectadores, e é utilizado frecuentemente para albergar citas deportivas nacionais e internacionais de diferentes disciplinas, así como para outros eventos como grandes exhibicións, concertos ou festivais. É un dos pavillóns multiúsos máis grandes de España.
| Fernando Buesa Arena | ||||
|---|---|---|---|---|
 | ||||
| Tipo | pavillón deportivo  | |||
| Localización | ||||
| ||||
| Estado | España | |||
| Comunidade autónoma | País Vasco | |||
| Provincia | Áraba | |||
| Cuadrillas | Cuadrilla de Vitoria | |||
| Concello | Vitoria | |||
| Localización |  Vitoria, España | |||
| Datas | ||||
| Fundación | 1991 | |||
| Inauguración | 1991 | |||
| Acontecementos | ||||
| Dimensións | ||||
| Capacidade | 15 716 espectadores | |||
| Persoas e organizacións | ||||
| Propietario | Deputación Foral de Álava | |||
| Ocupante | Saski Baskonia | |||
| Deporte | ||||
| Deporte | baloncesto | |||
| Localía | Saski Baskonia (ACB) | |||
| Contacto | ||||
| Páxina WEB | buesa-arena.com | |||
| [ Wikidata ] | ||||
Historia e eventos
editarOrixinalmente deseñado (con bastante atraso) como un mercado de gando a mediados dos anos setenta nunha cidade que xa abandonara os seus vínculos coa agricultura, converteuse pronto nun estadio deportivo, que se inaugurou en 1991, para substituír o Pavillón de Mendizorroza. O estadio foi sede da Final da Copa de Europa de 1996[1], na que o local Saski Baskonia gañou o título, e tamén acolleu a final da ULEB Eurocup de 2010, na que o Power Electronics Valencia venceu ao ALBA Berlin.
Chamado até o ano 2000 Araba Arena, o seu nome rende homenaxe ao parlamentario socialista Fernando Buesa Branco, asasinado por ETA no ano 2000 en pleno corazón universitario da cidade.
Remodelación
editarEn marzo do ano 2011 comezaron as obras de ampliación para aumentar a capacidade do recinto ata as 15.504 localidades de asento. Os traballos duraron case un ano, sendo o pavillón reinaugurado o 5 de febreiro de 2012. O 9 de abril de 2012, con motivo do encontro da liga ACB que enfrontaba ó Caja Laboral Baskonia co MMT Real Madrid, o pavillón encheuse, acadando un novo récord de asistencia en partidos da liga española de baloncesto.[2]
Notas
editar- ↑ "Eurocup 96". Arquivado dende o orixinal o 07 de febreiro de 2004. Consultado o 07 de febreiro de 2004.
- ↑ ¡15.504 espectadores! El Buesa Arena establece un nuevo récord de asistencia Arquivado 13 de abril de 2012 en Wayback Machine. (en castelán)