Abrir o menú principal

A tempada 2011-12 da Liga ACB foi a 29ª edición da máxima competición ligueira entre clubs de baloncesto que se xoga en España. A liga comezou o 8 de outubro de 2011, e rematou o 16 de xuño de 2012 co quinto e derradeiro encontro da final.

Composta por 18 conxuntos, a liga tivo unha tempada regular con 34 xornadas, e de seguido os 8 primeiros equipos da táboa comezaron a disputa das eliminatorias polo título. Pola contra, os dous últimos da táboa descenderon de categoría, malia que diversas razóns económicas permitiron que os dous recuperasen a categoría.

Tempada regularEditar

A tempada regular rematou o 6 de maio de 2012 despois da disputa de 34 xornadas. O Regal FC Barcelona acadou o primeiro posto da táboa con 29 vitorias, seguido polo Real Madrid Basket que venceu en 26 encontros. Pola parte baixa da táboa o máis salientable foi a clasificación do Asefa Estudiantes en postos de o descenso de categoría por vez primeira na súa longa historia, se ben finalmente non se levou a cabo por cuestións administrativas. O Blu:sens Monbus Obradoiro, único representante galego na elite do baloncesto español, levou a cabo a mellor tempada da súa historia, acadando a permanencia na penúltima xornada, e rematou a súa participación con 13 vitorias. Así quedou a táboa clasificatoria ó cabo das 34 xornadas da tempada regular:

Rolda finalEditar

Unha vez rematada a tempada regular, os oito primeiros conxuntos da táboa comezaron a disputa polo campionato. Cada eliminatoria dos cuartos de final decidíase ó mellor de 3 encontros, mentres que as semifinais e a final decidíronse ó mellor de 5 encontros. Así foron os emparellamentos das eliminatorias finais polo título:

Cuartos de final Semifinal Final
                   
       
  1 - Regal FC Barcelona   2
  8 - CB Lucentum   0  
  1 - Regal FC Barcelona   3
    4 - Valencia BC   1  
  4 - Valencia BC   2
  5 - Lagun Aro GBC   1  
  1 - Regal FC Barcelona   3
    2 - Real Madrid   2
  2 - Real Madrid   2
  7 - Banca Cívica   0  
  2 - Real Madrid   3
    3 - Caja Laboral   2  
  3 - Caja Laboral   2
  6 - Gescrap Bizkaia   0  


O campión definitivo da edición 2011/12 da Liga ACB foi o Regal FC Barcelona, que bateu na final ó MMT Real Madrid por 3 encontros a 2. Esta vitoria supuxo o 14º título de Liga ACB para o club catalán, que así aumentou a súa vantaxe no palmarés desta competición sobre o Real Madrid (8 títulos).

O xogador culé Erazem Lorbek foi elixido MVP da final.

Estatísticas da tempada regularEditar

Máximo anotador:   Andy Panko (GCB) - 18'9 ppp (en 34 encontros)
Valoración:   James Augustine (UCAM Murcia) - 18'6 (en 34 encontros)
Máximo reboteador:   James Augustine (UCAM Murcia) - 8'32 rpp (en 34 encontros)
Máximo asistente:   Javi Rodríguez (Assignia Manresa) - 6'24 app (en 29 encontros)
Máximo taponador:   D'or Fischer (Gescrap Bizkaia) - 1'90 tpp (en 31 encontros)
Máximo recuperador:   Pablo Prigioni (Caja Laboral) - 1'91 rpp (en 32 encontros)
Máximo machacador:   Boniface Ndong (FC Barcelona Regal) - 1'66 mpp (en 29 encontros)
Porcentaxe tiros 1:   Alberto Corbacho (Blu:Sens Monbús) - 93'65% (en 33 encontros)
Porcentaxe tiros 2:   Gustavo Ayón (Mad-Croc Fuenlabrada) - 66'35% (en 10 encontros)
Porcentaxe tiros 3:   Kristaps Valters (Unicaja Málaga) - 47'27% (en 29 encontros)

PremiosEditar

MVP da Tempada
Xogador máis espectacular
Xogador revelación
Xogador máis deportivo
Mellor adestrador
Quinteto ideal da tempada
Posición Xogador Equipo
Base   Sergio Llull Real Madrid
Escolta   Sergi Vidal Lagun Aro GBC
Aleiro   Andy Panko Lagun Aro GBC
Ala-pívot   Mirza Teletovic Caja Laboral
Pívot   Erazem Lorbek FC Barcelona Regal

Véxase taménEditar

Ligazóns externasEditar

Outros artigosEditar