Arvydas Macijauskas
Arvydas Macijauskas, nado o 19 de xaneiro de 1980 en Klaipėda, é un ex xogador lituano de baloncesto profesional que xogaba na posición de escolta. É considerado un dos mellores baloncestistas lituanos dos anos 2000, conseguindo moitos galardóns individuais, de equipo e coa súa selección.
Información persoal | |
---|---|
Nacemento | 19 de xaneiro de 1980 (44 anos)![]() |
Nacionalidade | ![]() |
Altura | 1,93 m (6 ft 4 in) |
Peso oficial | 98 kg (215 lb) |
Posición | Escolta |
Información da carreira | |
NBA Draft | 2002 / Elección: Sen draftear |
Carreira | 1997–2010 |
Historial de equipos | |
Neptūnas Klaipėda (1997–1999) Lietuvos rytas (1999–2003) Baskonia (2003–2005) New Orleans/Oklahoma City Hornets (2005–2006) Olympiacos (2006–2008) |
Traxectoria
editarMacijauskas debutou coma profesional en 1996 co equipo da súa cidade natal, o Neptūnas, equipo no que xogou durante tres tempadas e onde acadou 12.7 puntos por encontro. Xogou as seguintes catro tempadas no Lietuvos rytas, onde gañou a liga lituana nos anos 2000 e 2002. Ademais foi elixido coma mellor xogador da liga nos anos 2002 e 2003. Na súa etapa no Lietuvos rytas, fixo 15.3 puntos en 143 partidos.
Macijauskas fichou polo Saski Baskonia da Liga ACB para as dúas seguintes tempadas, onde conquistou a Copa do Rei en 2004. En 2005, Macijauskas asinou cos New Orleans/Oklahoma City Hornets da National Basketball Association (NBA), onde apenas participou, xogando tan só 135 minutos en 19 partidos.[1] O 20 de xullo de 2006, Macijauskas asinou co Olympiacos BC grego. En xuño de 2010, anunciou a súa retirada coma xogador de baloncesto profesional.[2]
Notas
editar- ↑ "Arvydas Macijauskas Info Page". NBA.com. 1980-01-19. Consultado o 2012-01-25.
- ↑ "Shooting star Macijauskas ends comeback try". Euroleague.net. 2010-06-09. Consultado o 2012-01-25.
Véxase tamén
editarLigazóns externas
editar- Perfil en ACB.com (en castelán)
- Estatísticas NBA en Basketball-Reference.com Arquivado 14 de xaneiro de 2020 en Wayback Machine. (en inglés)
- Perfil en Euroleague.net (en inglés)