Heikki Kovalainen

Heikki Kovalainen, nado en Suomussalmi o 19 de outubro de 1981, é un piloto finés. Foi un piloto de F1, que correu en diferentes escuderías. Comezou en Renault no 2007. No 2008 fichou por McLaren-Mercedes, completando toda a tempada, e seguiu durante o 2009. Xa no 2010 marchou para Lotus, que despois no 2011 pasouse a chamar Caterham, e seguiu nela un ano máis.

Heikki Kovalainen

(2010)
Biografía
Nacemento	(fi) Heikki Johannes Kovalainen 19 de outubro de 1981 (43 anos) Suomussalmi, Finlandia
Altura	170 cm
Peso	62 kg
Actividade
Ocupación	piloto de automobilismo, piloto de Fórmula Un
Deporte	automobilismo
Traxectoria   Equipo Vehículo empregado - Lotus Racing
Páxina web	heikkikovalainen.com

Traxectoria

Desde o karting ata a Fórmula 1

Como moitos outros pilotos que militan na máxima categoría do automobilismo, Kovalainen comezou a súa carreira no karting en 1991, onde gañou varios campionatos, como o Elf Masters en 2001. Nese mesmo ano pilotou o coche número 4 na Fórmula Renault Británica, para posteriormente acabar na Fórmula 3 Británica onde en 2002 estivo ao volante dun coche do equipo Fortec.

Un ano despois, en 2003, chegou a súa consagración definitiva aos mandos dun coche da World Series by Nissan. Tras unha tempada de aprendizaxe en Gabord, gañou o campionato en 2004 grazas ao equipo Pons, e Arden International non dubidou en fichalo para pilotar un dos seus coches na categoría GP2, que substituía á extinta Fórmula 3000. Tras un comezo de ano espectacular, Nico Rosberg, cun ART arrebatoulle o título da GP2 de 2005.

Fórmula Un

Renault (2004–2007)

2004–2006

Ademais, en 2004, xa integrado no programa de novos pilotos de Renault, conseguiu gañar a Carreira de Campións, onde logrou bater nada menos que a Michael Schumacher, heptacampeón do mundo de Fórmula 1, e a Sébastien Loeb Campión do Mundo de Rally cun coche desa competición automobilística. Todos os presentes non saían do seu asombro ao ver como o mozo Kovalainen gañaba a Loeb no seu propio terreo.

Primeiro probador de Renault e salto a piloto oficial

2006 foi o ano de confirmación en Renault, converténdose no primeiro probador da escuadra que loitou polo Campionato do Mundo de F1 con Ferrari, saíndo finalmente vitoriosa a escuadra gala grazas aos dous últimos Grandes Premios do ano. Pouco antes do GP de Monza, Flavio Briatore confirmou que Heikki Kovalainen sería piloto oficial en 2007 xunto ao italiano Giancarlo Fisichella, tras a marcha de Fernando Alonso a McLaren-Mercedes. No debut de Kovalainen no Gran Premio de Australia non logrou sumar puntos ao chegar no 10º posto.

De momento tivo un comezo discreto cun coche discreto, aínda que non deixa de ser unha aposta de futuro na Fórmula 1.

Kovalainen probando para Renault F1 en 2006, en Valencia.

2007

A tempada de F1 2007 foi a primeira na carreira de Heikki Kovalainen, o seu debut foi no Gran Premio de Australia, onde finalizo 10mo. O seu comezo foi algo frouxo, con moitos erros que lle impediron que este na zona puntos, e deste xeito ser superado polo seu compañeiro Giancarlo Fisichella, con todo o seu nivel de pilotaxe mellorou e obtivo as súas mellores producións ata o momento que foron un 4º posto no Canadá e 5º nos Estados Unidos, onde chegou a liderar a carreira por varios xiros. Kovalainen acabou adiantando a Fisichella no Mundial no GP de Turquía de 2007, onde fixo unha gran carreira acabando sexto. Máis tarde chegou o gran premio do Xapón en Fuji, onde logrou un 2º posto sendo o seu primeiro podio na fórmula 1.

McLaren (2008–2009)

Ao final da tempada 2007 Fernando Alonso regresou a Renault e Kovalainen recibiu ofertas de Toyota e McLaren. O 14 de decembro de 2007 confirmouse que Kovalainen substituiría a Alonso unha vez máis e pilotaría un McLaren Mercedes de F1 en 2008, xunto a Lewis Hamilton. Kovalainen uniuse a Keke Rosberg, Mika Häkkinen e Kimi Räikkönen como pilotos finlandeses que pilotaron un McLaren.

Lotus (2010–2011)

2010

Kovalainen pilotando un Lotus no Gran Premio de Malaisia de 2010.

O 14 de decembro de 2009 anunciouse, que Kovalainen pilotaría para Lotus Racing en 2010, xunto a Jarno Trulli. O equipo fixo o seu debut no Gran Premio de Bahrain de 2010 o 14 de marzo de 2010. O coche estaba fóra de ritmo nas probas de pretempada, debido á falta de carga aerodinámica causada pola necesidade dun deseño inicial conservador. Kovalainen terminou na décimo quinta posición na carreira, dúas voltas por detrás do gañador Fernando Alonso.

En Australia, Trulli non iniciou a carreira e Kovalainen finalizou 13º. En Malaisia, Kovalainen retirouse a 10 voltas para o final, e rematou décimo cuarto na China, mentres que en España Kovalainen non puido saír debido a problemas coa caixa de cambios. Retirouse en Mónaco con problemas de dirección, e en Turquía con problemas hidráulicos. Kovalainen finalizou 16º en Canadá, a dúas voltas do gañador.

En Valencia na volta 9 o Red Bull de Mark Webber golpeou o Lotus de Kovalainen e saíu voando por encima, antes de aterrar na barreira. Kovalainen chegou aos pits, pero retirouse da carreira. Finalizou no 17º lugar en Silverstone e 14º en Hungría intercalando a súa cuarta retirada da tempada en Alemaña, debido á danos causados por unha colisión co Sauber de Pedro de la Rosa. Retirouse unha vez máis no Gran Premio de Singapur de 2010 despois de que o seu coche incendiarase na última volta, malia a súa decisión de non entrar no pit lane e deixar o coche ao carón da pista e facer el mesmo fronte ás chamas recibiu o aplauso da multitude.

2011

Kovalainen pilotando un Lotus en Gran Premio de Italia de 2011.

Kovalainen quedou con Lotus en 2011. Na carreira de apertura en Australia, viuse obrigado a retirarse logo dunha fuga de auga, antes de lograr terminar a súa primeira carreira da tempada en Malaisia, onde terminou 15º, rematou no 16º posto na China. Terminou 19º en Turquía e estrelouse en España, logo de partir do 15º posto na grella. Terminou 14º en Mónaco e 19º no Gran Premio de Europa de 2011, retirouse en Canadá e Gran Bretaña. Kovalainen finalizou 16º no Gran Premio de Alemaña de 2011, antes doutra retirada debido a unha fuga de auga en Hungría. Kovalainen terminou cada unha das seguintes cinco carreiras, cunha mellor posición de 13º no Italia. Terminou na volta do líder, no posto 18º no Gran Premio do Xapón de 2011, e terminou por diante do Sauber de Kamui Kobayashi e Sergio Pérez en Corea, no posto 14º. Na India, Kovalainen finalizou 14º chegando a alcanzar o décimo lugar na carreira.

Durante a tempada, Kovalainen clasificouse por diante dos seus compañeiros Trulli e Karun Chandhok en 17 das 19 carreiras disputadas, e o director Tony Fernandes declarou que estaba satisfeito co rendemento de Kovalainen na tempada.

Caterham (2012–2013)

2012

Kovalainen, co seu novo deseño de casco co tema Angry Birds, pilotando para Caterham no Gran Premio de Malaisia de 2012.

Kovalainen foi contratado polo equipo Caterham F1 para 2012 por terceiro ano consecutivo, xunto a Vitaly Petrov. Esa tempada foi máis estable, xa que Kovalainen terminou todas as carreiras, logo do primeiro Gran Premio de Australia.

2013

Kovalainen e Petrov fóronse en favor de Charles Pic e Giedo van der Garde antes da tempada 2013, pero Kovalainen quedou en bos termos con Caterham, e asistiu ao Gran Premio de Malaisia como invitado persoal de Tony Fernandes. Antes do Gran Premio de Bahrain, o equipo anunciou que volvera a asinar a Kovalainen como un dos seus pilotos de reserva, en substitución de Ma Qing Hua e xunto a Alexander Rossi, participaran nas primeiras sesións de adestramentos libres en Bahrain e España.

Lotus (2013)

2013

O 14 de novembro o ano 2013 foi confirmado por Lotus que Kovalainen substituiría a Kimi Räikkönen como piloto oficial, Räikkönen tiña que operarse das costas. Kovalainen correrá no Gran Premio dos Estados Unidos e no Gran Premio do Brasil.

Resultados completos F1

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	1	2	3	4	5	6	7	8	9	10	11	12	13	14	15	16	17	18	19	20	Posto Final	Puntos
2007	Renault	AUS 10	MAL 8	BAH 9	ESP 7	MON 13	CAN 4	USA 5	FRA 15	RU 7	EUR 8	HUN 8	TUR 6	ITA 7	BEL 8	XPN 2	CHN 9	BRA -				7º	30
2008	McLaren Mercedes	AUS 5	MAL 3	BAH 5	ESP Ret	TUR 12	MON 8	CAN 9	FRA 4	RU 5	ALE 5	HUN 1	EUR 4	BEL 10	ITA 2	SIN 10	XPN Ret	CHN Ret	BRA 7			7º	53
2009	McLaren Mercedes	AUS Ret	MAL Ret	CHN 5	BAH 12	ESP Ret	MON Ret	TUR 14	RU Ret	ALE 8	HUN 5	EUR 4	BEL 6	ITA 6	SIN 7	XPN 11	BRA 12	ABU 11				12º	22
2010	Lotus	BAH 15	AUS 13	MAL 18	CHN 14	ESP NTS	MON Ret	TUR Ret	CAN 16	EUR Ret	RU 17	ALE Ret	HUN 14	BEL 16	ITA 18	SIN 16	XPN 12	RCO 13	BRA 18	ABU 17		20º	0
2011	Lotus	AUS Ret	MAL 15	CHN 16	TUR 19	ESP Ret	MON 14	CAN Ret	EUR 19	RU Ret	ALE 16	HUN Ret	BEL 15	ITA 13	SIN 16	XPN 18	COR 14	IND 14	ABU 17	BRA 16		22º	0
2012	Caterham	AUS Ret	MAL 18	CHN 23	BAH 17	ESP 16	MON 13	CAN 18	EUR 14	RU 17	ALE 19	HUN 17	BEL 17	ITA 14	SIN 15	XPN 15	COR 17	IND 18	ABU 13	USA 18	BRA 14	22º	0
2013	Caterham F1 Team	AUS	MAL	CHN	BHR TD	ESP TD	MON	CAN	GBR	ALE	HUN	BEL TD	ITA TD	SIN	COR	XPN TD	IND	ABU TD				21	0
	Lotus																		USA 14	BRA 14

* Tempada en curso

Véxase tamén

Ligazóns externas

• Web Oficial de Heikki Kovalainen
• Heikki Kovalainen Fan Site
• Ficha do equipo Renault F1
• Detalles da súa carreira