Premios Martín Códax da Música

galardón entregado pola asociación Músicos ao Vivo

Os Premios Martín Códax da Música son os premios da música de Galicia, galardóns anuais entregados pola asociación Músicos ao Vivo desde 2013.[1] A candidatura ás diferentes categorías require dunha inscrición previa, que posteriormente se somete a votación. Na primeira rolda vota o xurado profesional formado cada ano por 5 profesionais de diferentes áreas do sector musical (xornalista musical, representante de salas, formación/docencia e dous músicos), que tras escoitar e valorar todos os proxectos inscritos na edición, elixen 3 finalistas en cada unha das categorías. Na segunda e última rolda de votación, os socios e socias de Músicos Ao vivo (preto de 500 músicos galegos) escollen baixo o seu criterio co baremo de 3, 2 1 punto os proxectos que consideran a premiar de entre os finalistas.

A cerimonia de entrega celébrase desde o inicio no Pazo da Cultura de Pontevedra[2] e as estatuíñas entregadas, talladas en madeira de cedro polo escultor Víctor Lorenzo, representan melómanos e melómanas.[3] A dirección e presentación de cada edición é encomendada a profesionais do teatro, sendo as dúas primeiras dirixidas por Chévere[4][5] e as dúas seguintes pola compañía A Panadaría.[6][7] Carlos Blanco, Marcos PTT e máis Carmen Conde de Tarabela Creativa foron as seguintes mestras de cerimonia das galas. A edición de 2016 foi emitida a través da Televisión de Galicia[7].

Categorías editar

  • Categorías musicais: pop e indie; rock; blues, funk e soul; metal; canción de autor; hip hop e músicas urbanas; reggae, ska e mestizaxe; electrónica; música clásica e contemporánea; jazz e músicas improvisadas; música tradicional e folk; músicas do mundo; música infantil; orquestras, grupos e música de verbena; coros e grupos vocais.
  • Premios Organistrum, dedicados aos demais axentes da industria musical: sala; festival; espazos de comunicación musical.
  • Premio Honorífico: galardón especial dedicado a un profesional considerado referencia para a música galega, outorgado pola Xunta Directiva da asociación.
  • Premio Anual: artista do ano, artista emerxente.

Edicións editar

Primeira edición (2013) editar

Na edición inaugural, foron trece as categorías musicais e unha honorífica.[8]

Segunda edición (2014) editar

Os II Premios Martín Códax da Música contaron con quince categorías musicais e unha honorífica, estreando a de blues, funk e soul e a de canción de autor. Tamén foi a primeira edición coas tres categorías especiais Organistrum.[9]

Terceira edición (2016) editar

Esta edición contou con dezaseis categorías musicais, tres especiais e unha honorífica, estreando a de coros e grupos vocais.[10]

Cuarta edición (2017) editar

Esta edición tivo dezaseis categorías musicais, tres especiais e unha honorífica.[11]

Quinta edición (2018) editar

Desta vez, os premios contaron con quince categorías musicais, tres especiais e unha honorífica. Música tradicional e Folk pasan a configurar unha única categoría.[12]

Sexta edición (2019) editar

Esta edición tivo quince categorías musicais, tres especiais e unha honorífica.[13][14]

Sétima edición (2020)[15] editar

  • Canción de autor/a: Silvia Penide
  • Blues, Funk, Soul: Carla Green & The Demons
  • Música Folk: Caldo
  • Música Infantil: Magín Blanco e a Banda das Apertas
  • Bandas de música popular: Banda de Música de Merza
  • Reggae, Ska, Mestizaxe: High Paw & Elephants Yard
  • Músicas urbanas: Laura LaMontagne & PicoAmperio
  • Música tradicional: Xabier Díaz & Adufeiras do Salitre
  • Jazz, Música improvisadas: Manuel Gutiérrez Trío
  • Coros e grupos vocais: Coro Cantabile
  • Orquestras, Grupos, Música de verbena: América de Vigo
  • Pop, Indie: Guadi Galego e A Banda Somerxida
  • Metal: Broa
  • Electrónica: Músculo!
  • Músicas do mundo: Najla Shami
  • Rock: Agoraphobia
  • Música clásica, contemporánea: Taller Atlántico Contemporáneo (TAC)
  • Organistrum, espazos e comunicación musical: Festival Agrocuir da Ulloa
  • Organistrum, festivais:
  • Organistrum, salas: Náutico de San Vicente
  • Web: Músicas Galegas Ilustradas
  • Premio Honorífico: María Manuela[16]

Oitava edición (2021)[17] editar

  • Rock: Moon Cresta
  • Música Folk: Caamaño & Ameixeiras
  • Metal: N.E.O.
  • Músicas urbanas: Wöyza
  • Músicas do mundo: Lamas/de Miguel/Romero
  • Orquestras, grupos, música de verbena: Bafana Bafana
  • Música tradicional: Xurxo Fernandes & Pedro Lamas
  • Blues, Funk, Soul: Brais Morán
  • Música infantil: Radio BULEBULE
  • Electrónica: Allova
  • Coros e grupos vocais: Coro da Rá
  • Jazz, Músicas improvisadas: Fume
  • Reggae, Ska, Mestizaxe: The Skarnivals
  • Bandas de música popular: Banda de Música de Chantada
  • Música Clásica, contemporánea: Alberto Vilas
  • Pop, Indie: A Banda da Loba
  • Canción de autor/a: MJ Pérez
  • Web: O Recanto do Corcovado
  • Organistrum, espazos e comunicación musical:-
  • Organistrum, festivais:-
  • Organistrum, salas:-
  • Premio Honorífico: Pablo Barreiro
  • Premio Extraordinario: Jazz da Ría e Mardi Gras

Novena edición (2022) editar

Os premios entregáronse en Pontevedra o 5 de outubro de 2022. Son categorías novas Artista Emerxente e Artista do Ano.[18]

Décima edición (2023) editar

Os premios entregáronse en Pontevedra o 7 de xuño de 2023. Novos: Metal e Heavy, antes só Metal. Non houbo: Bandas de Música Popular, Artista do Ano.[19]

Undécima edición (2024) editar

Os premios entregáronse en Pontevedra o 15 de maio de 2024. Ti que me levas foi o tema que Xurxo Souto converteu no himno da 11ª edición dos Premios Martín Códax da Música que presentou acompañado da banda Xangai.[20]

  • Música Tradicional: Os Melidaos
  • Músicas do Mundo e Mestizaxe: Catuxa Salom
  • Folk: Caamao & Ameixeiras
  • Electrónica: Mondra
  • Jazz e Músicas Improvisadas: Pablo Sanmamed Trío con Benxamín Otero
  • Rock e Punk: Terbutalina
  • Metal e Heavy: Her Anxeity
  • Blues, Funk e Soul: Brais Morán
  • Canción de autora: Guadi Galego
  • Infantil: Uxía Lambona
  • Músicas Urbanas: hydn
  • Orquestras, grupos e múscias de verbena: América de Vigo
  • Bandas de Música Popular: Musical de Goián
  • Pop e Indie: Lucía Aldao
  • Música Clásica e Contemporánea: Carme López
  • Premios Organistrum, Comunicación e Difusión Musical: Muidiuño Sessions
  • Premios Organistrum, Salas: A Arca de Nóe
  • Premios Organistrum, Festivais: As Nosas Músicas de Couso
  • Artista Emerxente: Gloria Pavía
  • Premio Honorífico 2023: Emilio Cao

Artistas máis premiados editar

Nas seis edicións celebradas, repetiron galardón o cantante e músico Davide Salvado na categoría de Música tradicional galega, o grupo Eladio y los seres queridos na categoría de Pop / Indie, a banda NAO na categoría de Metal, o portal Ábrete de orellas na de Espazo de comunicación musical, o músico de jazz Xosé Miguélez, a banda Crebinsky na de Músicas do mundo dúas veces e outra na de Reggae / Ska / Mestizaxe.

Notas editar

  1. Músicos ao Vivo. "V Premios Martín Códax da Música". premiosmartincodaxdamusica.com. Arquivado dende o orixinal o 17 de abril de 2018. Consultado o 16 de abril de 2018. 
  2. vivo, Músicos ao. "V Premios Martín Códax da Música". premiosmartincodaxdamusica.com. Arquivado dende o orixinal o 17 de abril de 2018. Consultado o 2018-04-17. 
  3. Músicos ao Vivo. ""Os Melómanos", catorce pezas para facer historia". Arquivado dende o orixinal o 18/04/2018. Consultado o 17/04/2018. 
  4. Músicos ao Vivo. "Os premios rematan a primeira edición cunha gala emocionante". Arquivado dende o orixinal o 18/04/2018. Consultado o 17/04/2018. 
  5. Músicos ao Vivo. "Moitas sorpresas entre os premiados nunha emocionante gala". Arquivado dende o orixinal o 18/04/2018. Consultado o 17/04/2018. 
  6. Músicos ao Vivo (Sorpresas nunha gala centrada na diversidade). "Sorpresas nunha gala centrada na diversidade". Arquivado dende o orixinal o 18/04/2018. Consultado o 17/04/2018. 
  7. 7,0 7,1 Músicos ao Vivo. "Galardoados/as da 4ª edición". Arquivado dende o orixinal o 17/04/2018. Consultado o 17/04/2018. 
  8. "Primeira edición dos Premios". Arquivado dende o orixinal o 17 de abril de 2018. Consultado o 17 de abril de 2018. 
  9. "Segunda edición dos Premios". Arquivado dende o orixinal o 17 de abril de 2018. Consultado o 17 de abril de 2018. 
  10. "Terceira edición dos Premios". Arquivado dende o orixinal o 17 de abril de 2018. Consultado o 17 de abril de 2018. 
  11. "Cuarta edición dos Premios". Arquivado dende o orixinal o 17 de abril de 2018. Consultado o 17 de abril de 2018. 
  12. vivo, Músicos ao. "V Premios Martín Códax da Música". premiosmartincodaxdamusica.com. Arquivado dende o orixinal o 20 de maio de 2018. Consultado o 2018-05-19. 
  13. "Coñecemos ós gañadores dos Premios Martín Códax da Música!". 9 de maio de 2019. Consultado o 27 de decembro de 2019. 
  14. "Premios Martín Códax 2019". Consultado o 27 de decembro de 2019. 
  15. "IX Edición do Premios Martín Códax da Música". premiosmartincodaxdamusica.gal. Consultado o 2022-10-06. 
  16. sietegatosblancos@gmail.com (2020-10-22). "La Gala de los Premios Martín Códax 2020 reivindica la importancia del sector musical". Regalamúsica (en castelán). Consultado o 2022-10-06. 
  17. "IX Edición do Premios Martín Códax da Música". premiosmartincodaxdamusica.gal. Consultado o 2022-10-06. 
  18. "A novena edición dos Premios Martín Códax da Música celebra a fin da pandemia con reivindicacións". Pontevedra Viva. Consultado o 2022-10-06. 
  19. Pontevedra, Diario de (2023-06-07). "Luz Casal, raíña dos Martín Códax". Diario de Pontevedra (en castelán). Consultado o 2023-06-08. 
  20. Diario, Nós (2024-05-15). "Xurxo Souto enxalza o papel da comunidade de artistas da Galiza". Nós Diario. Consultado o 2024-05-16. 

Véxase tamén editar

Ligazóns externas editar