Bala (grupo musical)
Bala é unha banda galega de stoner rock/grunge[1] composta pola coruñesa Ánxela Baltar (guitarra e voces) e a lucense Violeta Mosquera (batería e voces).
| Bala | |
|---|---|
 Bala no Surfing the Lerez Festival | |
| Orixe | A Coruña e Pontevedra,  Galicia |
| Período | 2014 - presente |
| Xénero(s) | stoner rock, grunge |
| Selo(s) discográfico(s) | Matapadre, Century Media Records, PIAS Recordings |
| Membros | Ánxela Baltar Violeta Mosquera |
| Na rede | |
| somosbala.com | |
     | |
Traxectoria editar
As compoñentes de Bala xa tiñan experiencia en grupos como Calixta, Drama, Salvation Army e MLK antes de formar a banda no ano 2014.[2]
O 14 de setembro de 2015 publicaron o seu traballo de estrea, un álbum de sete temas chamado Human Flesh,[3] gravado no estudio Montealto da Coruña.[2] O 3 de marzo de 2017 editaron o seu segundo disco, Lume,[4] gravado en Cataluña,[2] ámbolos dous a través da discográfica compostelá Matapadre.
En xaneiro de 2019 Bala gravou unha versión do tema de The Smashing Pumpkins "Bodies", coa colaboración de Laura García (Grima) e Olaia Cankillyou (Khmer). Pouco despois a banda subiu o video da versión a YouTube[5] e en xaneiro de 2021 publicou o sinxelo en Bandcamp.[6] Tamén en 2019 foron galardoadas co Premio Martín Códax da Música na categoría de rock.[7]
No mes de febreiro de 2021, Bala anunciou a súa fichaxe polo selo alemán Century Media Records, a través do cal editarían o seu seguinte álbum. O anuncio estivo acompañado polo vídeo do primeiro sinxelo do disco, "Agitar", que conta con colaboracións de Najwa Nimri, Bonnie Buitrago de Nashville Pussy e da escritora Lúa Mosquetera.[8] O álbum, titulado Maleza, foi editado o día 14 de maio de 2021.
Tras o lanzamento de Maleza a banda iniciou unha xira de promoción que se estendeu ata 2023, realizando o derradeiro concerto da mesma en Barcelona o 21 de setembro.[9] Nese ano Bala tamén cambiou de selo discográfico, fichando por PIAS,[10] e gravou no estudio Ultramarinos Costa Brava o que será o seu cuarto álbum.[11]
O primeiro sinxelo do novo traballo, "Prisas", apareceu en novembro de 2023.[10] En febreiro de 2024 a banda anunciou oficialmente o seu cuarto traballo, titulado Besta. O disco vai ser editado o 26 de abril a través de PIAS. Coindidindo co anuncio, Bala tamén publicou o sinxelo "Equivocarme".[12]
Discografía editar
| Álbum | Ano | Selo |
|---|---|---|
| Human Flesh | 2015 | Matapadre |
| Lume | 2017 | Matapadre |
| Maleza | 2021 | Century Media Records |
Notas editar
- ↑ Desconcierto (ed.). "15 bandas gallegas para el 2015". Arquivado dende o orixinal o 20 de decembro de 2016. Consultado o 5 de maio de 2017.
- ↑ 2,0 2,1 2,2 "Biografía de Bala - La Fonoteca". lafonoteca.net. Arquivado dende o orixinal o 02 de febreiro de 2020. Consultado o 2020-02-02.
- ↑ Bala (ed.). "Bala - Human Flesh". Arquivado dende o orixinal o 30 de xuño de 2017. Consultado o 5 de maio de 2017.
- ↑ Matapadre (ed.). "Bala - Lume". Consultado o 5 de maio de 2017.
- ↑ "BALA - Bodies (The Smashing Pumpkins cover)". Consultado o 2023-11-05.
- ↑ "Bodies (The Smashing Pumpkins cover) (2019), by BALA". BALA (en inglés). Consultado o 2023-11-05.
- ↑ "Premios Martín Códax 2019". Consultado o 27 de decembro de 2019.
- ↑ Rockzone (2021-02-12). "Bala anuncian su fichaje con Century Media con la estruendosa 'Agitar'". RockZone (en castelán). Consultado o 2021-06-02.
- ↑ Olmo, Raúl del (2023-07-07). "La arrolladora gira de Bala con su 'Maleza' se prolonga este verano". Muzikalia (en castelán). Consultado o 2023-11-05.
- ↑ 10,0 10,1 Rockzone (2023-11-22). "Bala vuelven con 'Prisas'". RockZone (en castelán). Consultado o 2023-12-08.
- ↑ "Bala preparan nuevo disco y el cierre de la gira de “Maleza”". Magazine Musical Digital (en castelán). 2023-07-13. Consultado o 2023-11-05.
- ↑ Rockzone (2024-02-29). "Bala anuncian su nuevo disco 'Besta'". RockZone (en castelán). Consultado o 2024-03-21.
Véxase tamén editar
Ligazóns externas editar
- Páxina oficialArquivado 22 de abril de 2017 en Wayback Machine.