De Vacas

De Vacas
	De Vacas nunha actuación musical no Porriño (2018)
Orixe	Galicia
Período	2015 - Actualidade
Membros	Inés Salvado (a Marela); Faia Díaz (a Pinta); Paula Romero (a Morena); Guillerme Fernández (a Rubia)
Na rede
	https://devacas.gal/

De Vacas é un cuarteto musical formado polas vocalistas Inés Salvado (a Marela), Faia Díaz (a Pinta) e Paula Romero (a Morena) e o guitarrista Guillerme Fernández (a Rubia).^[1] O grupo fai versións en galego de temas comerciais, mudando a letra e dándolles un formato retranqueiro e divertido.

Traxectoria

De Vacas na Festas do Santiaguiño (2017)

De vacas naceu cando Faia, Inés e Paula, que cantaban xuntas no coro da Rá de Santiago,^[2] descubriron nunha conversa que todas eran fans das Spice Girls. Decidiron naquel momento crear un grupo co que reivindicar a súa música. Para iso incorporaron á formación o experimentado músico Guillerme Fernández, guitarrista de grupos ben coñecidos como Berrogüetto ou aCadaCanto.^[3]

O seu primeiro videoclip foi lanzado en 2015, unha versión do "Gangnam Style" do rapeiro coreano PSY.^[4] O seu primeiro concerto foi o verán do ano seguinte, no festival Feito a Man de Santiago, onde percibiron unha boa acollida por parte do público.^[3] En 2017 publicaron un novo clip: Amodiño, unha versión do "Despacito" do cantante Luis Fonsi. Axiña se fixo viral nas redes sociais, o que as popularizou definitivamente. Desde aquela teñen sacado versións doutros artistas como Enrique Iglesias, Michel Teló, Rosalía, Sabrina ou Pitbull.

Notas

↑ "QUEN SOMOS". De Vacas. Consultado o 2022-03-30.
↑ CoroDaRa (05/07/2010). Coro da Ra - Vídeo Presentación (Youtube).
↑ ^3,0 ^3,1 Novoa, Tamara (2018-02-15). "De Vacas: “Na versión do Despacito contamos unha experiencia sexual desde a perspectiva da muller”". A Movida. Consultado o 2022-03-30.
↑ "Vídeo de Gangnam Style cantado en swing por De Vacas, emergente trío vocal de Galicia". La Ganzua (en castelán). 2015-07-17. Consultado o 2022-03-30.

Véxase tamén

Ligazóns externas

10 preguntas para... - De Vacas. - XuvenTV Online. Youtube (2017).

[1] "QUEN SOMOS". De Vacas. Consultado o 2022-03-30.

[2] CoroDaRa (05/07/2010). Coro da Ra - Vídeo Presentación (Youtube).

[:0-3] 3,0 ^3,1 Novoa, Tamara (2018-02-15). "De Vacas: “Na versión do Despacito contamos unha experiencia sexual desde a perspectiva da muller”". A Movida. Consultado o 2022-03-30.

[4] "Vídeo de Gangnam Style cantado en swing por De Vacas, emergente trío vocal de Galicia". La Ganzua (en castelán). 2015-07-17. Consultado o 2022-03-30.

[1]

[2]

[3]

[4]