Michel Teló
Michel Teló, nado en Medianeira (Paraná) o 21 de xaneiro de 1981, é un cantante e compositor brasileiro. Formou parte de dúas bandas, pero foi co grupo Tradição co que obtivo os primeiros éxitos na súa carreira como cantante, entre os que destacan "Barquinho", "O Caldeirão", "Pra Sempre Minha Vida", "A Brasileira", "Ai Se Eu te Pego" e "Eu Quero Você". Ademais de cantante e compositor é un bailarín, e toca o acordeón e harmónica.
Michel Teló | |
---|---|
Nome completo | Michel Teló |
Data nacemento | 21 de xaneiro de 1981 (43 anos) |
Nado en | Medianeira, Paraná, Brasil |
Cónxuxe | Thaís Fersoza |
Ocupación | Cantante e compositor |
Instrumento(s) | Voz |
Na rede | |
https://www.micheltelo.com.br | |
[ editar datos en Wikidata ] |
Traxectoria editar
A pesar de nacer en Paraná, vive en Campo Grande, Mato Groso do Sur.
A súa canción "Ei, Psiu! Beijo Me Liga" foi un grande éxito en 2010. Ademais desta, tamén foi todo un éxito a canción "Fugidinha", cuxos autores son Rodriguinho e Tiaguinho, integrantes dun grupo brasileiro de pagode orixinario de São Paulo: Exaltasamba. A versión de "Fugidinha" que é interpretada por Michel Teló foi un grande éxito nun programa de televisión brasileiro, coñecido baixo o nome O Melhor do Brasil da cadea Rede Record, e foi parte dous anos consecutivos da banda sonora dunha telenovela xuvenil chamada "Malhação", da cadea Rede Globo.
No reality show Big Brother Brasil 11, transmitido no día 16 de marzo de 2011, Michel Teló participou na festa titulada Sertanejo Universitário, coa participación tamén de João Bosco & Vinícius e Fernando & Sorocaba.[1]
No 2011 a súa canción "Ai Se Eu Te Pego" foi un éxito.
Fama internacional editar
Coa canción "Ai se eu te Pego" acadou a fama fóra do Brasil debido ao baile do xogador de fútbol profesional Neymar. En España púxose de moda logo da celebración de Cristiano Ronaldo e Marcelo despois de marcar un gol co Real Madrid.
Notas editar
- ↑ "Festa Sertanejo Universitário". Arquivado dende o orixinal o 20 de agosto de 2011. Consultado o 30 de decembro de 2011.
Véxase tamén editar
Ligazóns externas editar
- Sitio web oficialArquivado 28 de decembro de 2012 en Wayback Machine. (en portugués)