Abrir o menú principal

Guadi Galego

cantante galega

Guadalupe Cribeiro Galego, coñecida como Guadi Galego, nada en Cedeira en 1974, é unha cantante galega.

Guadi Galego
GuadiGalegoCrop.jpg
Nome completoGuadalupe Cribeiro Galego
Nacemento1974
OrixeCedeira
Ocupacióncantante
XéneroFolk
Instrumento(s)Gaita, piano e voz
Relacionado conBerrogüetto, Espido e Nordestin@s
Na rede
guadigalego.eu
editar datos en Wikidata ]

TraxectoriaEditar

Guadi Galego comezou a súa formación de música dende moi nova. Dende o ano 1997 foi gaiteira, pianista e vocalista no grupo Berrogüetto, co que gravou tres discos até xaneiro de 2008 (Viaxe por Urticaria, Hepta e 10.0). Tamén formou parte do dúo Espido e de Nordestin@s.

A súa carreira en solitario iniciouse co álbum Benzón, que se publicou en 2009.[1] Este disco foi moi aclamado pola crítica galega e a española, recibindo o Premio Opinión ao mellor disco folk do ano[2] e a candidatura á mellor canción en galego nos Premios da Música polo tema "Madama", no que colaboraban Pedro Pascual e Rosa Bugallo.[3]

En 2012 uniuse aos músicos Xabier Díaz, Guillerme Fernández e Xosé Lois Romero para formar o grupo aCadaCanto[4] que sacou un disco de igual nome ese ano e outro en 2013 titulado A rosa d'Adina, no que musicaron versos de Rosalía de Castro.[5][6]

Presentou o seu disco Lúas de outubro e agosto o 25 de novembro de 2014 Día Internacional da eliminación da Violencia contra a muller, no que inclúe a canción "Matriarcas" facendo unha homenaxe ás mulleres reais e a súa vida cotiá.[7] En 2016 presentou o seu terceiro álbum en solitario, titulado O mundo está parado.[8]

No mes de maio, con motivo das actividades do Día das Letras Galegas en 2017, participou nun acto organizado polo Centro de Formación e Recursos (CFR) co obxectivo de fomentar o canto coral nos colexos e institutos utilizando como base o repertorio de grupos e cantantes galegos actuais. Xuntáronse nunha nave do estaleiro Navantia uns mil estudantes de Primaria e Secundaria para gravar, xunto a Guadi Galego, o seu tema "Chea de vida" baixo a batuta de Ramón Bermejo.[9][10]

No ano 2018, o 17 de maio, Día das Letras Galegas actuou no programa televisivo Late Motiv de Andreu Buenafuente convidada expresamente como artista galega para actuar en directo nun programa estatal.[11][12] O 15 de outubro de 2018 foi recoñecida co premio do Día Internacional da muller rural[13] pola Federación de Asociacións de Mulleres Rurais (FADEMUR) e a Deputación da Coruña.[14]

En outubro de 2019 publicou Immersion, un álbum no que interpreta temas dos seus tres discos anteriores, mais esta vez en sete linguas da Península Ibérica: catalán, euskera, aranés, asturiano, portugués, castelán e galego.[15] Conta con colaboracións de numerosos artistas como Iván Ferreiro, Vega, Lisandro Aristimuño, Germán Díaz, Andrés Suárez, Mikel Urdangarin ou Abe Rábade.[16]

DiscografíaEditar

Presentación dun concerto na Estrada en 2017. Nós Televisión.

Traballos con BerrogüettoEditar

Traballos con EspidoEditar

  • Espido (2005).

Traballos con Nordestin@sEditar

  • Nordestin@s (2006).

Traballos propiosEditar

Traballos con aCadaCantoEditar

  • aCadaCanto (2012).
  • A rosa d'Adina (2013).

GalardónsEditar

  • Premio La Opinión outorgado pola crítica especializada ao segundo mellor álbum galego do 2005, por Espido.[19]
  • Premio La Opinión outorgado pola crítica especializada ao mellor álbum galego do 2009, por Benzón.
  • Premio da Crítica Galicia de Música no 2015.
  • Premio Bos e Xenerosos da Fundación Eduardo Pondal en 2015.
  • Premio Martín Códax 2016 na categoría de canción de autor.[19]
  • Premio Rebulir da Cultura Galega 2018 na categoría de Música Galega.[20]

Con BerrogüettoEditar

  • Premio La Opinión outorgado pola crítica galega ao mellor álbum galego no 2002.
  • Finalista do premio ao mellor álbum en galego na VI Edición de los Premios de la Música, outorgado pola Academia de las Artes y las Ciencias de la Música no 2002.
  • Preis Der Deutschen Schallplattenkritik, premio da crítica alemá ao mellor grupo folk no 2002.
  • Nomeamento pola Academia Latina de Artes e Ciencias da Gravación á 3ª edición dos Premios Grammy Latinos no apartado de Mellor Álbum de Música Folk no 2002.
  • Preis Der Deutschen Schallplattenkritik, premio da crítica alemá ao mellor disco de World Music por 10.0 no 2007.
  • Premio La Opinión outorgado pola crítica galega ao segundo mellor álbum galego por 10.0 no 2007.
  • Finalista do premio ao mellor álbum en galego na edición dos Premios de la Música, outorgado pola Academia de las Artes y las Ciencias de la Música no 2007.

Con Nordestin@sEditar

  • Premio La Opinión outorgado pola crítica galega ao mellor álbum galego do 2006.

NotasEditar

  1. anosaterraTV (2009-05-28). "Benzón, o novo disco de Guadi Galego". Consultado o 2019-02-19. 
  2. "A 'Benzón' de Guadi Galego logra o triunfo nos IX PREMIOS OPINIÓN". La Opinión A Coruña. 1 de marzo de 2010. Consultado o 25 de outubro de 2019. 
  3. "Luar na Lubre gana el premio al mejor álbum de música tradicional y Carlos Bau el de mejor canción en gallego" (en castelán). 17 de febreiro de 2010. Consultado o 25 de outubro de 2019. 
  4. "Un cuarteto musical de luxo mais efémero: aCadaCanto". Sermos Galiza. 23 de maio de 2012. Consultado o 25 de outubro de 2019. 
  5. "aCadaCanto envolve en intimismo a intensa emoción de Rosalía". La Voz de Galicia. 19 de decembro de 2013. Consultado o 25 de outubro de 2019. 
  6. "Rosalía séntese aCadaCanto en Compostela". Sermos Galiza. 9 de maio de 2014. Consultado o 25 de outubro de 2019. 
  7. Coruña, La Opinión A. "Guadi Galego presenta un canto de amor a la mujer y a la libertad este 25-N". ocio.laopinioncoruna.es. Consultado o 2019-02-19. 
  8. "Guadi Galego presenta su disco «O mundo está parado»" (en castelán). 14 de decembro de 2016. Consultado o 25 de outubro de 2019. 
  9. Ferrol, Diario de. "Uns 1.000 alumnos cantarán con Guadi Galego no estaleiro de Navantia". Diario de Ferrol (en castelán). Consultado o 2019-03-11. 
  10. CFR Ferrol (2017-05-15). "1000 NENAS E NENOS CANTAN "CHEA DE VIDA"". Consultado o 2019-03-11. 
  11. https://praza.gal/cultura/guadi-galego-estamos-pasando-por-un-dos-momentos-mais-duros-para-a-lingua-galega
  12. https://www.youtube.com/watch?v=MrVvEH6BAOY
  13. "Día Internacional de las Mujeres Rurales, 15 de octubre". www.un.org (en castelán). Consultado o 2019-02-19. 
  14. Ferrol, Diario de. "La Diputación y Fademur reconocen a Guadi Galego en el día de la mujer rural". Diario de Ferrol (en castelán). Consultado o 2019-02-19. 
  15. "Guadi Galego revisa o seu cancioneiro en 'Immersion'". Sermos Galiza. 24 de maio de 2019. Consultado o 25 de outubro de 2019. 
  16. "«Inmersión», el nuevo disco de Guadi Galego" (en castelán). 10 de setembro de 2019. Consultado o 25 de outubro de 2019. 
  17. "Guadi Galego presenta su disco «O mundo está parado»". La Voz de Galicia (en castelán). 2016-12-14. Consultado o 2019-02-10. 
  18. Pardo, Miguel (17 de maio de 2018). "Guadi Galego: "Estamos pasando por un dos momentos máis duros para a lingua galega"". Praza Pública. Consultado o 18 de maio de 2018. 
  19. 19,0 19,1 "Guadi Galego". culturactiva.org. Consultado o 17-04-2018. 
  20. Vigo, Faro de. "Rebulir 2018 reúne a grupos de España, Portugal, México y Guinea". www.farodevigo.es (en castelán). Consultado o 2019-02-19. 

Véxase taménEditar