Armando Requeixo

escritor e crítico literario galego

Armando Requeixo Cuba, nado en Mondoñedo o 14 de xuño de 1971, é un investigador, profesor e crítico literario galego.

Armando Requeixo
Armando Requeixo.jpg
Nacemento14 de xuño de 1971
 Mondoñedo
NacionalidadeEspaña
Alma máterUniversidade de Santiago de Compostela
Ocupaciónescritor e crítico literario
editar datos en Wikidata ]

TraxectoriaEditar

Investigador e secretario do Centro Ramón Piñeiro para a Investigación en Humanidades, é tamén profesor na Universidade de Santiago de Compostela e coordinador de actividades e publicacións da Casa-Museo Álvaro Cunqueiro.

O 28 de febreiro de 2014 defendeu a súa tese de doutoramento, A poesía en galego de Xosé María Díaz Castro: Estudo e edición crítica, dirixida por Carmen Blanco e Claudio Rodríguez Fer[1].

Ensaísta e tradutor, é membro da Asociación de Escritoras e Escritores en Lingua Galega, da Asociación Española de Críticos Literarios e da Asociación Galega da Crítica. Recibiu varias distincións polo seu labor como crítico, investigador e tradutor literario.

Dende o 2016 dirixe os Cadernos Ramón Piñeiro e as coleccións Láncara de Poesía e Narrativa Recuperada no seo do Proxecto Recuperación de Textos Literarios e Xornalísticos Galegos, do que é o principal responsable no CRPIH[2], onde tamén dirixe o Proxecto Bibliografía da Literatura Galega. Dende decembro do 2019 dirixe tamén os cadernos da Colección Selva de Esmelle, publicación da Casa-Museo Álvaro Cunqueiro.

Colabora como comentarista habitual na revista Tempos Novos e o seu suplemento de libros ProTexta. As súas recensións aparecen publicadas nos xornais do Grupo Editorial Prensa Ibérica (Faro de Vigo, La Opinión (A Coruña)), do Grupo La Capital (El Ideal Gallego, Diario de Ferrol, Diario de Arousa, Diario de Bergantiños), do portal Galicia Dixital[3], e mantén unha colaboración semanal na Radio Galega sobre comentario de obras narrativas e ensaísticas galegas ou traducidas[4].

Dende febreiro de 2011 mantén na Rede o blog Criticalia, onde dá cabida a recensións de novidades editoriais ao tempo que achega reflexións sobre diversas cuestións relacionadas coa literatura galega.

Vida persoalEditar

Está casado coa tradutora María Fe González[5]

ObrasEditar

EnsaioEditar

EdiciónsEditar

TraduciónsEditar

Obras colectivasEditar

PremiosEditar

  • VI Premio de Investigación Lingüística e Literaria 17 de Maio do Departamento de Filoloxía Galega da USC en 1994.
  • Premio Xerais á Cooperación Editorial no 2004.
  • Premio Ánxel Fole no 2010.
  • Premios Redelibros ao crítico literario máis destacado do 2011 e 2012.
  • Premios Redelibros ao blog máis destacado do 2011 e 2012, por Criticalia.
  • Premio Fervenzas Literarias ao mellor crítico literario de 2012.
  • Premio Fervenzas Literarias ao mellor crítico literario de 2014.
  • Premio Fervenzas Literarias ao mellor crítico literario e ao mellor blog/web literaria, por Criticalia, de 2015.
  • Premio Fervenzas Literarias ao mellor crítico literario e ao mellor blog/web literaria, por Criticalia, de 2016.
  • Premio Alecrín 2017 no "Eido da Crítica e Investigación Literaria" concedido pola FEGALCAT.
  • Premio xornalístico Manuel Reimóndez Portela [7]
  • Premio Fervenzas Literarias ao mellor crítico literario de 2017.
  • Premio Fervenzas Literarias ao mellor crítico literario de 2018.
  • Premio Fervenzas Literarias ao mellor crítico literario de 2019.

NotasEditar

Véxase taménEditar

Ligazóns externasEditar