Muhammad Hosni Said Mubarak (árabe : محمد حسنى سيد مبارك) coñecido como Hosni Mubarak, nado en Kafr-El Meselha (Monufia) o 4 de maio de 1928 e finado o 25 de febreiro de 2020,[1][2] foi un político exipcio. Foi presidente do seu país desde o 14 de outubro de 1981, 8 días despois do asasinato de Anwar el-Sadat,[3] ata o 11 de febreiro de 2011 momento no que se viu obrigado a deixar o poder logo que dende o 25 de xaneiro de 2011 se sucederan protestas populares para esixir un cambio no país do Nilo.[4][5] Mubarak foi internado o 12 de abril tras sufrir unha crise cardíaca durante un interrogatorio.[6] O día 13 de abril de 2011 foi ordenada a súa detención canda a dos seus fillos Alaa e Gamal, co fin de indagar nos posibles delitos que se lles imputan.[7] O día 2 de xuño de 2012 foi condenado a cadea perpetua pola represión das protestas durante a Primavera árabe, na que morreron máis de 800 persoas.[8]

Hosni Mubarak
SucesorOmar Suleiman
SucesorAhmad Fuad Mohieddin
SucesorVacante
Datos persoais
Nacemento4 de maio de 1928
 Kafr-El Meselha, Al Minufiyah
Falecemento25 de febreiro de 2020
 O Cairo
OrganizaciónPartido Nacional Democrático
CónxuxeSuzanne Mubarak
FillosAlaa e Gamal
Alma máterEgyptian Military College, Military Academy of the General Staff of the Armed Forces of Russia, Supreme Military Institute of the Armed Forces of the Kyrgyz Republic e Academia Militar M. V. Frunze
ProfesiónMilitar, piloto de avión e político
RelixiónIslam
Na rede
IMDB: nm0610804 WikiTree: مبارك-1 Editar o valor em Wikidata
editar datos en Wikidata ]

Era tamén Secretario Xeral do Movemento de Países Non Aliñados desde o 16 de xullo de 2009 substituíndo a Raúl Castro.

Traxectoria editar

Terminados os seus estudos de secundaria, ingresou na Academia Militar Exipcia obtendo o título en Ciencias Militares aos 20 anos de idade. En 1950 ingresou na academia da Forza Aérea, recibindo instrución tamén en Frunze, a actual Bixkek, capital de Kirguizistán, entón república da Unión Soviética, obtendo o título de piloto de combate. Ascendeu rapidamente e en 1964 foi nomeado representante da delegación militar exipcia na Unión Soviética.

En 1967 convértese en Xefe da Forza Aérea Exipcia, sendo responsable dalgúns dos combates que se suceden no permanente conflito con Israel. En 1973 participa activamente nos preparativos e desenvolvemento da Guerra do Yom Kippur.

Gobernou en Exipto durante 30 anos con man férrea baixo un goberno corrupto. Celebrou durante o seu mandato catro procesos electorais, fortemente manipulados. Así mesmo, privou o pobo exipcio de liberdades básicas. Este e outros feitos precipitou o inicio das protestas na súa contra. Foron necesarias máis de 300 mortes violentas nun intento do goberno de Mubarak de conter as revoltas. A saída do poder de Mubarak propiciou que o exército tomase as rendas. En 18 días de protestas pacíficas, salpicadas de violencia por parte das forzas represivas, Mubarak foi derrocado do poder político exipcio.

Notas editar

  1. "Egypt's former president Hosni Mubarak dies at 91". www.aljazeera.com. Consultado o 25 de febreiro de 2020. 
  2. "Former Egyptian president Hosni Mubarak dies". BBC News (en inglés). 25 de febreiro de 2020. Consultado o 25 de febreiro de 2020. 
  3. "Hosni Mubarak". Biografías y Vidas (en español). 2004. Consultado o 19 de novembro de 2012. 
  4. Enric González; Georgina Higueras; Nuria Tesón (11 de febreiro de 2011). "La revolución egipcia fuerza la dimisión de Mubarak" (en castelán). Consultado o 19 de novembro de 2012. 
  5. El pueblo echa a Mubarak, en El Mundo de España.
  6. "Mubarak hospitalizado tras sufrir una crisis cardiaca durante un interrogatorio". 12 de abril de 2011. Consultado o 19 de novembro de 2012. 
  7. Agencia/EFE (13 de abril de 2011). http://noticierostelevisa.esmas.com, ed. "Detienen a Hosni Mubarak". Consultado o 19 de novembro de 2012. 
  8. "Mubarak, condenado a cadena perpetua". El País. 3 de xuño de 2012. Consultado o 19 de novembro de 2012. 

Véxase tamén editar

Ligazóns externas editar

Presidente de Exipto

Segue a:
Anwar Sadat
Hosni Mubarak
Precede a:
Mohamed Hussein Tantawi
(Presidente do Consello Supremo das Forzas Armadas)