Hafez al-Assad

Hafez al-Assad, nado en Qardaha, en 1928 e finado en Damasco en 2000, foi un militar e político sirio.

Hafez al-Assad
Nacemento	6 de outubro de 1930
Lugar de nacemento	Qardaha
Falecemento	10 de xuño de 2000
Lugar de falecemento	Damasco
Causa	infarto agudo de miocardio
Soterrado	Qardaha
Nacionalidade	Siria
Relixión	Alauísmo
Alma máter	Homs Military Academy e Military Academy of the General Staff of the Armed Forces of Russia
Ocupación	político e militar
Pai	Ali Sulayman al-Assad
Cónxuxe	Anisa Makhlouf
Fillos	Bassel al-Assad, Bashar al-Assad, Bushra al-Assad, Maher al-Assad e Majd al-Asad
Irmáns	Jamil al-Assad e Rifaat al-Assad
Premios	Grande Estrela da Condecoración por Servizos á República de Austria, Collar of the Order of the White Lion e Grand Cross of the Order of Polonia Restituta
Na rede
[ editar datos en Wikidata ]

Traxectoria

Al-Assad naceu no seo dunha familia alauí pobre, e foi o primeiro da súa familia en cursar educación secundaria. Entrou na Academia Militar Siria e completou estudos en academias soviéticas. En 1946 entrou no partido Baaz. Cando Siria e Exipto crearon a República Árabe Unida, al-Assad, entón estacionado no Cairo opúxose á federación.

Nomeado xefe da forza aérea siria en 1964, ascendeu a ministro de Defensa en 1967, e estivo ao mando desa carteira durante a Guerra dos seis días. En 1970 aproveitou a carteira de Defensa para dar un golpe de Estado (1970) que o levaría á xefatura do goberno en 1971. Baixo o signo do autoritarismo baazista (mestura de socialismo e panarabismo), emprendeu unha longa serie de reformas económicas que levarían ó control estatal da economía e á dependencia das axudas da Unión Soviética.

Partidario da creación do estado palestino, subvencionou operacións armadas da OLP de Yasser Arafat^{[Cómpre referencia]}. Non obstante a súa política socialista levouno a quedar illado dos demais países árabes. Durante a guerra irano-iraquí (1980-1988) apoiou decididamente o tamén baazista Saddam Hussein, ditador de Iraq. Durante a Primeira Guerra do Golfo (1990-1991), mantívose porén á marxe e apoiou timidamente á coalición internacional.

Trala súa morte en 2000, sucedeuno no cargo o seu fillo Bashar al-Assad, quen continuou a política de fornecer a grupos armados^{[Cómpre referencia]}, o que levou ós Estados Unidos a engadilo na lista de países do eixe do mal^{[Cómpre referencia]}.

Véxase tamén

  Conflito árabe-israelí