Comunidade autónoma

división administrativa de España
(Redirección desde «Comunidade Autónoma»)

Unha comunidade autónoma é unha entidade territorial que, dentro do ordenamento constitucional do Estado español, está dotada de certa autonomía lexislativa e competencias executivas, así como da facultade de administrarse mediante os seus propios representantes.

Características editar

A estrutura do Estado Español en Comunidades Autónomas recóllese na Constitución española de 1978. O artigo 2 recoñece e garante o dereito á autonomía das nacionalidades e rexións que compoñen o Estado. Esta disposición baséase na premisa da unidade indisoluble do estado español, que aparece citada como patria común de todos os españois. Non obstante, dende diversos sectores nacionalistas[1] ou de esquerdas[2] este segundo artigo constitucional é presentando coma un punto excluínte e de discordia ao negar o dereito de autodeterminación aos pobos que a día de hoxe están baixo a tutela do Estado, tendo especial relevancia aqueles considerados nacións.

O texto da Constitución establece os poderes que poden ser asumidos polas Comunidades Autónomas e aqueles que só se lle poden atribuír ó Estado.

A división política e administrativa de España ten a forma de 17 comunidades autónomas, ademais de Ceuta e Melilla, cuns estatutos de autonomía que lles outorgan o rango de Cidades autónomas.

A promulgación da Constitución Española de 1978, que recolle o dereito de autonomía das nacionalidades e rexións que compoñen o estado español, supuxo un cambio total con respecto ao réxime anterior, que se baseaba en plans centralizados tradicionais. Isto daba resposta a un problema que xa xurdira repetidamente na historia de España como resultado das diferentes identidades sobre as que se construíu a unidade do estado español. Unha parte significativa da povoación nega aínda hoxe que concorde con esta unidade do estado español mentres non se recoñeza totalmente a existencia de soberanía nacional das nacións do estado minorizadas.

Tras a ratificación da Constitución Española, e como resultado da posta en funcionamento dos principios contidos no Título VIII, no curso duns poucos anos completouse o proceso de instauración das 17 Comunidades Autónomas e foron aprobados os seus estatutos. Foron tamén dotadas do seu propio órgano de goberno e institucións representativas.

Comunidades Autónomas de España editar


  Nome Capital autonómica Provincias Capital provincial
  Andalucía Sevilla Almería Almería
Cádiz Cádiz
Córdoba Córdoba
Granada Granada
Huelva Huelva
Málaga Málaga
Sevilla Sevilla
Xaén
(es. Jaén)
Xaén
(es. Jaén)
  Aragón Zaragoza Huesca
(arg. Uesca)
Huesca
(arg. Uesca)
Teruel Teruel
Zaragoza Zaragoza
  Principado de Asturias
(ast. Principáu d'Asturies)
Oviedo
(ast. Uviéu)
Asturias
(ast. Asturies)
Oviedo
(ast. Uviéu)
  Illas Baleares
(cat. Illes Balears)
Palma Illas Baleares
(cat. Illes Balears)
Palma
  País Vasco
(eu. Euskadi)
Vitoria
(eu. Gasteiz)
Áraba
(eu. Araba)
Vitoria
(eu Gasteiz)
Guipúscoa
(eu. Gipuzkoa)
Donostia

(eu: Donostia / San Sebastián)

Biscaia
(eu. Bizkaia)
Bilbao
(eu. Bilbao / Bilbo)
  Canarias As Palmas de Gran Canaria e
Santa Cruz de Tenerife
As Palmas
(es. Las Palmas)
As Palmas de Gran Canaria
(es. Las Palmas de Gran Canaria)
Santa Cruz de Tenerife Santa Cruz de Tenerife
  Cantabria Santander Cantabria Santander
  Castela-A Mancha
(es. Castilla-La Mancha)
Toledo Albacete Albacete
Cidade Real
(es. Ciudad Real)
Cidade Real
(es. Ciudad Real)
Cuenca Cuenca
Guadalaxara
(es. Guadalajara)
Guadalaxara
(es. Guadalajara)
Toledo Toledo
  Castela e León
(es. Castilla y León)
Valladolid Ávila Ávila
Burgos Burgos
León León
Palencia Palencia
Salamanca Salamanca
Segovia Segovia
Soria Soria
Valladolid Valladolid
Zamora Zamora
  Cataluña
(cat. Catalunya)
Barcelona Barcelona Barcelona
Xirona
(cat. Girona)
Xirona
(cat. Girona)
Lleida Lleida
Tarragona Tarragona
  Estremadura
(es. Extremadura)
Mérida Badaxoz
(es. Badajoz)
Badaxoz
(es. Badajoz)
Cáceres Cáceres
  Galicia Santiago de Compostela A Coruña
A Coruña
Lugo Lugo
Ourense Ourense
Pontevedra Pontevedra
  Comunidade de Madrid
(es. Comunidad de Madrid)
Madrid Madrid Madrid
  Rexión de Murcia
(es. Región de Murcia)
Murcia Murcia Murcia
  Comunidade Foral de Navarra
(eu.Nafarroa)
Pamplona
(eu. Iruñea)
Navarra
(eu. Nafarroa)
Pamplona
(eu. Iruñea)
  A Rioxa
(es. La Rioja)
Logroño A Rioxa
(es. La Rioja)
Logroño
  Comunidade Valenciana
(es. Comunidad Valenciana)
(cat. Comunitat Valenciana)
Valencia
(cat. València)
Alacant
(es. Alicante)
Alacant
(es. Alicante)
Castelló Castelló de la Plana
Valencia
(cat. València)
Valencia
(cat. València)

As dúas cidades autónomas son:

Comunidades autónomas por superficie editar

Lista de comunidades autónomas españolas ordenadas por superficie.

Lugar Nome Superficie
en Km²
Porcentaxe
1 Castela e León 94.223 18,6%
2 Andalucía 87.268 17,2%
3 Castela-A Mancha 79.463 15,7%
4 Aragón 47.719 9,4%
5 Estremadura 41.634 8,2%
6 Cataluña 32.114 6,3%
7 Galicia 29.574 5,8%
8 Comunidade Valenciana 23.255 4,6%
9 Rexión de Murcia 11.313 2,2%
10 Principado de Asturias 10.604 2,1%
11 Navarra 10.391 2,1%
12 Comunidade de Madrid 8.028 1,6%
13 Illas Canarias 7.447 1,5%
14 País Vasco 7.234 1,4%
15 Cantabria 5.321 1 %
16 A Rioxa 5.045 1,0%
17 Illas Baleares 4.992 1 %
18 Ceuta 19 0 %
19 Melilla 12 0 %
T o t a l 505.988 100%

Comunidades autónomas por poboación editar

Lista de comunidades autónomas españolas ordenadas por poboación (datos do padrón municipal de habitantes, INE á data 01/01/2013).

Lugar Nome Poboación Porcentaxe Densidade
1 Andalucía 8 394 209 17,85 % 96,83 hab./km²
2 Cataluña 7 465 619 15,98 % 234,83 hab./km²
3 Comunidade de Madrid 6 409 216 13,75% 809,00 hab./km²
4 Comunidade Valenciana 4 998 464 10,84 % 220,05 hab./km²
5 Galicia 2 761 730 5,92 % 94,52 hab./km²
6 Castela e León 2 517 157 5,42 % 27,15 hab./km²
7 País Vasco 2 174 474 4,63 % 301,99 hab./km²
8 Illas Canarias 2 105 851 4,51 % 285,59 hab./km²
9 Castela-A Mancha 2 094 957 4,48 % 26,62 hab./km²
10 Rexión de Murcia 1 459 671 3,12 % 129,95 hab./km²
11 Aragón 1 338 495 2,85 % 28,21 hab./km²
12 Illas Baleares 1 110 399 2,36 % 222,97 hab./km²
13 Estremadura 1 101 303 2,35 % 26,58 hab./km²
14 Principado de Asturias 1 067 457 2,35 % 101,99 hab./km²
15 Navarra 638.390 1,36 % 61,79 hab./km²
16 Cantabria 589.651 1,26 % 111,47 hab./km²
17 A Rioxa 319.003 0,68 % 59,67 hab./km²
18 Ceuta 84.504 0,17 % 4.335,58 hab./km²
19 Melilla 83.762 0,17 % 6.380,16 hab./km²
T o t a l 47 190 493 100 % 93,51 hab/km²

Notas editar

  1. O PNV advirte que a unidade non se impón
  2. "A anomalía democrática da constitución española" (PDF). Arquivado dende o orixinal (PDF) o 09/06/2019. Consultado o 21/06/2009. 

Véxase tamén editar

Outros artigos editar