Huelva

Huelva
	Brasón
Localización
	37°15′N 6°57′O / 37.25, -6.95
Estado	España
Comunidade autónoma	Andalucía
Provincia	Provincia de Huelva
Capital de	Provincia de Huelva
Contén a división administrativa	Huelva (pt)
Poboación
Poboación	143.290 (2024) (961,68 hab./km²)
Xeografía
Parte de	Q100593666 ; Comarca Metropolitana de Huelva
Superficie	149.000.000 m²
Bañado por	Océano Atlántico
Altitude	54 m
Comparte fronteira con	Aljaraque ; San Juan del Puerto (pt) ; Moguer (pt) ; Gibraleón ; Punta Umbría ; Palos de la Frontera
Santo padrón	Sebastián
Organización política
• Alcaldesa	Pilar Miranda Plata (2023–)
Identificador descritivo
Código postal	21001 y otros
Fuso horario	UTC+01:00
Código INE	21041
Outro
Irmandado con	Houston ; Faro ; Cádiz
Sitio web	huelva.es

Huelva^[1] é unha cidade e concello español, capital da provincia de Huelva, en Andalucía. Está situada na costa suroeste de España, na confluencia dos ríos Tinto e Odiel, que forman a Ría de Huelva. O municipio ten unha extensión de 149 km², e a súa poboación en 2010 era de 149.310 habitantes.

Xeografía

Huelva atópase localizada nunha pequena península confluencia dos ríos Tinto e Odiel, na chamada terra chaira pertencendo á conca do Guadiana. Está situada a escasos quilómetros do mesmo, do que o separan unha ría e varias illas. Os dous ríos fusiónanse no punto coñecido como Punta do Sebo (ou Península de Huelva ou Anicoba). A altitude media varía desde os cero aos cincuenta e catro metros sobre o nivel do mar.

Noroeste: San Bartolomé de la Torre	Norte: Gibraleón	Nordés: San Juan del Puerto
Oeste: Aljaraque e río Odiel		Leste: Moguer, Palos de la Frontera e río Tinto
Suroeste El Rompido e o océano Atlántico	Sur: Punta Umbría e o océano Atlántico	Sueste: Mazagón e o océano Atlántico

Clima

O clima é moi benigno, pois é de transición entre subtropical (de variedade bética) e temperado (de variedade mediterránea). A temperatura é suave grazas a ter preto o mar, posto que a súa brisa arrefría o caloroso clima.

Historia

O poboamento onubense comeza a ter grande importancia na Idade de Bronce, adquirindo o seu auxe durante a civilización tartéssica (en torno aos séculos VIII e VI antes de Cristo). En séculos posteriores comezan a chegar comerciantes fenicios e gregos. Durante a época romana, o lugar que corresponde á provincia é chamada Beturia (entre o Betis, o Guadalquivir, e o Anas, o Guadiana), está poboado polos celtici, e máis tarde existe Onuba Aesturiana. Durante a época visigoda ten maior importancia a localidade de Niebla. Ao conquistar a cidade os musulmáns, chámana Welba. A cidade é reconquistada por Afonso X o Sabio. En 1873, as minas de Riotinto converten a Huelva nun importante porto. Os novos polígonos industrias do século XX fan que Huelva aumente considerablemente a súa poboación.

Economía

As principais industrias onubenses son as relacionadas coa química e a pesca (Huelva conta cun importante porto pesqueiro, unha ampla frota e unha longa tradición mariñeira). O marisco e peixe onubenses gozan dunha significativa fama. O porto de Huelva é un dos de maior actividade de España, grazas a construcións portuarias de finais do século XX.

Notas

↑ Definicións no Dicionario da Real Academia Galega e no Portal das Palabras para onubense.

Véxase tamén

Outros artigos

Andalucía

Ligazóns externas

www.ayuntamientohuelva.es Arquivado 05 de maio de 2006 en Wayback Machine. (en castelán)

[RAG-1] Definicións no Dicionario da Real Academia Galega e no Portal das Palabras para onubense.

[1]