Xabier Deive

Xabier Deive Martínez, nado en Narón o 14 de maio de 1970 e finado o 18 de xullo de 2024, foi un actor galego cunha ampla experiencia interpretativa. Traballou en teatro, cine e televisión, sendo especialmente coñecido polos seus papeis en numerosas series da Televisión de Galicia como A vida por diante, Matalobos ou Serramoura.

Xabier Deive

Biografía
Nacemento	14 de maio de 1970 Narón
Morte	18 de xullo de 2024 (54 anos)
Datos persoais
País de nacionalidade	España
Actividade
Ocupación	actor , actor de cinema , actor de televisión
Lingua	Lingua galega
Obra
Obras destacables (2006-2007) A vida por diante (2009-2013) Matalobos (2014) Serramoura

Traxectoria

Xabier Deive en Sede de mal.

Comezou a súa carreira interpretativa na década de 1990 como actor de teatro, dando os seus primeiros pasos na Escola de Teatro de Narón, e participou en espectáculos coas compañías Caroza Teatro, Teatro Maltés, Ollomoltranvía, Galería Cía de Teatro e Uvegá Teatro. A comezos do século XXI tivo numerosos papeis en curtametraxes, así como pequenas aparicións en series da Televisión de Galicia como Pratos combinados, Mareas vivas, Galicia Exprés ou As leis de Celavella.

No 2006 deuse a coñecer ao gran público, ao interpretar a Eusebio Barreiro na serie de televisión A vida por diante. Dende entón foi un dos rostros máis habituais e coñecidos das producións de ficción da canle pública galega, destacando en papeis como o de Diego Dourado na serie de éxito Matalobos, ou o de Pancho en Serramoura. Traballou tamén en varias series fóra de Galicia, como Piratas, Amar es para siempre, Águila Roja, El ministerio del tiempo ou Néboa.

No 2007 debutou no cine co filme O menor dos males (2007), de Antonio Hernández, con Carmen Maura, Roberto Álvarez e Antonio Durán "Morris" entre outros, e nos seguintes anos apareceu noutras películas como La mujer del anarquista, A cicatriz branca, Las altas presiones, Lobos sucios, Palmeras en la nieve, Libertad, Fatum ou As Neves.

En 2019 foi elixido presidente da Asociación de Actores e Actrices de Galicia, cargo que ocupou ata 2021. Faleceu o 18 de xullo de 2024, aos 54 anos de idade.

Filmografía

Longametraxes

• Jalisco (2001), de Francisco Piñeiro. Telefilme.
• As viúvas do mar (2004), de Carlos Sedes. Telefilme.
• O menor dos males (2007), de Antonio Hernández.
• La mujer del anarquista (2008), de Marie Noëlle e Peter Sehr.
• A cicatriz branca (2013), de Margarita Ledo.
• Las altas presiones (2014), de Ángel Santos.
• Lobos sucios (2015), de Simón Casal.
• Palmeras en la nieve (2015), de Fernando González Molina.
• Fatum (2023), de Juan Galiñanes.
• As Neves (2024), de Sonia Méndez.

Televisión

• Pratos combinados (2000). TVG.
• Mareas vivas (2000). TVG.
• Galicia Exprés (2001). TVG.
• As leis de Celavella (2004). TVG.
• As viúvas do mar (2004). TVG. Telefilme.
• Rías Baixas (2005). TVG.
• Patajhorobí (2005). Telefilme.
• A vida por diante (2006-2007). TVG. Como Eusebio Barreiro.
• Os Atlánticos (2008-2009). TVG. Como Carlos.
• Libro de familia (2008). TVG.
• Matalobos (2009-2011). TVG. Como Diego Dourado.
• Conexão (2009). TVG e RTP. Miniserie. Como Toni Alberro.
• Gondar (2009). TVG. Como Daniel.
• De repente, los Gómez (2009). TVG. Como Román.
• Piratas (2011). Telecinco. Como Fosco.
• Bandolera (2013). Antena 3.
• Padre Casares (2013). TVG.
• Tierra de Lobos (2013). Telecinco.
• Maratón (2013). Telecinco. Telefilme. Como Hassán.
• Serramoura (2014-2020). TVG. Como Pancho.
• Los misterios de Laura (2014). La 1. Como Daniel Márquez.
• Amar es para siempre (2014). Antena 3. Como Jero.
• Casa Manola (2014). TVG. Como Eloi Cid.
• Águila Roja (2015). La 1.
• El ministerio del tiempo (2016). La 1. Como Portugués 1.
• O final do camiño (2017). La 1 e TVG. Como Tomás.
• Os fillos do sol (2017). TVG e TV3. Telefilme. Como Isidro Parga Pondal.
• Vivir sin permiso (2018-2020). Telecinco. Como Adolfo Monterroso.
• A lei de Santos (2020-2022). TVG. Como Pancho.
• Néboa (2020). La 1. Como Gonzalo.
• Desaparecidos (2020). Telecinco.
• Libertad (2021). Movistar+. Como Lagartijo.
• La noche más larga (2022). Netflix. Miniserie. Como Bastos.
• Un asunto privado (2022). Amazon Prime Video. Como Leopoldo Araújo.
• El pueblo (2023). Telecinco. Como Xoel.
• O Faro: O reencontro (2023). TVG. Como Carlos.
• El caso Asunta (2024). Netflix. Como Xuíz Quiroga.

Curtametraxes

• La Mercería (2000), de Ana Rivero.
• A Subela (2002), de Luis Avilés.
• O derradeiro grolo (2003), de Olaia Piñeiro.
• Septiembre (los amores jóvenes) (2004), de Ángel Santos.
• Lobos (2004), de Dani de la Torre.
• Mártires (2005), de Marcos Nine e Xosé Zapata.
• Boa viaxe (2005), de Carlos Alonso Veloso.
• Servizo a domicilio (2005), de Jorge Saavedra Mancebo.
• Cicatrices (2005), de Jairo Iglesias.
• La ola (2006), de Javier García.
• Bos días (2006), de Dani de la Torre.
• En teoría (2006), de Lídia Fraga.
• Houston (2008), de Jorge Saavedra Mancebo.
• Mr. Smith & Mrs. Wesson (2012), de Jorge Saavedra Mancebo.
• O que medra por dentro (2019), de Nacho Ozores.

Galardóns e nomeamentos

Premios Mestre Mateo

Ano	Categoría	Título	Resultado
2006	Mellor actor	A vida por diante	Nomeado
2007	Mellor actor secundario	A vida por diante	Nomeado
2009	Mellor actor secundario	Matalobos	Nomeado
2011	Mellor actor secundario	Matalobos	Nomeado

Premios María Casares

Ano	Categoría	Título	Resultado
2013	Mellor actor protagonista	Gaivotas subterráneas	Nomeado

Véxase tamén

Ligazóns externas

• Xavier Deibe en AVG de Culturagalega.org
• Axencia Audiovisual Galega
• Asociación de Actores de Galicia