As Neves (filme)
As Neves é un filme galego de 2024 escrito e dirixido por Sonia Méndez. É un drama rodado en lingua galega e protagonizado por Andrea Varela, David Rodríguez Fernández, Antía Mariño e Lucía Veiga, xunto aos debutantes Xacobe Bruña Alonso, Irene Rodríguez Vence, Diego Caro, Santi Carmena Rico, Jenny Soto Romarís e Adriana Fernández Pazó. Estreouse de forma mundial no Festival de Málaga o 6 de marzo de 2024, e nos cines españois o 10 de maio de 2024, con distribución de Sideral Cinema.
| As Neves | |
|---|---|
| Ficha técnica | |
| Título orixinal | As Neves |
| Director | Sonia Méndez |
| Produtor | Pedro Hernández Santos, Nati Juncal Portas |
| Guión | Sonia Méndez |
| Intérpretes | Andrea Varela David Rodríguez Fernánde Antía Mariño Lucía Veiga |
| Música | Anddy Bell |
| Fotografía | Lucía C. Pan |
| Montaxe | Juliana Montañés |
| Distribuidora | Sideral Cinema |
| Estrea | Festival de Málaga: 6 de marzo de 2024 10 de maio de 2024 |
| Duración | 83 minutos |
| Orixe | Galicia |
| Xénero | Drama |
| Recadación | 68.091,51 €[1] |
| Na rede | |
   | |
Sinopse
editarAs Neves é unha vila galega de montaña onde todos se coñecen. A noite de Entroido un grupo de adolescentes celebran unha festa e dróganse con cogomelos por primeira vez. Ao día seguinte espertan cun temporal de neve e a noticia de que Paula, unha das mozas da festa, desapareceu. Mentres, a vila queda incomunicada e cae Internet. Cada vez é máis urxente atopala. Iníciase unha investigación que causará un profundo cambio nas súas vidas e na súa relación co mundo.[2][3]
Personaxes
editar- Andrea Varela como Erea
- David Rodríguez Fernández como Manu
- Antía Mariño como Paula
- Xacobe Bruña Alonso como Diego
- Irene Rodríguez Vence como Sabela
- Diego Caro como Óscar
- Santi Carmena Rico como Breo
- Jenny Soto Romarís como Pomba
- Adriana Fernández Pazó como Bea
- Lucía Veiga como o Sarxento Portas
- Luísa Merelas como a avoa
- Xabier Deive como o pai
Produción
editarO 15 de decembro de 2022, anunciouse que a rodaxe da película As Neves, dirixida por Sonia Méndez na súa primeira longametraxe de ficción, comezaría na vila galega da Fonsagrada.[4] Para xaneiro de 2023, a película xa alcanzara a fase final da rodaxe.[5] O músico británico Andy Bell, anteriormente baixista de Oasis, compuxo a banda sonora para a película.[6]
Aínda que o orzamento total da cinta se descoñece, a longametraxe recibiu 302.892 euros procedentes das axudas xerais do ICAA, así como dous importes en axudas da Xunta de Galicia de 18.200 euros para a fase de desenvolvemento en 2019 e de 260.000 euros para a rodaxe en 2022.[7][8]
Lanzamento e promoción
editar
En febreiro de 2024, anunciouse que As Neves tería a súa estrea mundial no Festival de Málaga o 6 de marzo de 2024, e Sideral Cinema programou a súa estrea en cines para o 10 de maio de 2024.[9][10] O 18 de abril de 2024 foi lanzado o tráiler final da película.
Foi preestreada na Fonsagrada, o lugar onde se rodou, xunto coa Pontenova.[11]
Notas
editar- ↑ Catálogo ICAA (ed.). "Ficha da ICAA de As Neves". Consultado o 12 de setembro de 2024.
- ↑ "Tráiler de 'As Neves', el thriller adolescente gallego de Sonia Méndez" (en castelán). 2024-04-18. Consultado o 2024-05-11.
- ↑ "Crítica de 'As Neves', un crimen para conocer a los "centennials" galegos". Fotogramas (en castelán). 2024-05-10. Consultado o 2024-05-11.
- ↑ REDACCION (2022-12-15). "Comienza el rodaje de la película 'As Neves', ópera prima de Sonia Méndez". Panorama Audiovisual (en castelán). Consultado o 2024-05-11.
- ↑ Ramudo (2023-01-10). "Sonia Méndez ultima en A Fonsagrada la filmación de la película 'As Neves'". COPE (en castelán). Consultado o 2024-05-11.
- ↑ Mato, Mar (2024-03-07). "“As Neves”, la película gallega que cautivó al bajista de Oasis, se estrena en Málaga". Faro de Vigo (en castelán). Consultado o 2024-05-11.
- ↑ AV451, Redacción (2022-12-14). "Sonia Méndez rueda en Galicia su primer largo: ‘As neves’, producido por Aquí y Allí Films y Cósmica Producións". Audiovisual451 (en castelán). Consultado o 2024-05-11.
- ↑ "Sonia Méndez rueda en Galicia ‘As neves’". 2022-12-21. Consultado o 2024-05-2.
El departamento de Industrias Culturales de la Xunta financia con 260.000 euros la realización de este largometraje, al que ya había destinado 18.200 euros en el año 2019, al amparo de la línea de aportaciones para el desarrollo de este tipo de proyectos.
- ↑ Lugo, El Progreso de (2024-02-15). "Dos películas rodadas en Lugo, a Málaga". El Progreso de Lugo (en castelán). Consultado o 2024-05-11.
- ↑ Hoy, Málaga (2024-03-06). "'As neves', de Sonia Méndez: 'Twin Peaks' en Galicia y en galego". Málaga Hoy (en castelán). Consultado o 2024-05-11.
- ↑ "La película gallega As Neves se preestrena en A Fonsagrada (Lugo), lugar en el que se rodó". Quincemil (en castelán). 2024-05-02. Consultado o 2024-05-11.