Commonwealth de Nacións

A Commonwealth ou Commonwealth of Nations é o nome en inglés dunha asociación de territorios autónomos, mais dependentes do Reino Unido, creada en 1931 e formada actualmente por 54 estados, a maioría dos cales independentes pero incluíndo algúns que aínda manteñen lazos políticos coa antiga potencia colonial.

Commonwealth de Nacións
Logo
Tipoorganización intergobernamental e commonwealth
Data de fundación11 de decembro de 1931
Presidente/aCarlos III do Reino Unido (2022-) Editar o valor em Wikidata
Eventos/ActividadesDeclaração de Londres, Declaração Balfour de 1926 e Estatuto de Westminster
Organización subsidiariaCommonwealth Business Council, Commonwealth Secretariat, Commonwealth Foundation e Commonwealth War Graves Commission
SedeMarlborough House
51°30′18″N 0°08′09″O / 51.505, -0.135833
Na rede
https://thecommonwealth.org
Facebook: commonwealthsec Twitter: commonwealthsec Instagram: commonwealth_sec LinkedIn: 638037 Editar o valor em Wikidata
editar datos en Wikidata ]

Lista de países membros
organizados por continente
Data de
ingreso
África
Botswana 1966
Camerún 1995
Eswatini 1968
Gambia 1965
Ghana 1957
Kenya 1963
Lesoto 1966
Malawi 1964
Mauricio 1968
Mozambique 1995
Namibia 1990
Nixeria 1960
Seychelles 1976
Serra Leona 1961
Suráfrica 1931
Tanzania 1961
Uganda 1962
Zambia 1964
América
Antiga e Barbuda 1981
Bahamas 1973
Barbados 1966
Belize 1981
Canadá 1931
Dominica 1978
Granada 1974
Güiana 1966
Xamaica 1962
Santa Lucía 1979
Trinidad e Tobago 1962
Saint Kitts e Nevis 1983
San Vicente e as Granadinas 1979
Asia
Bangladesh 1972
Brunei 1984
India 1947
Malaisia 1957
Maldivas 1982
Paquistán 1947-1999
Singapur 1965
Sri Lanka 1948
Europa
Chipre 1961
Malta 1964
Reino Unido 1931
Oceanía
Australia 1931
Fidxi 1970
Kiribati 1979
Nauru 1999
Nova Zelandia 1931
Papúa Nova Guinea 1975
Illas Salomón 1978
Samoa 1970
Tonga 1970
Tuvalu 1978
Vanuatu 1980

Coa progresiva perda de poder da Gran Bretaña sobre as súas colonias a partir de mediados do século XIX, a poboación branca conseguiu a autonomía, primeiro coa concesión do estatuto de Dominio británico (Canadá, Australia, Nova Zelandia, Suráfrica e Terra Nova). O termo Commonwealth foi utilizado por vez primeira en 1917 como sinónimo de Imperio Británico para designar a asociación existente entre a Gran Bretaña e estes Dominios. Coa primeira guerra mundial e a aceleración da descomposición do imperio, os Dominios foron accedendo á súa independencia. O Imperio comezou a transformarse na British Commonwealth of Nations tras as conferencias imperiais de Londres de 1922 e 1926. Foi definida xuridicamente no Estatuto de Westminster (1931), que incluía a Gran Bretaña, os Dominios e os protectorados. O rei de Inglaterra seguía sendo o xefe de estado e o gobernador xeral representábao en cada país membro.

Marlborough House, Londres, a sede do Secretariado da Commonwealth.

O nome orixinal era British Commonwealth (Comunidade Británica) até 1946. Ao ano seguinte, os Comúns accederon a que todos os antigos territorios do Imperio formasen parte da Commonwelth. Así entraron a India, Sri Lanka e Paquistán. Porén, Irlanda e Myanmar abandonárona unha vez lograda a súa independencia.

Segundo as colonias ian accedendo á independencia, pasaban a formar parte da Commonwelth. Chipre, independizado en 1960, entrou no ano seguinte. Suráfrica foi expulsada en 1961 pola súa política de apartheid (ingresou de novo en 1994). Rodesia (hoxe Cimbabue) foi excluída ao proclamar unilateralmente a súa independencia. Paquistán abandonouna en 1972 coa secesión de Bangladesh (aínda que ingresou de novo en 1989). As illas Fidxi entraron en 1987.

A Rei Carlos III é actualmente o xefe titular da asociación. Esta fórmula foi inventada en 1950 cando a India se converteu en república e, aínda que non recoñecendo a Xurxo VI como xefe de estado, recoñecíao como o símbolo da asociación libre de nacións.

A Commonwealth ten historicamente por obxectivo promover a integración entre as ex-colonias do Reino Unido, concedendo beneficios e facilidades comerciais, mais agora os seus obxectivos inclúen a asistencia educativa aos seus países membros e a harmonización das súas políticas.

A maioría dos membros da Commonwealth son antigas colonias do Reino Unido, coa excepción notábel de Mozambique, antiga colonia portuguesa que accedeu a asociación en 1995, co apoio dos seus veciños, que eran antigas colonias británicas. (Cimbabue saíu da Commonwealth en 2004.)

Outros países, como Australia, continúan recoñecendo o monarca do Reino Unido como xefe de estado, representado por un gobernador e usan a palabra Commonwealth como título do seu estado.

Os 50 estados membros constitúen unha asociación que carece de goberno central, de institucións xurídicas e de organización administrativa. Ás súas Conferencias Xerais asisten os primeiros ministros e, desde 1965, conta cunha Secretaría Xeral asociada ao Foreign Office. Dentro da Commonwealth funciona un sistema de intercambio comercial denominado sistema de "preferencias", polo que as mercadorías procedentes dos estados membros gozan de privilexios de importación. Coa entrada do Reino Unido na CEE e na Unión Europea, estas preferencias deberon ser reformuladas. A convención de Lomé (1975) ratifica esta situación especial.

Mapa da Mancomunidade Británica de Nacións. Os países membros aparecen resaltados en azul.

Véxase tamén editar

Bibliografía editar

Outros artigos editar

Ligazóns externas editar