Carlos Blanco Vila

Para outras páxinas con títulos homónimos véxase: Carlos Blanco.

Carlos Blanco Vila, nado en Vilagarcía de Arousa o 2 de xaneiro de 1959, é un actor galego.

Carlos Blanco Vila

(2013)
Biografía
Nacemento	2 de xaneiro de 1959 (65 anos) Vilagarcía de Arousa, España
Datos persoais
País de nacionalidade	España
Altura	170 cm
Actividade
Ocupación	actor
Lingua	Lingua castelá
Premios (2005)  Premios Mestre Mateo, premiado polo traballo Heroína
Páxina web	carlosblancoaovivo.com

Traxectoria

Actor de teatro e presentador da Radio Galega, comezou a traballar na TVG como presentador do programa A Reoca en 1990 con Antonio Durán e colaborou noutros programas como Sitio Distinto ou Luar. Foi a personaxe de Ladislao Couto en Mareas vivas (onde tamén exercía como guionista) a que o deu a coñecer amplamente en Galicia.

A súa carreira cinematográfica comezou con Sei quen es (1999) e continuou con títulos entre os que destacan O lapis do carpinteiro (2003), Cargo (2006), Heroína (2005), Volver (2006), A praia dos afogados (2014) ou Dhogs (2017).

En 2005, tivo un papel regular na serie de Antena 3, Lobos, a cal non pasou da primeira tempada.

No 2006 presentou o programa da TVG Somos unha potenzia, o primeiro "late night" de Galicia.

Conta cunha longa carreira no mundo do monólogo, acadando grande éxito por toda Galicia e fóra dela. En 2003 foi finalista do Certame de Monólogos de El club de la comedia. En 2008 co-produciu con Abada a súa obra de teatro Humor neghro, coa que actuou por toda a comunidade co músico guineano Manecas Costa.

Dende o 2011 percorreu os escenarios xunto con Xosé Manuel Budiño cun espectáculo chamado iLalelo no que Budiño facía de DJ e Blanco de monologuista.

En 2018 interpretou a Laureano Oubiña en Fariña, a adaptación televisiva do libro homónimo de Nacho Carretero.

Cinematografía

• A Fiestra valdeira (1994) (Televisión), de Julio Lago.
• Sei quen es (2000), de Patricia Ferreira Mañas. Como Casal.
• O alquimista impaciente (2002), de Patricia Ferreira Mañas. Como Sobredo.
• O lapis do carpinteiro (2003), de Antón Reixa. Como Pintor.
• Secuestrados en Xeorxia (2003), de Gustavo Balza. Como Xornalista.
• Delta (2004), de Oriol Ferrer. Como Richard.
• Para que non me esquezas (2005), de Patricia Ferreira Mañas. Como Profesor.
• Heroína (2005), de Gerardo Herrero. Como Germán.
• Cargo (2006), de Clive Gordon. Como Sasha.
• Volver (2006), de Pedro Almodóvar. Como Emilio.
• Trastorno (2006), de Fernando Cámara.
• Ecos (2006), de Oriol Paulo. Como Rodrigo.
• Hotel Tívoli (2006), de Antón Reixa. Como Carlos II.
• Una mujer invisible (2007) de Gerardo Herrero. Como Jaime.
• O Apóstolo (2012) de Fernando Cortizo.
• La estrella (2013) de Alberto Aranda. Como Jonás.
• A praia dos afogados (2014).
• Dhogs (2017), de Andrés Goteira.

Curtametraxes

• Hipotálamo (2002), de Fran Estévez e Manuel Pena.
• Ernesto en 10 minutos (2005), de Carolina Castro.
• Temporada 92-93 (2007), de Alejandro Marzoa.
• Leo (2007), de Fernando Cortizo.
• Amistad (2010), de Alejandro Marzoa.
• Desayuno con diadema (2012), de Óscar Bernácer.
• Lola (2012), de Alfredo Pardo.
• Unhas clases do social a tempo (2012), de Pablo Cacheda.
• Mal de sangre (2013), de Pedro Díaz.
• Véndese (2014), de J.A. Blanco.

Televisión

Carlos Blanco nun monólogo en Moaña.

Como actor

Personaxes fixos

• Mareas vivas (1998). Como Ladislao Couto. TVG.
• Lobos (2005). Como Xuíz Muller. Antena 3.
• Códice (2014). Como xuíz Casal. TVG.
• Hospital Real (2015). Como padre Bernardo.
• Fariña (2018). Como Laureano Oubiña. Antena 3.
• La unidad (2020). Como Ramón. Movistar+.

Personaxes episódicos

• Pratos combinados (1995). TVG.
• A familia Pita (1996). TVG.
• Compañeros (1999). Como Manuel. Antena 3.
• Hospital Central (2003). Como Franco Siminiani. Telecinco.
• Código Fuego (2003). Antena 3.
• Una nueva vida (2003). Telecinco.
• Los Serrano (2006). Como Pai de Helena. Telecinco.
• El comisario (2007-2008). Como Santonja. Telecinco (varios episodios).
• Cuenta atrás (2008). Cuatro.
• Con el culo al aire (2013). Antena 3.
• Clases de lo social (2013). Como profesor. Webserie.
• Los misterios de Laura (2014). Como Hugo. La 1.
• La víctima número 8 (2018). Telemadrid e ETB 2.
• Antidisturbios (2020). Como sogro de Diego. Movistar+.

Como presentador

• Saber e xogar (1985-1987). TVG.
• A reoca (1990). TVG.
• Sitio distinto (1990). TVG.
• Luar (1992). TVG.
• A familia mudanza (1993). TVG.
• Selección galega (1995). TVG.
• Somos unha potenzia (2006). TVG.

Teatro

• The Days Before
• Diversas montaxes de Teatro do Aquí, Teatro do Noroeste ou do Centro Dramático Galego.
• Directamente Paco II
• A historia/histeria de Lili Brown
• Directamente Paco
• O País da comedia (2002)
• Dillei (2004)
• Humor neghro (2008)
• Africanízate (2009)
• Somos criminais (2018), con Touriñán.
• Unha noite na praia (2019), peza escrita e dirixida por Javier Veiga.

Premios e nomeamentos

En 2018 foille concedido o Premio Rebulir da Cultura Galega na modalidade de Artes Escénicas.

Premios María Casares

Ano	Categoría	Obra (compañía)	Resultado
1998	Mellor texto adaptado ou traducido	Nano (Teatro do Adro)	Gañador

Premios Mestre Mateo

Ano	Categoría	Película	Resultado
2007	Mellor interpretación masculina secundaria	Hotel Tívoli	Finalista
2007	Mellor comunicador de TV	O gran camiño	Nomeado
2005	Mellor interpretación masculina secundaria	Heroína	Gañador

Festival de Cine de Alacant

Ano	Categoría	Obra (compañía)	Resultado
2013	Mellor actor	Desayuno con diadema	Gañador

Familia

É o pai de Lois Blanco Araúxo, director de teatro, que ten dirixido a seu pai en varias ocasións. Carlos Blanco foi o sétimo de sete irmáns, entre eles o adestrador de baloncesto Alberto Blanco Vila.

Véxase tamén

Ligazóns externas

• Carlos Blanco en AVG