Dhogs
Dhogs é un filme independente galego en lingua galega[3] dirixido polo meirense Andrés Goteira que se estreou no ano 2017. Trátase do primeiro filme do director,[4] e está protagonizado por Carlos Blanco, Antonio Durán "Morris", Miguel de Lira, Melania Cruz, Iván Marcos e María Costas. Estreouse no Festival Internacional de Cine Independente de Buenos Aires (BAFICI) o 19 de abril de 2017, competindo dentro da sección Vangarda e Xénero deste certame.[5] Trátase do primeiro filme rodado en galego que se estrea no festival de Sitges,[6] o 9 de outubro de 2017.[7] A nivel galego a estrea levouse a cabo no marco do Festival de Cine Internacional de Ourense (OUFF) o 21 de outubro de 2017.[8] O primeiro pase para o público (fóra dun festival), previo á estrea en salas comerciais proxectada para o 17 de maio de 2018, foi no Auditorio Gustavo Freire de Lugo o 15 de marzo de 2018.[9][10]
| Dhogs | |
|---|---|
 Elenco de Dhogs xunto con Andrés Goteira na presentación do filme no OUFF. | |
| Ficha técnica | |
| Título orixinal | Dhogs |
| Director | Andrés Goteira |
| Produtor | Suso López |
| Guión | Andrés Goteira |
| Intérpretes | Melania Cruz Antonio Durán "Morris" Miguel de Lira Carlos Blanco Iván Marcos María Costas |
| Música | Óscar Trigo Germán Díaz |
| Fotografía | Lucía Catoira Pan[1] |
| Montaxe | Juan Galiñanes Andrés Goteira |
| Estudio | Gaitafilmes Pixelfilms |
| Estrea | Festival de Cine Independente de Buenos Aires |
| Duración | 85 minutos |
| Orixe |  Galicia |
| Xénero | Suspense |
| Orzamento | 120 000 € |
| Recadación | 25.791,40 €[2] |
| Na rede | |
    | |
Sinopse editar
O filme conecta seis historias paralelas que xiran arredor de diferentes personaxes: unha muller fermosa, un home cunha vida escura, un taxista e un vello ex-militar.
Produción editar
O filme contou con financiamento de AGADIC e da Deputación de Lugo, pero tamén se conseguiu parte do orzamento do filme a través da plataforma Verkami,[11] con máis de 400 mecenas. Rodouse en varias localizacións de Galicia, como Viveiro, As Pontes, Oleiros e A Coruña, así como no deserto de Tabernas, en Almería.
Galardóns e nomeamentos editar
Premios Mestre Mateo 2017 editar
Dhogs gañou trece premios, incluíndo mellor filme, mellor director, mellor guión, mellor actor, mellor actriz, mellor actor secundario e mellor actriz secundaria, converténdose no filme máis premiado da historia dos premios.[12] Estaba nomeado a 17 premios en 14 categorías.
| Categoría | Persoa | Resultado |
|---|---|---|
| Mellor longametraxe | Gañadora | |
| Mellor director | Andrés Goteira | Gañador |
| Mellor actor | Iván Marcos | Gañador |
| Mellor actriz | Melania Cruz | Gañadora |
| Mellor actor secundario | Antonio Durán "Morris" | Gañador |
| Mellor actor secundario | Carlos Blanco Vila | Nomeado |
| Mellor actor secundario | Miguel de Lira | Nomeado |
| Mellor actriz secundaria | María Costas | Gañadora |
| Mellor guión | Andrés Goteira | Gañador |
| Mellor dirección de produción | Suso López | Gañador |
| Mellor dirección artística | Noelia Vilaboa | Gañador |
| Mellor montaxe | Andrés Goteira e Juan Galiñanes | Gañador |
| Mellor música orixinal | Germán Díaz | Gañador |
| Mellor son | David Machado e Javier Pato | Gañadores |
| Mellor fotografía | Lucía Catoira Pan | Gañadora |
| Mellor maquillaxe e peiteado | Ana Coya | Nomeada |
| Mellor deseño de vestiario | María Porto | Nomeada |
Notas editar
- ↑ "Lucía Catoira Pan, directora de fotografía en 'Dhogs' de Andrés Goteira". CRTVG. Consultado o 8 de outubro de 2017.
- ↑ Catálogo ICAA (ed.). "Ficha da ICAA de Urxa". Consultado o 2 de novembro de 2019.
- ↑ "Estrea mundial en Buenos Aires da película 'Dhogs' de Andrés Goteira". Culturagalega.org (CCG). 3 de abril de 2017. Consultado o 8 de outubro de 2017.
- ↑ Rodríguez, J. C. (6 de abril de 2017). "La película 'Dhogs', del meirense Andrés Goteira, lista para su estreno". Cadena Ser. Arquivado dende o orixinal o 08 de outubro de 2017. Consultado o 8 de outubro de 2017.
- ↑ "La película “Dhogs”, de Andrés Goteira, se estrenará en el festival internacional de cine independiente de Buenos Aires (BAFICI)". El Blog de Cine Español. Consultado o 8 de outubro de 2017.
- ↑ Dopico, Montse (4 de agosto de 2017). "Andrés Goteira: "Dhogs pregunta se imos quedar, como sociedade, aí sentados sen facer nada"". Praza Pública. Consultado o 8 de outubro de 2017.
- ↑ "‘Dhogs’ estréase o 9 de outubro no Festival de Sitges". 5 de outubro de 2017. Consultado o 8 de outubro de 2017.
- ↑ "DHOGS | OUFF | Festival de Cine Internacional de Ourense". www.ouff.org. Arquivado dende o orixinal o 30-10-2017. Consultado o 29-10-2017.
- ↑ "'Dhogs', de Meira para o mundo". El Progreso. 16 de marzo de 2018.
- ↑ "El Auditorio Gustavo Freire acoge la proyección del filme Dhogs este jueves a las 21.00h en el marco del ciclo Lubicán del Campus Terra". USC. Arquivado dende o orixinal o 28 de maio de 2020. Consultado o 21 marzo 2018.
- ↑ "ANDRÉS GOTEIRA". Crea.gal. Arquivado dende o orixinal o 07 de outubro de 2018. Consultado o 8 de outubro de 2017.
- ↑ "A longametraxe Dhogs arrasa nos XVI Premios Mestre Mateo". Academia Galega do Audiovisual. Consultado o 4 de marzo de 2018.
Véxase tamén editar
Outros artigos editar
Ligazóns externas editar
- Páxina oficial (en galego)
- Dhogs na IMDb (en inglés).