Xaxán, Lalín

Para outras páxinas con títulos homónimos véxase: Xaxán.

Santa María da Saleta de Xaxán é unha parroquia que se localiza no concello de Lalín. Segundo o IGE en 2011 tiña 182 habitantes (98 mulleres e 84 homes), distribuídos en 3 entidades de poboación, o que supón unha diminución en relación ao ano 1999 cando tiña 187 habitantes.

Xaxán
Concello	Lalín
Provincia	Pontevedra
Coordenadas	42°40′33″N 8°06′43″O
Área	2 km²
Poboación	182 hab. (2011)
Densidade	91 hab./km²
Entidades de poboación	4
[ editar datos en Wikidata ]

Historia

A antiga parroquia de San Cristovo da Pena desapareceu na reforma parroquial de 1890 coa creación da parroquia de Santa María das Dores de Lalín. Erixiuse como nova cabeza da freguesía a aldea de Xaxán, edificouse un novo templo e déuselle un novo titular, Santa María da Saleta. O antigo patrón, San Cristovo, segue a ser festexado no novo templo (a igrexa). Na capela tamén hai outro patrón, San Bieito, cunha gran romaría.

Nesta parroquia naceu o alcalde de Lalín Xosé Crespo.

Patrimonio

O castro de Xaxán, tamén chamado da Pena ou de Barreira, é de pequenas dimensións. Ten unha planta circular que presenta as seguintes medidas: no eixo N-S mide 18 m no interior e uns 35 m no exterior. Se se inclúe o foxo, é de 46 m. No eixo O-L mide 22 m no interior e 42 m polo exterior. A altura máxima acadada é duns 1,5 m, no lado leste.

Galería de imaxes

• 
  Capela de San Bieito de Xaxán.
• 
  Local social de Xaxán.
• 
  Cruceiro de Xaxán.

Lugares e parroquias

Lugares de Xaxán

Lugares da parroquia de Xaxán no concello de Lalín (Pontevedra)
Carragoso de Arriba | A Pena | O Souto | Xaxán

Véxase tamén

Outros artigos

• Lugares de Lalín

Ligazóns externas

• Xaxán na web do concello de LalínArquivado 25 de abril de 2016 en Wayback Machine.