Cristimil, Lalín

Para outras páxinas con títulos homónimos véxase: Cristimil.

San Xurxo de Cristimil é unha parroquia que se localiza no concello de Lalín. Segundo o IGE en 2011 tiña 177 habitantes (91 homes e 86 mulleres), distribuídos en 7 entidades de poboación, o que supón unha diminución en relación ao ano 1999 cando tiña 192 habitantes.

Cristimil
Igrexa de San Xurxo de Cristimil.
Concello	Lalín
Provincia	Pontevedra
Coordenadas	42°39′47″N 8°10′46″O
Área	3,9 km²
Poboación	177 hab. (2011)
Densidade	45,38 hab./km²
Entidades de poboación	7
[ editar datos en Wikidata ]

No lugar de Sanxurdo fundouse a Banda de música de Sanxurdo. Ademais, nesta parroquia naceu o agrarista Ramón González Vigide.

Patrimonio

O castro de Cristimil está composto por un recinto de planta oval. Ten as seguintes dimensións: no eixo NO-SL mide 60 m (interior) e uns 95 m (exterior). O eixo N-S mide 75 m (interior) e 90 m (exterior); se se inclúe o foxo neste eixo, chega aos 115 m. O terraplén rodea todo o recinto pero non se conserva na zona oeste, mentres que na leste se aprecia nalgúns treitos. Ten un caída máxima duns 11 m cara ao norte. Conserva parapeto nas zonas nordés, leste, sur e arranque de sueste, acadando unha altura duns 9–10 m respecto da superficie da coroa. Un foxo rodea os sectores meridional e oriental do recinto, aínda que neste lado está moi modificado polo trazado da estrada PO-6004. Hai unha entrada recente -que corta o parapeto- polo suroeste que dá acceso ás leiras cultivadas no interior da coroa.

Xeografía

En Cristimil únese o río Asneiro ao Deza.

Galería de imaxes

• 
  Igrexa e cemiterio de Cristimil.
• 
  Fonte e lavadoiro en Cristimil.

Lugares e parroquias

Véxase tamén

Outros artigos

• Lugares de Lalín

Ligazóns externas

• Cristimil na web do concello de LalínArquivado 25 de abril de 2016 en Wayback Machine.