Filgueira, Lalín
Santa María de Filgueira é unha parroquia que se localiza no concello de Lalín. Segundo o INE en 2011 tiña 410 habitantes (223 mulleres e 187 homes), distribuídos en 10 entidades de poboación, o que supón unha diminución en relación ao ano 1999 cando tiña 455 habitantes.
| Filgueira | |
|---|---|
 Igrexa de Santa María de Filgueira. | |
| Concello | Lalín[1] |
| Provincia | Pontevedra |
| Coordenadas | 42°41′25″N 8°08′11″O / 42.6901876, -8.1365053 |
| Área | 8,4 km² |
| Poboación | 410 hab. (2011) |
| Densidade | 48,81 hab./km² |
| Entidades de poboación | 13[1] |
| [ editar datos en Wikidata ] | |
Nesta parroquia tivo a súa sede a Banda de música de Filgueira.
Toponimia
editarO fitónimo galego Filgueira (do latín FĬLĬCARIA, derivado de FĬLIX, -ĬCIS)[2][3] refírese a un lugar abondoso en fentos. A súa orixe dáse entre o século X e XIII.[4][5][6]
Historia
editarFoi unha doazón feita polo diácono Nuño ao Convento de San Paio de Antealtares (en Santiago de Compostela).
Patrimonio
editarO castro de Pena da Cunca, en Cima de Alle, ten un único recinto de forma oval. Presenta as seguintes dimensións: no eixo N-S mide 90 m (interior) e uns 100 m (exterior). No eixo L-O mide 75 m (interior) e uns 85 m (exterior). Presenta como única defensa un terraplén moi arrasado cunha altura de entre 1 m e 1,5 m. Na zona oeste, polo exterior do recinto, intúese unha depresión pequena pegada ao terraplén, que parecen ser os resto dun foxo cegado e modificado por recheos.[7]
A igrexa, situada no lugar de Filgueira, apenas garda recordos de vellos tempos, xa que está desvirtuada pola funcionalidade dos templos rurais ampliados nas dúas últimas centurias. A fachada posúe unha forte liña de cornixa da que sobresae o campanario de dobre arco coroado con pináculos.
No lugar de Cardexía está o pazo de Cardexía, unha casa grande fidalga que ten un balcón sobre columnas, unha poderosa cheminea e os escudos dos Taboada, Deza, Salgado e Gil. De planta rectangular e fábrica de cantería pequena, na fachada principal hai unha porta e ventás rectangulares e un balcón sobre tres columnas de pedra.
No lugar do Espiño permanecen aínda os restos dunha importante fábrica de curtidos que funcionou ata ben entrado o século XX. O lugar de Espiño conta tamén cunha capela de nova construción dedicada ao culto da virxe de Fátima.
Galería de imaxes
editar- Artigo principal: Galería de imaxes de Filgueira, Lalín.
Lugares e parroquias
editarLugares de Filgueira
editar| Lugares da parroquia de Filgueira no concello de Lalín (Pontevedra) | |
|---|---|
|
O Agriño | Cardexía | A Cima do Alle | A Ermida | O Espiño | Filgueira | O Fondo do Alle | Outeiro | O Porto do Alle | As Queimadas | Ribas Altas | A Senra | Vilar |
Parroquias de Lalín
editar
Notas
editar- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ Navaza Blanco, Gonzalo (2006). Fitotoponimia galega (PDF). A Coruña: Fundación Barrié. p. 260. ISBN 84-95892-53-7.
- ↑ Cabeza Quiles, F.: Os nomes de lugar, p. 203. Ed. Xerais, Vigo 1992.
- ↑ Landín Carrasco, A. (1995). Notas de toponimia gallega. Pontevedra: Museo de Pontevedra. T. XLIX. pp. 499–539.
- ↑ Cabeza Quiles, F. (1992). Os nomes de lugar. Topónimos de Galicia: a sua orixe e o seu significado. Vigo: Edicións Xerais de Galicia.
- ↑ Sánchez Pardo, JC.; Andrade Cernadas, JM (Dirección) (2008). "Territorio y poblamiento en Galicia entre la antigüedad y la plena Edad Media (Tese)". Universidade de Santiago de Compostela: 1051.
- ↑ Ficha arqueolóxica do castro de Filgueira Arquivado 29 de maio de 2020 en Wayback Machine..
Véxase tamén
editarOutros artigos
editarLigazóns externas
editar- Filgueira na web do concello de LalínArquivado 25 de abril de 2016 en Wayback Machine.