María Lado

escritora galega

María Lado Lariño, nada en Cee o 14 de abril de 1979,[1] é unha escritora e actriz galega.

María Lado
Nacemento14 de abril de 1979
Lugar de nacementoCee
NacionalidadeEspaña
Alma máterUniversidade de Santiago de Compostela
Ocupaciónescritora
XénerosPoesía
EstudosFiloloxía Galega
PremiosPremio de poesía Avelina Valladares
Na rede
AELG: 214
editar datos en Wikidata ]

Traxectoria editar

 
María Lado na obra de teatro Oeste solitario.
 
 
María Lado e Lucía Aldao no Liceo Mutante.

É titulada en Produción Audiovisual, e cursou estudos de Filoloxía Galega na Universidade de Santiago de Compostela. María Lado comezou a escribir no núcleo do Batallón Literario da Costa da Morte, onde publicou os seus primeiros textos en tres libros colectivos: Nós, Mar por medio e Rumbo ás illas. Ten participado en máis volumes colectivos e antoloxías poéticas, e colaborado tamén en prensa co xornal dixital Vieiros, coa revista Dorna e coa revista portuguesa Comentário, entre outras; así coma en diversas publicacións galegas e peninsulares. En 2005 xuntouse coa tamén poetisa Lucía Aldao [2] para darlle forma ao espectáculo poético denominado Onde estea un cubata que se quite un soneto. O 10 de abril de 2015 participou na primeira edición do ciclo O Alfabeto Híbrido (celebrado na sede da Fundación Luis Seoane, na Coruña), xunto á Lucía Aldao co seu proxecto poético-humorístico-musical chamado Aldaolado, contando coa actuación previa de Santiago Auserón (Juan Perro)[3][4].

Traduciu ó galego varios libros de literatura infantil publicados por Edicións do Cumio, editorial na que traballou durante cinco anos.

Ademais de poeta, María Lado é narradora. Varios dos seus relatos pódense atopar en revistas e colaboracións. Colabora no disco Finais dos 70s, comezos dos 80s, de Fanny + Alexander, recitando o poema Berlín, da súa creación.

Tamén se dedica ao teatro e realiza traballos profesionais como actriz. No 2012 participou na obra Oeste solitario de Martin McDonagh.

En 2019 colabora na publicación dixital Vinte con Lucía Aldao e Iria Pinheiro na sección Ti fai o que eu che diga.[5]

Obra en galego editar

Poesía editar

Con Lucía Aldao (Aldaolado):

Literatura infanto-xuvenil editar

  • Porque Cuqui non quere ir á lavadora. Conto moi importante para lerlles aos maiores antes de durmir (Apiario, 2014).
  • Rosalía de Castro (Urco Editora, 2016).

Narrativa editar

  • Entre os dous hai un río - Calvario/Lavadores (Editorial Elvira, 2016).

Traducións editar

  • Cando escoito o teu corazón, de Tere Puig (Edicións do Cumio, 2008).
  • Historia dun compás, de Mónica Gozalbo Felip (Edicións do Cumio, 2008).
  • Quen son eu?, de Tere Puig (Edicións do Cumio, 2008).
  • Soñei que era unha árbore, de Tere Puig (Edicións do Cumio, 2008).
  • Tan grandes, tan pequenos, de Tere Puig (Edicións do Cumio, 2008).
  • Un descenso ao Maelström. Sombra, de Edgar Allan Poe (Edicións do Cumio, 2009). Con Susana Rodríguez Barcia.
  • Alicia no País das Marabillas, de Lewis Carroll (Edicións do Cumio, 2010).
  • De acuarelas por Santiago, de Eduardo Baamonde (Edicións do Cumio, 2010).

Obras colectivas editar

Premios editar

Notas editar

  1. "María Lado". www.aelg.gal. Consultado o 28 de febreiro 2019. 
  2. "María Lado y Lucía Aldao inauguran mañana el ciclo de poesía En femenino" (en castelán). Una pieza híbrida y poco convencional en la que se mezcla la poesía desenfada, la música y el performance 
  3. La Voz de Galicia, de 31-3-2015.
  4. La Opinión, de 11-4-2015.
  5. "Ti fai o que che diga". Vinte. Consultado o 15 de febreiro de 2019. 
  6. "Berlín" (PDF). Arquivado dende o orixinal (PDF) o 20 de novembro de 2008. Consultado o 19 de novembro de 2007. 
  7. Vázquez Porto, Lorena (xaneiro, febreiro, marzo 2021). "Imaxe e desexo". Grial. Revista galega de cultura LIX (229): 91–92. ISSN 0017-4181. 
  8. "Caramomia - Editorial Xerais". www.xerais.gal. Consultado o 2023-11-08. 

Véxase tamén editar

Ligazóns externas editar