Martin McDonagh
Martin McDonagh, nado en Camberwell (Londres) o 26 de marzo de 1970, é un dramaturgo e realizador anglo-irlandés, coñecido polas súas pezas teatrais de gran brutalidade e estilo cinematográfico. Considérase que cultiva unha vertente extrema do teatro da crueldade, coñecida como In-yer-face, que destaca o aspecto violento e grotesco das obras para captar a atención do público, e que tivo como predecesor o xénero do monicreque.
 (2011)  | |
| Biografía | |
|---|---|
| Nacemento | 26 de marzo de 1970 (54 anos) Londres (Reino Unido) |
| Datos persoais | |
| País de nacionalidade | Irlanda Reino Unido |
| Educación | Sacred Heart Catholic School (en)  Salesian College (en) |
| Actividade | |
| Ocupación | director teatral , director de cinema , escritor , guionista , dramaturgo , realizador |
| Período de actividade | 1996 - |
| Lingua | Lingua inglesa |
| Familia | |
| Irmáns | John Michael McDonagh (pt) |
Premios
| |
    | |
Traxectoria editar
Naceu en Inglaterra, fillo de pais irlandeses. Con 16 anos os pais regresaron a Irlanda, véndose obrigado a deixar os estudos e poñerse a traballar en Londres xunto ao seu irmán máis vello, o guionista John McDonagh. Subsistiu con pequenos traballos e axudas sociais. Pasaba os veráns cos seus pais en Galway.
Desde novo escribiu obras para a radio e a televisión, porén, non lle foron aceptadas.[Cómpre referencia] Entre 1994 e 1995 comezou co teatro. Nas vacacións en Irlanda familiarizouse co dialecto local, que usou en moitas das súas obras para ironizar e salientar o aspecto da vida rural irlandesa e a súa particular poesía.
Obra editar
En 1996 acadou o premio do Círculo da Crítica Teatral británica ao dramaturgo máis prometedor do ano coa súa primeira obra, A raíña da beleza de Leenane (The Beauty Queen of Leenane)[1], que en 1998 foi nomeada ao Premio Tony á mellor obra. Esta obra inicia unha triloxía de obras ambientadas no Condado de Galway, co que gañou o favor do público e da crítica. O ciclo, The Leenane Trilogy, complétase con Un cranio furado (A Skull in Connemara) e Oeste solitario (The Lonesome West), as dúas de 1997. As tres obras foron coproducidas polo Royal Court Theatre de Londres e o Druid Company Theatre de Galway.
A súa segunda triloxía irlandesa é The Aran Islands Trilogy, ambientada nunhas pequenas illas fronte á costa de Galway. Está composta por O tolleito de Inishmaan (The Cripple of Inishmaan, 1997), The Lieutenant of Inishmore (2001) e The Banshees of Inisheer, sen editar ao non considerala o autor suficientemente boa[Cómpre referencia] a que foi adaptada en 2022 como película nomeada a 9 Oscar. The Cripple of Inishmaan foi estreada no Royal National Theatre (Cottesloe) de Londres. The Lieutenant of Inishmore, estreada en Londres pola Royal Shakespeare Company, é unha comedia negra sobre un terrorista expulsado do IRA pola súa brutalidade, que de volta á súa aldea toma unha sanguenta represalia contra dos que asasinaron o seu gato.
A súa obra máis coñecida é The Pillowman (2003), a súa primeira obra "non irlandesa". Foi escrita cando McDonagh era dramaturgo residente do Royal National Theatre, onde foi estreada. O actor Jeff Goldblum foi un dos protagonistas da montaxe estreada no Booth Theater de Broadway, en 2005. Trata dun escritor detido pola policía nun estado totalitario debido a que os seus contos se relacionan con asasinatos de nenos. Carentes de probas contundentes, os interrogadores pretenden executalo extraxudicialmente. Os contos (algúns deles postos en escena) sorprenden polos atroces maltratos e asasinatos infrinxidos a nenos. No 2004 a obra recibiu o Premio Laurence Olivier e o Premio do Círculo da Crítica de Nova York á mellor obra estranxeira, e o Premio Tony 2005 ao mellor texto teatral.
Na tempada 2009-10 estreouse a súa seguinte obra, A Behanding in Spokane.
Cine editar
En 2005 iniciouse no cinema coa curtametraxe Six shooter. Fala dun home que viaxa en tren cara á súa casa unhas horas horas despois da morte da súa esposa, e que se encontra no vagón cun mozo estraño que resulta ser un psicópata. O filme obtivo o Oscar á mellor curtametraxe en 2006.
En xaneiro de 2009 presentouse a súa primeira longametraxe, In Bruges, que abriu o Festival de Sundance. Está protagonizado por Ralph Fiennes, Colin Farrell e Brendan Gleeson. En 2009 gañou o premio BAFTA (British Academy Film Awards) ao mellor guión e foi nomeada ao Oscar ao mellor guión orixinal. Colin Farrell logrou o Globo de Ouro ao mellor actor de comedia. En 2022 dirixiu de novo a Colin Farrell, xunto a Brendan Gleeson en The Banshees of Inisherin.[2]
Traducións editar
A súa obra foi traducida a 40 linguas e estreada en diversos países[3]. En galego estreáronse A raíña da beleza de Leenane (dirixida por Xúlio Lago), Un cranio furado e Oeste solitario (dirixidas por Quico Cadaval), e mais O tolleito de Inishmaan (dirixida por Cándido Pazó).
Notas editar
- ↑ Artigo Arquivado 07 de decembro de 2010 en Wayback Machine. en www.criticscircle.org (en inglés).
- ↑ "Os Banshees de Inisherin". www.disneyplus.com; Disney+ (en portugués). Consultado o 2023-03-26.
- ↑ Fricker, Karen. (nov. 2014).“The Simple Question of Ireland”: La Reine de beauté de Leenane in Montreal. 'Theatre Research in Canada / Recherches théâtrales au Canada' ISSN 1913-9101.Consultado o 12 de abril de 2019.
Véxase tamén editar
Wikimedia Commons ten máis contidos multimedia na categoría: Martin McDonagh  |
Ligazóns externas editar
- Web de Martin McDonagh (en inglés)
- Serra Porteiro, Elisa (2012) Is Irishness part of the joke?: Martin McDonagh’s drama on the Galician stage The Boolean, pp.94-97