Lourizán, Pontevedra
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2015.) |
Santo André de Lourizán é unha parroquia do concello de Pontevedra. En 2014 tiña 3.151 habitantes (1.534 homes e 1.617 mulleres), repartidos en 16 entidades de poboación.
| Lourizán | |
|---|---|
 | |
| Concello | Pontevedra[1] |
| Provincia | Pontevedra |
| Coordenadas | 42°23′28″N 8°40′03″O / 42.3909882, -8.6673946Coordenadas: 42°23′28″N 8°40′03″O / 42.3909882, -8.6673946 |
| Poboación | 3.151 hab. (2014) |
| Entidades de poboación | 17[1] |
| [ editar datos en Wikidata ] | |
Linda ao norte con Salcedo e a ría de Pontevedra, ao sur con Salcedo e San Xián de Marín, ao leste outra volta con Salcedo e ao oeste con San Xián de Marín e a ría. A altura máxima é de 100 m. A costa é recortada e os accidentes costeiros máis salientábeis son as puntas da Laxe da Rache e Cabo de Praceres e as praias de Lourizán e Praíña. Lourizán dista catro quilómetros da capital do concello, coa que se comunica por medio da autovía PO-11 e a estrada PO-546.
PatrimonioEditar
Atopáronse dúas aras romanas adicadas ao deus Vestio Alonieco, e un relevo recollido no muro do recinto da igrexa cunha figura antropomorfa.[2]
O pazo de Lourizán foi construído como lugar da veraneo da familia Montero Ríos, e no seu recinto construíuse un centro de investigacións forestais. Tamén destacan a igrexa da Nosa Señora dos Praceres (deseñada a finais do século XIX por Domingo Sesmero) e inaugurada en 1888 e a capela de Santo André.
Nesta parroquia sitúase o complexo Ence, formado pola maior planta produtora de pasta de papel da empresa Ence[Cómpre referencia], (e da desaparecida planta electroquímica de Elnosa construída en 1957), altamente contaminante[Cómpre referencia] e condenada en reiteradas ocasións por delitos medioambientais[Cómpre referencia]. Malia que por lei debe abandonar eses terreos, propiedade do estado[Cómpre referencia][3], no ano 2018, a Asociación Pola Defensa da Ría procura a súa marcha canto antes, pola mellora do medio ambiente.[Cómpre referencia]
A festa patronal celébrase o día 30 de novembro (Santo André). Tamén se celebra a Nosa Señora dos Praceres, normalmente no mes de maio.
Galería de imaxesEditar
Edificio
Factoría de Ence
Vella casa reitoral.
Lugares e parroquiasEditar
Lugares de LourizánEditar
| Lugares da parroquia de Lourizán no concello de Pontevedra | |
|---|---|
|
Agrovello | O Cabo | A Camboa | A Carballeira | Caritel | Os Cunchidos | Estribela | A Igrexa | A Meán | As Nogueiras | O Outeiro | Pexegueiro | Os Praceres | O Regueiriño | O Rial | Rorís | O Rozo |
Parroquias de PontevedraEditar
Documentais sobre LourizánEditar
NotasEditar
- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ André Pena Graña. "A culltura castrexa inexistente. Constituicao política celta das galaicas trebas e toudos. Etno-arqueoloxía institucional" (PDF). Arquivado dende o orixinal (PDF) o 29 de xullo de 2021. Consultado o 25 de febreiro de 2015.
- ↑ "El contestado cierre de Ence Huelva, espejo para el futuro de Pontevedra". La Voz de Galicia.
- ↑ Cultura Galega (ed.). "Documentar as voces caladas (II)". Consultado o 15 de marzo de 2018.