San Xosé, Pontevedra

Para outras páxinas con títulos homónimos véxase: Campolongo.

San Xosé é unha parroquia do concello de Pontevedra. Consta de tres lugares: Mollavao, A Ruibal e San Brais.

San Xosé
Escultura á liberdade.
Concello	Pontevedra
Provincia	Pontevedra
Coordenadas	42°25′37″N 8°38′37″O
Entidades de poboación	3
[ editar datos en Wikidata ]

Atópase no sur-suroeste do casco urbano de Pontevedra. Está limitado ao norte pola avenida de Augusto García Sánchez e polo río dos Gafos. Ao sur pola autovía PO-10. Ao leste pola rúa do Alcalde Hevia. E ao oeste pola Avenida de Marín.

Historia

O pazo de Campolongo, situado onde hoxe se atopa a rúa Iglesias Vilarelle, trasladouse á Casa de Campo de Madrid a mediados do século XX. Nos terreos do conde de Leis creouse un campo de fútbol, mais en 1918 construíuse o cuartel de artillaría de Campolongo, desmantelado a comezos do século XXI para construír o complexo administrativo de Campolongo, que alberga a delegación da Xunta de Galicia, a Axencia Tributaria e varios edificios residenciais.

Ata a década de 1950 o barrio albergaba a estación de ferrocarril da cidade onde hoxe está a praza de Galicia. Ó mudarse esta, e coa construción do complexo militar de Pontevedra neste barrio, impulsouse a construción do Polígono de Campolongo cun parque central, a igrexa de San Xosé e o CEIP Campolongo. Hoxe, o sur da parroquia está ocupada por urbanizacións de vivendas unifamiliares.

O barrio de San Brais, cunha capela dedicada a este santo, foi e segue sendo unha aldea grande. A capela do mesmo nome foi construída cara aos séculos XVIII-XIX. Nos anos 90, San Brais cambiou de aspecto mercé á urbanización de chalés na súa parte baixa, e á construción dun hipermercado na parte alta.

Mollavao era o barrio mariñeiro da parroquia, á beira dos ríos Lérez e Gafos. A partir dos anos 50 a súa fachada marítima mudou coa construción da autovía Marín-Pontevedra pola costa. Cara á década de 1970 as casas mariñeiras demoléronse, e construíronse altos edificios. Na década de 1980 o barrio viuse partido pola construción da AP-9.

Galería de imaxes

• 
  Avenida de Augusto García Sánchez.
• 
  Edificio administrativo da Xunta de Galicia.
• 
  Igrexa parroquial.
• 
  Graffiti en Campolongo.
• 
  Graffiti en homenaxe a Xoán Manuel Pintos.
• 
  Escultura en homenaxe á Constitución Española de 1978.

Lugares e parroquias

Lugares de San Xosé

Lugares da parroquia de San Xosé no concello de Pontevedra
Mollavao | A Ruibal | San Brais

Véxase tamén

Outros artigos

• Lugares de Pontevedra