A Canicouva, Pontevedra
Santo Estevo da Canicouva é unha parroquia situada no sueste do concello de Pontevedra. Segundo o IGE no 2019 tiña 242 habitantes (129 mulleres e 113 homes), distribuídos en 3 entidades de poboación,[2] o que supón unha diminución en relación ao ano 1999 cando tiña 306 habitantes.
| Santo Estevo da Canicouva | |
|---|---|
 | |
| Concello | Pontevedra[1] |
| Provincia | Pontevedra |
| Coordenadas | 42°22′18″N 8°36′50″O / 42.371666666667, -8.6138888888889 |
| Área | 4,38 km² |
| Poboación | 242 hab. (2019) |
| Densidade | 55,25 hab./km² |
| Entidades de poboación | 3[1] |
| [ editar datos en Wikidata ] | |
Xeografía e comunicacións
editarA parroquia sitúase na zona sur do concello de Pontevedra, limitando ao norte con Tomeza e Marcón, ao sur e ao leste con Ponte Sampaio, ao leste con Xustáns (Ponte Caldelas) e ao oeste con Bértola, Figueirido e Vilaboa (Vilaboa). Pertence ao concello de Pontevedra desde 1960, pois antes formaba parte do entón anexionado concello de Ponte Sampaio xunto con esta parroquia, e que fora creado en 1833.
Dista 10 km da capital municipal, mentres que resulta máis próximo a núcleos como O Toural (Vilaboa) ou Arcade (Soutomaior), situados a 6 e 4 quilómetros, respectivamente. A principal vía de comunicación é a estrada provincial EP-0001. Por esta parroquia discorre o Camiño Portugués.
Demografía
editarSegundo o nomenclátor do Instituto Galego de Estatística para o ano 2019, a parroquia tiña 242 habitantes (129 mulleres e 113 homes), distribuídos en 3 núcleos de poboación. Isto supón unha diminución dun 12,9% respecto a 2009, e dun 20,9% respecto ao ano 1999.
Patrimonio
editarNo outeiro das Forcadas hai un miradoiro desde o que se aprecia a ría de Vigo e o val de Soutomaior, formado polo río Verdugo.
No lugar do Coto das Saleiras está a Rocha dos Franceses. Segundo a lenda, debaixo dela xacen os soldados mortos na Batalla de Ponte Sampaio durante a Guerra da Independencia Española.
As festas patronais celébrase o día 26 de decembro (santo Estevo).
Lugares e parroquias
editarLugares da Canicouva
editar| Lugares da parroquia da Canicouva no concello de Pontevedra | |
|---|---|
Parroquias de Pontevedra
editarNotas
editar- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ Instituto Nacional de Estadística (ed.). "Nomenclátor: Población del Padrón Continuo por Unidad Poblacional para A Canicouva" (en castelán). Arquivado dende o orixinal o 13 de xaneiro de 2014. Consultado o 14 de xaneiro de 2014.