Administración de xustiza galega

A Administración de xustiza galega é o conxunto de organismos de xustiza localizados en Galicia, dependente da administración de xustiza estatal. Está estruturada en 5 tribunais e 227 xulgados, onde traballan 321 xuíces e maxistrados. A proporción é, pois, de once xuíces profesionais por cada cen mil habitantes.

Este ámbito comprende, ademais, 4 fiscalías provinciais, integradas por 124 membros do Ministerio Fiscal.

Apoian a actividade xurisdicional dos xuíces e das fiscalías, as unidades da oficina xudicial (180 secretarios xudiciais e 2 256 funcionarios^{[Cómpre referencia]}), o Instituto de Medicina Legal (53 médicos forenses), así como persoal laboral facultativo ou técnico (psicólogos, lingüistas, traballadores sociais, educadores sociais, peritos, tradutores, auxiliares de autopsias) e persoal de servizos.

O Tribunal Superior de Xustiza de Galicia culmina a estrutura desta organización, no segundo nivel sitúanse as audiencias provinciais e na base os xulgados.

Xulgados galegos

A planta xudicial galega (234) está distribuída do seguinte xeito:

Sede das Seccións da Audiencia en Vigo.

• Xulgados de primeira instancia (52): 12 xulgados na cidade da Coruña (dous dos cales son xulgados de familia),13 en Vigo (dous son de familia), 6 en Santiago de Compostela (un é de familia) e 6 en Ourense (un é de familia), 5 en Pontevedra,Lugo e Ferrol.
• Xulgados do mercantil (5): 2 na Coruña e 3 en Pontevedra (un con sede en Vigo).
• Xulgados de instrución (31): 8 na cidade da Coruña, 8 en Vigo, 3 en Santiago de Compostela, Lugo, Ourense, Pontevedra e Ferrol.
• Xulgados do penal (21): 6 na cidade da Coruña, 4 en Pontevedra, 3 en Vigo, 2 en Santiago de Compostela, Lugo, Ourense e Ferrol.
• Xulgados de menores (4): 1 en cada capital de provincia.
• Xulgados de violencia contra a muller (2): 1 na Coruña e Vigo.
• Xulgados do social (26): 5 na Coruña, 5 en Vigo, 4 en Ourense e Pontevedra, 3 en Lugo e Santiago e 2 en Ferrol.
• Xulgados do contencioso administrativo (16): 4 na Coruña, 3 en Pontevedra, 2 en Santiago de Compostela, Lugo, Ourense e Vigo e 1 en Ferrol.
• Xulgados de vixilancia penitenciaria (2): 1 na Coruña e 1 en Pontevedra.
• Xulgados de primeira instancia e instrución (74): 4 en Cambados e Betanzos, 3 en Cangas, Carballo, O Porriño, Ponteareas, Ribeira, Tui e Vilagarcía de Arousa, 2 no Barco de Valdeorras, Caldas de Reis, O Carballiño, Corcubión,A Estrada, Lalín, Marín, Mondoñedo, Monforte de Lemos, Noia, Ordes, Padrón, Redondela, Verín, Vilalba e Viveiro e 1 en Arzúa, Bande, Becerreá, Chantada, Celanova, A Fonsagrada, Muros, Negreira, Ortigueira, A Pobra de Trives, Ribadavia, Sarria e Xinzo de Limia.

Xulgados de paz

Os xulgados de paz galegos son 270, constituídos nas capitais dos concellos que non son cabeceira de partido xudicial.