Tony Marsh
Anthony Ernest "Tony" Marsh, nado en Stourbridge o 20 de xullo de 1931 e finado en Petersfield o 7 de maio de 2009, foi un piloto británico inglés. A súa andaina na Fórmula Un foi curta e sen éxito, pero gozou de grande éxito nas subidas, gañando o British Hill Climb Championship nun récord de seis ocasións.
| Biografía | |
|---|---|
| Nacemento | 20 de xullo de 1931  Stourbridge, Reino Unido |
| Morte | 7 de maio de 2009 (77 anos) Petersfield, Reino Unido (pt)  |
| Datos persoais | |
| País de nacionalidade | Reino Unido |
| Actividade | |
| Ocupación | piloto de Fórmula Un |
| Lingua | Lingua inglesa |
| Deporte | automobilismo |
| Participou en | |
| 24 Horas de Le Mans |
|
| A Galipedia ten un portal sobre: Fórmula 1 |
Traxectoria editar
Comezando a súa carreira nas subidas en 1953 cun Cooper - JAP anteriormente pilotado por Peter Collins,[1] gañou tres campionatos consecutivos no automóbil de 1955 a 1957. Na década de 1960 pilotou un ex-BRM de Fórmula Un por un tempo antes de construír o seu propio coche Marsh. Inspirado polo Ferguson P99 de Peter Westbury, Marsh ideou unha transmisión infrecuente que utilizaba tracción nas catro rodas mentres aceleraba, pero só con tracción traseira nas curvas.[1]
"Unha vez máis, Tony Marsh coroouse en 1965 como" King of the Hills" (Rei dos outeiros, Rei das subidas) logrando a Mellor Crono do Día en oito dos nove primeiros campionatos nos que participou e estableceu novos récords de carreira no Shelsley Walsh, Bouley Bay e Longleat.[2]
Logo de gañar outro hat-trick de campionatos entre 1965 e 1967, Marsh vendeu o seu coche e abandonou o motor para concentrarse nos seus intereses de enxeñería e agricultura, pero en 1986 volveu ao volante do Rovercraft baseado no March. En 1993, o seu acompañante Simon Law morreu no coche durante o Brighton Speed Trials, unha traxedia que afectou considerablemente a Marsh.[1] Regresou co ex Toleman TG191 Cosworth DFL de David Render, logrando o título Gurston Top Six ese mesmo ano, con 62 anos.[3] Continuou a competir en subidas de montaña ata os setenta anos, pilotando ata 2008.[4]
Marsh competiu nas carreiras de circuíto nos seus primeiros anos, pilotando en catro Grandes Premios, sendo o último o Gran Premio de Alemaña de 1961 no que pilotou o Lotus 18 tamén fixo a tempada de subidas.[1] Tamén participou nas 24 Horas de Le Mans de 1960, compartindo un Lotus Elite con John Wagstaff.[1]
En 2007 Parley Books publicou a súa autobiografía: Tony Marsh: The great all-rounder: In and out of motorsport.[5]
Marsh naceu en Stourbridge, morreu aos 77 anos de idade en maio de 2009 logo de ingresar no hospital con complicacións respiratorias.[6]
Resultados completos na Fórmula Un editar
(Chave) As carreiras en letra grosa indican pole position; as carreiras en cursiva indican volta rápida.
| Ano | Equipo | Chasis | Motor | 1 | 2 | 3 | 4 | 5 | 6 | 7 | 8 | 9 | 10 | 11 | Pos. | Puntos |
|---|---|---|---|---|---|---|---|---|---|---|---|---|---|---|---|---|
| 1957 | Ridgeway Managements | Cooper T43 F2 | Climax 4 en liña | ARX | MON | 500 | FRA | GBR | ALE 15 |
PES | ITA | NC | 0 | |||
| 1958 | Tony Marsh | Cooper T45 F2 | Climax 4 en liña | ARX | MON | NED | 500 | BEL | FRA | GBR | ALE 8 |
POR | ITA | MOR | NC | 0 |
| 1961 | Tony Marsh | Lotus 18 | Climax 4 en liña | MON | NED | BEL NTS |
FRA | GBR Ret |
ALE 15 |
ITA | USA | NC | 0 | |||
Fonte:[7]
| ||||||||||||||||
Notas editar
- ↑ 1,0 1,1 1,2 1,3 1,4 Obituary (14 de maio de 2009). Autosport, 88.
- ↑ Racing Car Show 1966, Official Catalogue and Guide, Page 11.
- ↑ Motoring News, 24 de novembro de 1993, Page 28.
- ↑ "Tony Marsh". Top 12 Runoff. Consultado o 8 de maio de 2009.[Ligazón morta]
- ↑ Amazon.co.uk listing
- ↑ "Notice of Death - Tony Marsh". British Racing Drivers' Club. Arquivado dende o orixinal o 12 de maio de 2009. Consultado o 8 de maio de 2009.
- ↑ Small, Steve (1994). The Guinness Complete Grand Prix Who's Who. Guinness. p. 246. ISBN 0851127029.
Véxase tamén editar
| Wikimedia Commons ten máis contidos multimedia na categoría: Tony Marsh |
Ligazóns externas editar
- Tony Marsh - Daily Telegraph obituary