Abrir o menú principal
Peter Westbury
Peter Westbury 1970 Nürburgring.JPG
Peter Westbury en 1970
Carreira na Fórmula 1
Nacionalidade Reino Unido Reino Unido
Anos en activo 2 (19691970)
Escudería(s) Brabham non oficial, BRM
Grandes Premios disputados 2 (1 Saída)
Campionatos 0
Vitorias 0
Podios 0
Pole positions 0
Voltas rápidas 0
Primeiro GP Gran Premio de Alemaña de 1969
Derradeiro GP Gran Premio dos Estados Unidos de 1970


Peter Westbury, nado en Londres o 26 de maio de 1938 e finado en Scarborough o 7 de decembro de 2015[1], foi un piloto de automobilismo inglés. Participou en dous Grandes Premios do Campionato Mundial de Fórmula Un e non conseguiu puntos de campionato. En 1969 pilotou un Brabham - Cosworth de Fórmula 2, pilotando no seu primeiro Gran Premio no Gran Premio de Alemaña de 1969. Terminou noveno na xeral, e quinto na clase F2. Ao ano seguinte, non conseguiu cualificar no Gran Premio dos Estados Unidos de 1970 pilotando un BRM oficial,[2] despois dun fallo do motor.

TraxectoriaEditar

No inicio da súa andaina nas carreiras, participou nun coche especial de fabricación caseira chamado M.G.W., debutou nun Cooper - Climax en 1960, que máis tarde equipouse cun motor Daimler V8.[3] Westbury gañou o British Hill Climb Championship dúas veces, en 1963 e 1964. En 1963 pilotou o auto-construído Felday, con motor de 2.5 litros Daimler V8 superalimentado. O ano seguinte, gañou nun Ferguson P99 con motor Climax de de 2.5 litros con catro rodas motrices, en préstamo de Ferguson Research Ltd. Westbury tamén pilotou o Ferguson P99 no Brighton Speed Trials de 1964 e no First International Drag Festival, unha serie de seis eventos realizados en Inglaterra ese mesmo ano, onde o coche cubriu o cuarto de milla inicial (402 metros) en 11,01 segundos.[4] Tamén pilotou un coche deportivo, o Lotus 23-BRM no Drag Festival.[5]

Durante 1965 Westbury desenvolveu o coche deportivo Felday-BRM 4 con tracción ás catro rodas. O coche gañou no seu debut en Brands Hatch o día Boxing Day, o 26 de decembro de 1965, pilotado por Mac Daghorn.[6] En Mallory Park, o 13 de marzo de 1966, Peter Westbury e Mac Daghorn compartiron o coche, gañando unha carreira cada un.[7] Jim Clark correu co Felday 4 no Guards Trophy en Brands Hatch o 29 de agosto de 1966.[8] O coche deportivo Felday 5 estaba equipado cun motor Ford Galaxie de 7 litros e tracción ás catro rodas,[9] pero só correu brevemente. O Felday 6 foi un monopraza para subidas de 4.7 litros con base Ford, con tracción traseira, construído para Tony Griffiths.

En 1967 Westbury pilotou un coche Brabham-Ford de Fórmula Tres en Inglaterra e na Europa continental. Gañou a carreira de F3 no circuíto de Silverstone o 29 de abril, o Grand Prix des Frontières en Chimay o 14 de maio[10] e tamén no meeting do Auvergne Trophy o 18 de xuño de 1967, sobre o impoñente Circuíto de Clermont-Ferrand en Francia.[11] O mesmo ano, resucitou o vello coche BRM P67 de F1 de catro rodas motrices, deseñado por Mike Pilbeam en 1964, para que David Good participase no Campionato británico de Hill Climb. O coche lideraba a serie á metade de tempada, pero pasou a mans de Peter Lawson, que o renovou para 1968. O coche foi o vencedor dominante da serie en 1968.

Resultados Completos na Fórmula UnEditar

(Chave) As carreiras en letra grosa indican pole position; as carreiras en cursiva indican volta rápida.

Ano Equipo Chasis Motor 1 2 3 4 5 6 7 8 9 10 11 12 13 Pos. Puntos
1969 Felday Engineering Ltd Brabham BT30 (F2) Cosworth 4 en liña RSA ESP MON NED FRA GBR ALE
9
ITA CAN USA MEX NC 0
1970 Yardley Team BRM BRM P153 BRM V12 RSA ESP MON BEL NED FRA GBR ALE AUT ITA CAN USA
NSC
MEX NC 0

NotasEditar

  1. "Notice of Death - Peter Westbury". www.brdc.co.uk. British Racing Drivers' Club. 2015. Consultado o 2016-10-11. 
  2. Grand Prix chance, By Eric Dymock, The Guardian, 1 de outubro de 1970, Page 25.
  3. Motor Sport, outubro de 1962, Page 810.
  4. Motor Sport, marzo de 1966, Page 172.
  5. Hot Rod Magazine, xaneiro de 1965, Pages 54, 55.
  6. Motor Sport, febreiro de 1966, Page 90, also cover photograph.
  7. Motor Sport, abril de 1966, Page 270.
  8. Motor Sport, outubro de 1966, Page 905.
  9. The Autocar, 26 de agosto de 1966, Page 462.
  10. The Autocar, 18 de maio de 1967, Page 53.
  11. Motor Sport, agosto de 1967, Page 715.

Véxase taménEditar