San Vicenzo, A Baña, A Baña

San Vicenzo é un lugar da parroquia da Baña no concello coruñés da Baña na comarca da Barcala. Segundo o Instituto Nacional de Estadística en 2016 tiña 280 habitantes (133 homes e 147 mulleres), 63 menos ca en 2009 (167 homes e 176 mulleres).

San Vicenzo
Parroquia	A Baña
Concello	A Baña
Coordenadas	42°57′44″N 8°45′29″O
Poboación	280 hab. (2016)
[ editar datos en Wikidata ]

É a capital do concello, polo que acolle diversos servizos como a casa consistorial, o CPI Avelino Pousa, a escola de música, o centro médico, a Casa da Cultura (obra pía), o Colexio Cuba (actual rexistro), o campo de fútbol de Cartas ou o pavillón de deportes. No lugar están tamén a igrexa parroquial e a capela das Dores (obra pía).

Paisaxe

Sitúase na zona central da parroquia rodeada polo río Baña e polo río de Suevos. O núcleo urbano de San Vicenzo basea as súas principais características na existencia de servizos urbanísticos e de numerosos equipamentos que regulan diariamente a actividade municipal. No medio urbano destaca a presenza de edificacións colectivas con tipoloxías urbanas, sobre todo arredor do antigo trazado da estrada AC-444.

En canto a paisaxe agrícola trátase de cultivos extensivos e de horta en parcelas de tamaños desiguais, algunhas bastante pequenas a pesar da concentración parcelaria e nun estado de traballos importante.

Lugares e parroquias