Fiopáns, A Baña

San Pedro de Fiopáns é unha parroquia que se localiza no leste do concello da Baña na comarca da Barcala. Segundo o padrón municipal de 2016 tiña 181 habitantes (94 homes e 87 mulleres) distribuídos en 5 entidades de poboación, o que supón unha diminución en relación ao ano 1999 cando tiña 268 habitantes.

Fiopáns
Igrexa de San Pedro de Fiopáns.
Concello	A Baña
Provincia	A Coruña
Coordenadas	42°55′56″N 8°41′38″O
Área	4,69 km²
Poboación	181 hab. (2016)
Densidade	38,59 hab./km²
Entidades de poboación	8
[ editar datos en Wikidata ]

Historia

Idade Media

Da época medieval existe un conxunto de doce cazoletas de pequeno tamaño realizadas sobre a superficie horizontal dun afloramento granítico de grandes dimensións. Este conxunto chámase Petróglifo do Monte da Calexa, situado en Alde.

Cultura

Patrimonio

Patrimonio arquitectónico relixioso

• Igrexa parroquial. Situada en San Pedro de Fiopáns, é de estilo barroco. Nela consta documentación do 1777, aínda que se supón que a súa construción se remonta a varios anos antes. Destaca a presenza de varios escudos de armas, seis dentro da igrexa, e un no hórreo próximo á casa reitoral.

Patrimonio etnolóxico

Muíños

Todos están situados no regueiro chamado da Calexa (río Portalaxe)

• de Baixo da Calexa, moía catro meses no ano.
• de Rebordáns da Calexa, ídem.
• do Crego, ídem.
• dos Batáns, ídem.
• dos Herdeiros, ídem.
• da Baña, moía dous meses no ano.

Pombais

• Pombal do cura.

Etnografía

Festas

• 2 de febreiro: As Candeas
• 29 de xuño: San Pedro
• 30 de xuño: Santo Antón
• Último domingo de agosto: San Roque
• 8 de outubro: A Inmaculada

Galería de imaxes

Artigo principal: Galería de imaxes da Baña.

• 
  Cruceiro en Fiopáns.
• 
  Cruceiro no cemiterio de Fiopáns.
• 
  Escudo na fachada e pía bautismal no adro da igrexa.
• 
  Imaxe de San Pedro na fachada da igrexa.

Lugares e parroquias

Véxase tamén

Outros artigos

• Lugares da Baña