Sanamede do Monte, A Baña
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2016.) |
Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
Sanamede do Monte é unha parroquia que se localiza no sueste do concello da Baña na comarca da Barcala. Segundo o padrón municipal de 2016 tiña 414 habitantes (211 mulleres e 203 homes) distribuídos en 7 entidades de poboación, o que supón unha diminución en relación ao ano 1999 cando tiña 544 habitantes.
| Sanamede do Monte | |
|---|---|
 Cruceiro e igrexa de Sanamede. | |
| Concello | A Baña[1] |
| Provincia | A Coruña |
| Coordenadas | 42°56′08″N 8°43′44″O / 42.93547881, -8.72902634 |
| Área | 9,51 km² |
| Poboación | 414 hab. (2016) |
| Densidade | 43,53 hab./km² |
| Entidades de poboación | 10[1] |
| [ editar datos en Wikidata ] | |
Historia
editarMalia a mala conservación aínda quedan restos de túmulos megalíticos como son a mámoa do Purrubelo e a mámoa das Chamiseiras. As dúas sitúanse en Duomes de Abaixo. No lugar de Monte tamén se atopa a mámoa da Mina de Mosqueira.[2]
A primeira referencia nun documento é o ano 988, onde reflicten que o monxe Leodofredo fai doazón da mesma e tódolos seus lugares ao mosteiro de Antealtares.
No ano 1793, os veciños de Covas, San Cibrán e San Mamede elevaron unha petición ao Rei Carlos IV para que lles autorizase a celebración dunha feira todos os meses. Por Real Carta dada o 4 de setembro de 1795 concedéuselle a feira o segundo domingo de cada mes. Esta foi feita na carballeira de Seilán, e por ese motivo construíuse unha capela, primeiro de madeira, na que se oficiaba a misa os días da feira. No ano 1928 permitíuselle facer feira nos segundos domingos e nos cuartos daqueles meses que tiveran cinco. Esta durou ata os anos 60.
A igrexa
editarSofre varias transformacións, sobre todo a partir do ano 1594, visibles na variedade de estilos, que van desnde o gótico tardío ata o manierista que se manifesta na capela maior e nos retablos.
Arquitectura popular
editarA maioría moían con auga do río Seilán (río Albariña) nove meses, excepto o Novo, propio do cura, que moía todo o ano
- O dos Aguillóns
- O do Medio
- O da Ponte dos Aguillóns
- O dos Gómez
- Novo
- Vello
- O de Nantón
- O do Medio
- O de Arriba
- Novo, do cura
Moían a metade do ano coas augas do regato de Buchaín:
- O de Buchaín
- O de Abaixo
- Pombal de 20 pares de Francisco Pérez de Lucia
- Pombal de 10 pares de Domingo Silva
Festas
editar- 3 de febreiro: San Blas (en Seilán).
- 17 de agosto: San Mamede.
- 18 de agosto: Santo Antón.
- 19 de agosto: San Luís.
- Domingo seguinte ao 19 de agosto: A Peregrina (en Seilán).
- Domingo seguinte ao 16 de setembro: Santa Eufemia (en Seilán).
Lugares e parroquias
editarLugares de Sanamede do Monte
editar| Lugares da parroquia de Sanamede do Monte no concello da Baña (A Coruña) | |
|---|---|
|
Buchaín | Duomes de Abaixo | Duomes de Arriba | Freiriñas | O Monte de Abaixo | Nantón | O Rucheiro | Sanamede | O Seilán | Xanín |
Parroquias da Baña
editarNotas
editar- ↑ 1,0 1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
- ↑ Galicia, Xunta de. "Inventario | SIOTUGA". www.planeamentourbanistico.xunta.es. Consultado o 2016-06-02.
- ↑ "Real orden autorizando feiras dominicais tradicionais no Municipio da Baña" (PDF). 29 de outubro de 1928. Consultado o 2 de xuño do 2016.
- ↑ 4,0 4,1 Rodríguez Troncoso, Amador (2014). Os albores de Feiraco. Feiraco. ISBN 978-84-697-1047-0.