Aires d’a Miña Terra (Buenos Aires)

Para outras páxinas con títulos homónimos véxase: Aires d’a Miña Terra.

Aires d’a Miña Terra foi unha revista semanal de doce páxinas, predominantemente en lingua castelá, mais con abondosos contidos en lingua galega, editada en Buenos Aires de maio de 1908 a xullo de 1909.

Aires d’a Miña Terra
Núm. 1. 10 de maio de 1908.
País	Arxentina
Lugar	Buenos Aires
Lingua	castelán (predominante) e galego
Fundación	10 de maio de 1908
Fundador	Manuel Novoa Costoya
Última edición	25 de xullo de 1909
Na rede
[ editar datos en Wikidata ]

Historia e características

Apareceu o 10 de maio de 1908 en homenaxe a Manuel Curros Enríquez, o mesmo ano da súa morte, fundada e dirixida por Manuel Novoa Costoya. Contiña información sobre Galicia e notas locais, amais de literatura galega en prosa e verso, que tiña unha notable presenza, xunto coa publicidade.

Reproduciu textos de Eduardo Pondal, Rosalía de Castro, Valentín Lamas Carvajal, Curros, Benito Vicetto, Antonio Neira de Mosquera, Alberto Camino, Antonio de la Iglesia e Marcial Valladares e entre os seus colaboradores figuraron Amador Montenegro, Benito Fernández Alonso, Galo Salinas, Jesús Couto Fernández, Julio de la Cuesta, Gonzalo López Abente, Sofía Casanova, Basilio Álvarez, Juan Barcia Caballero, Lisardo Barreiro, Leandro de Saralegui Medina, Salvador Cabeza de León, Prudencio Canitrot, Enrique Labarta Pose, Manuel Lugrís Freire, Emilia Pardo Bazán, Heraclio Pérez Placer, Claudio Cuveiro e Antonio Fernández Tafall.

Publicou 63 números e cesou o 25 de xullo de 1909.

Galería de imaxes

• 
  Núm. 2.
• 
  Núm. 3.
• 
  Núm. 4.
• 
  Núm. 5.
• 
  N. 6   (ver máis números)

Véxase tamén

Bibliografía

• Alonso Girgado, L. (dir.); Fariña, C. (ed) (2004). Aires d’a miña terra (Bos Aires, 1908-1909) (inclúe facsímiles en CD). CIRP. ISBN 84-453-3879-X. 
• Hermida García, Modesto (1995). Narrativa galega: tempo do Rexurdimento. Edicións Xerais de Galicia. ISBN 84-7507-886-9. 
• Santos Gayoso, Enrique (1990). Historia de la prensa gallega 1800-1986. Sada: Ediciós do Castro. ISBN 84-7492-489-8. 
• Vilavedra, Dolores, ed. (2000). Diccionario da literatura galega. Obras III. Vigo: Editorial Galaxia. p. 26-27. ISBN 84-8288-365-8. 

Ligazóns externas

• Ficha de Aires d’a Miña Terra no Repertorio da prensa da emigración galega do CCG.
• Ficha e exemplares de Aires d’a Miña Terra no Centro Ramón Piñeiro.