Claudio Cuveiro
Claudio Cuveiro González, nado en Pontevedra e finado en Barcelona o 27 de decembro de 1915, foi un xornalista e escritor galego.
| Biografía | |
|---|---|
| Nacemento | século XIX  Pontevedra, España |
| Morte | 27 de decembro de 1915 Barcelona, España |
| Actividade | |
| Ocupación | xornalista, escritor |
| Descrito pola fonte | Enciclopedia Galega Universal Diccionario bio-bibliográfico de escritores Dicionario biográfico de Galicia |
  | |
Traxectoria
editar
Colaborou, xunto con Antolín Esperón e Manuel Ángel Couto, no semanario Las Musas del Lérez de Pontevedra. Escribiu artigos para os xornais El Alerta (1864-1865) e El Buscapié (1865-1868), e para a Revista de Primera Enseñanza (1865-1870). Dirixiu o Diario de Pontevedra en 1879. Como autor teatral estreou en 1881 no Teatro Variedades de Madrid a peza Qué noche! Tamén foi animador de numerosos parladoiros científicos, xunto con Octavio Lois Amado ou Heliodoro Gastañaduy. Escribiu un Tratado de la buena educación o sean Reglas para conducirse los niños en sociedad (1866) con José Benito Juncal, a comedia Furor de asociación (estreada en 1866) e publicou a primeira versión en castelán da obra de Ernst Haeckel Natürliche Schöpfungsgeschichte (1868) co título Historia de la creación de los seres orgánicos (1878).
Véxase tamén
editarWikimedia Commons ten máis contidos multimedia na categoría: Claudio Cuveiro  |
Bibliografía
editar- "Cuveiro González, Claudio". Dicionario biográfico de Galicia 1. Ir Indo Edicións. 2010-2011. p. 314.
- "Cuveiro González, Claudio". Enciclopedia Galega Universal. Ir Indo. 1999-2002. ISBN 84-7680-288-9.
- Couceiro Freijomil, Antonio (1951-53). Diccionario bio-bibliográfico de escritores (en castelán) I. Bibliófilos Gallegos. p. 329.