Manuel Luís Acuña
Manuel Luís Acuña Sarmiento, nado en Sobrado (A Pobra de Trives) o 3 de outubro de 1899 e finado en Ourense o 19 de agosto de 1975, foi un xornalista e poeta galego.
  | |
| Biografía | |
|---|---|
| Nacemento | 3 de outubro de 1899 Sobrado, España |
| Morte | 19 de agosto de 1975 (75 anos) Ourense, España |
| Actividade | |
| Ocupación | xornalista |
| Descrito pola fonte | Gran Enciclopedia Galega Silverio Cañada |
  | |
Traxectoria
editar
Fillo e neto de mestres, en 1920 trasladouse a Allariz coa familia. Tras facer maxisterio por libre, ingresou en 1928 no Corpo Nacional de Maxisterio, e exerceu en Tibiás (O Pereiro de Aguiar), A Coruña e Madrid. Na Coruña foi profesor da Escola de Insiño Galego creada polas Irmandades da Fala.[1] Colaborou en Faro de Vigo, Vida Gallega e Nós e dirixiu o periódico El Momento da Coruña en 1930. Codirixiu con Xohán Luís Ramos Colemán a páxina cultural "Viernes Literarios" de La Región e foi membro do consello de redacción de Escuela del Trabajo.
Militante do Partido Galeguista, trala Guerra Civil española foi vítima da depuración franquista do maxisterio, polo que se viu obrigado a dedicarse ao ensino privado. Foi profesor da Academia Mercantil de Ourense.[2] Reintegrado ao Maxisterio, foi nomeado mestre do S. G. do Couto (Ourense) en 1967.[3]
Integrante da Xeración do 31, é autor dun único libro, Fírgoas, publicado pola editorial Nós en 1933.[4] A comezos do século XXI, entre 2002 e 2003, foi incluído na Biblioteca Galega 120. Colaborou en Vieiros.
Galería de imaxes
editar-
Retrato en Vida Gallega, 1929. -
A Manuel Luís Acuña na Pobra de Trives.
Notas
editar- ↑ Ínsua, Emilio Xosé (venres, 6 de maio de 2016). "As “Escolas do Insiño Galego”: unha experiencia pedagóxica das Irmandades da Fala". A Ínsua do Ínsua. Consultado o 2022-07-19.
- ↑ El Pueblo Gallego, 10-4-1943, p. 6.
- ↑ El Pueblo Gallego, 25-1-1967, p. 17.
- ↑ Vilavedra, Dolores, ed. (2000). Diccionario da Literatura Galega. Obras III. Vigo: Editorial Galaxia. ISBN 84-8288-365-8.
Véxase tamén
editar| Wikimedia Commons ten máis contidos multimedia na categoría: Manuel Luís Acuña |
Bibliografía
editar- Gran Enciclopedia Galega (DVD). El Progreso. 2005. ISBN 84-87804-88-8.
- Carballo Calero, R. (1975) [1963]. Historia da literatura galega contemporánea. Galaxia. ISBN 84-7154-227-7.
- Couceiro Freijomil, Antonio (1951-53). Diccionario bio-bibliográfico de escritores (en castelán) I. Bibliófilos Gallegos. p. 10.
- Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0.
Outros artigos
editarLigazóns externas
editar- Iglesias, Xabier. "Fírgoas" Os libros de ánxel Casal, 20/10/2018.
- "Los políticos de Trives piden el Día das Letras Galegas para Manuel Luis Acuña" La Voz de Galicia, 4/10/2000 (en castelán).