Xohán Luís Ramos Colemán

Juan Luís Ramos Pérez-Colemán, coñecido como Xohán Luís Ramos Colemán, nado en Ourense e finado o 4 de febreiro de 1999, foi un notario e político galeguista.

Xohán Luís Ramos Colemán
Nome completo	Juan Luís Ramos Pérez-Colemán
Nacemento	século XX
Lugar de nacemento	Ourense
Falecemento	4 de febreiro de 1999
Nacionalidade	España
Ocupación	político
Irmáns	Anxelo Ramos Colemán
[ editar datos en Wikidata ]

Traxectoria

1933, Ourense. Banquete galeguista homenaxe a Emilia Docet e a Manuel Luís Acuña. Na foto, entre outros: Risco, Ramiro Isla, Leuter González, Cunqueiro, Otero Pedrayo, María Luz Morales, Blanco Amor, Xoán L. Ramos Colemán e Manuel Peña Rei.

Fillo de Juan Ramos Cerviño e María Pérez Colemán, sobriño de Jaime Pérez Colemán e irmán de Anxelo Ramos Colemán. Codirixiu con Manuel Luís Acuña a páxina cultural "Viernes Literarios" de La Región. Militante do Partido Galeguista dende a súa Asemblea fundacional en decembro de 1931, foi membro fundador da Federación de Mocedades Galeguistas, da que foi secretario de Propaganda. Licenciado en Dereito pola Universidade de Santiago de Compostela en 1934. Na Guerra Civil foi tenente de infantería. Foi notario en Ocaña (1950), Ponferrada (1963) e Xixón (1968-1976).

Vida persoal

Casou con Laura Villanueva Guitián.

Véxase tamén

Bibliografía

• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 362. ISBN 84-7492-465-0. 
• Vilavedra, Dolores, ed. (1995). Diccionario da Literatura Galega. Autores I. Vigo: Editorial Galaxia. p. 495. ISBN 84-8288-019-5. 

Ligazóns externas

• As cartas de Luís Seoane que mencionan a Xohán Luís Ramos Colemán CCG.
• Ramos Colemán na mediateca do Consello da Cultura Galega