Abrir o menú principal

Coordenadas: 42°18′58″N 7°14′19″O / 42.31611, -7.23861

Sobrado (San Salvador)
Vista Sobrado de Trives (desde A Escrita).jpg
Vista xeral de Sobrado de Trives
ConcelloA Pobra de Trives
Poboación69 hab. (2015)
Entidades de poboación6

San Salvador de Sobrado é unha parroquia que se localiza no concello da Pobra de Trives, na provincia de Ourense. Segundo o IGE[1], en 2015 tiña 69 habitantes (35 homes e 34 mulleres), 64 menos ca no 2000.

XeografíaEditar

Situada na vertente setentrional da Serra de Queixa a 678 m. de altitude, é bordeado por o Río San Lázaro e o Regato da Retorta.

A parroquia de Sobrado está formada polos seguintes núcleos de poboación: Sobrado (á súa vez dividido nos barrios de Outeiro, Campo, Nogueira, Currelada, Barrelende, Igrexa e Fondo do Lugar), Monteboi, O Carreto, A Retorta e o pazo de Barbeirón. Atópase tamén nos seus límites o núcleo deshabitado de Santo Estevo, antigo asentamento castrexo.

PatrimonioEditar

En Sobrado está o conxunto arquitectónico formado pola románica Igrexa de San Salvador de Sobrado de Trives e o beneditino Mosteiro de San Salvador de Sobrado de Trives (ámbolos dous do século XII), cruceiro (principios do século XVII) e a torre de campás de edificación exenta (século XVI).

Outros edificios de interese son o Pazo de Barbeirón, o Pazo do Cobato e o Pazo do Saído (estes dous no mesmo núcleo de poboación de Sobrado), boas mostras da tradicional casa rural galega.

Fora do núcleo de poboación, en dirección á parroquia da Encomenda pódese visitar un souto de castiñeiros e rebolos na zona do Regato da Retorta. Nesta mesma zona, no cumio dun pequeno monte (O Castelo), atópanse os restos dun castelo medieval (segundo as xentes da zona destruído na Guerra da Independencia española). Seguindo a liña do mesmo cumio, na Cividá, atópanse os restos dun asentamento castrexo (Poula das Animas).

FestasEditar

Nesta parroquia celébranse a festa da Cruz (o primeiro domingo de maio) e a festa patronal do San Salvador (o 6 de agosto).

Galería de imaxesEditar

Lugares e parroquiasEditar

NotasEditar

Véxase taménEditar