Sobrado, A Pobra de Trives
San Salvador de Sobrado é unha parroquia que se localiza no concello da Pobra de Trives, na provincia de Ourense. Segundo o IGE[2], en 2015 tiña 69 habitantes (35 homes e 34 mulleres), 64 menos ca no 2000.
| Sobrado (San Salvador) | |
|---|---|
.jpg) Vista xeral de Sobrado de Trives | |
| Concello | A Pobra de Trives[1] |
| Provincia | Ourense |
| Coordenadas | 42°18′59″N 7°14′17″O / 42.316472222222, -7.2379833333333 |
| Poboación | 69 hab. (2015) |
| Entidades de poboación | 6[1] |
| [ editar datos en Wikidata ] | |
Xeografía
editarSituada na vertente setentrional da Serra de Queixa a 678 m. de altitude, é bordeado por o Río San Lázaro e o Regato da Retorta.
A parroquia de Sobrado está formada polos seguintes núcleos de poboación: Sobrado (á súa vez dividido nos barrios de Outeiro, Campo, Nogueira, Currelada, Barrelende, Igrexa e Fondo do Lugar), Monteboi, O Carreto, A Retorta e o pazo de Barbeirón. Atópase tamén nos seus límites o núcleo deshabitado de Santo Estevo, antigo asentamento castrexo.
Patrimonio
editarEn Sobrado está o conxunto arquitectónico formado pola románica igrexa de San Salvador de Sobrado de Trives[3][4] e o beneditino mosteiro de San Salvador de Sobrado de Trives (ámbolos dous do século XII), cruceiro (principios do século XVII) e a torre de campás de edificación exenta (século XVI). Outros edificios de interese son o Pazo de Barbeirón, o Pazo do Cobato e o Pazo do Saído (estes dous no mesmo núcleo de poboación de Sobrado), boas mostras da tradicional casa rural galega.
Fora do núcleo de poboación, en dirección á parroquia da Encomenda pódese visitar un souto de castiñeiros e rebolos na zona do Regato da Retorta. Nesta mesma zona, no cumio dun pequeno monte (O Castelo), atópanse os restos dun castelo medieval (segundo as xentes da zona destruído na Guerra da Independencia española). Seguindo a liña do mesmo cumio, na Cividá, atópanse os restos dun asentamento castrexo (Poula das Animas).
Festas
editarNesta parroquia celébranse a festa da Cruz (o primeiro domingo de maio) e a festa patronal do San Salvador (o 6 de agosto).
Galería de imaxes
editar-
Vista panorámica da parroquia de Sobrado de Trives -
Igrexa e torre de campás da parroquia de Sobrado de Trives -
Cruceiro da Igrexa de San Salvador de Sobrado de Trives -
Ábsida da Igrexa de San Salvador de Sobrado de Trives
Lugares e parroquias
editarLugares de Sobrado
editar| Lugares da parroquia de Sobrado no concello da Pobra de Trives (Ourense) | |
|---|---|
Parroquias da Pobra de Trives
editarNotas
editar- ↑ 1,0 1,1 Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.
- ↑ IGE (ed.). "IGE - Nomenclátor de Galicia" (en galego). Arquivado dende o orixinal o 30 de decembro de 2020. Consultado o 28 de abril de 2021.
- ↑ Gallego Armesto, H. (1918). "La iglesia de Sobrado de Trives". Boletín da Real Academia Galega (200): 225–230. Arquivado dende o orixinal o 14 de febreiro de 2023. Consultado o 26 de novembro de 2022.
- ↑ Ramón Fernández-Oxea, X. (1929). "A eirexa de S. Salvador de Sobrado de Trives". Arquivos do Seminario de Estudos Galegos III.