Manuel Ferreiro Panadeiro
Manuel Ferreiro Panadeiro, nado en Ludeiro (Soutolongo, Lalín) o 24 de xuño de 1903 e finado en Pontevedra o 27 de agosto de 1936, foi un político republicano galego.
  | |
| Biografía | |
|---|---|
| Nacemento | 24 de xuño de 1903 Ludeiro, España |
| Morte | 27 de agosto de 1936 (33 anos) Pontevedra, España |
| Causa da morte | pena de morte, ferida por arma de fogo |
| Lugar de sepultura | Soutolongo |
 Alcalde de Lalín | |
| 1936 – 1936 (destitución) ← Domingo Palmaz Brandido – Xesús Golmar → | |
| Alcalde de Lalín | |
| 1931 – 1934 (destitución) ← Bernardo Madriñán González – Ricardo López Varela → | |
| Actividade | |
| Lugar de traballo | Lalín |
| Ocupación | político |
| Partido político | Izquierda Republicana |
 | |
Traxectoria
editar
Estudou no seminario de Lugo e con 20 anos trasladouse a Madrid, onde obtivo o título de Bacharelato universitario e comezou a carreira de Dereito. En Madrid entrou en contacto co movemento democrático e participou na oposición á ditadura de Primo de Rivera.
En 1930 retornou a Lalín e creou, xunto con outros mozos como Marcelino García, o Centro Republicano de Lalín e o periódico Atrás. Coa proclamación da Segunda República converteuse no primeiro alcalde lalinense elixido democraticamente. Foi tamén nomeado deputado provincial. A súa principal contribución como alcalde centrouse na educación (exemplo disto é a concesión dunha bolsa de estudos a Laxeiro). Logo da vitoria das dereitas nas eleccións de novembro de 1933, o gobernador civil Víctor Manuel Becerra Herráiz ordenou varias inspección ao concello para destituílo. Como mostra de desagravio, un grupo de amigos e colaboradores organizou unha homenaxe popular o 11 de febreiro de 1934.[1] Finalmente foi cesado polo gobernador civil Diego Fernández Gómez o 8 de agosto de 1934. Co triunfo da Fronte Popular foi reposto como alcalde o 21 de febreiro de 1936. Un enfrontamento entre os concelleiros republicanos fixo que fose cesado polo Gobernador civil en abril. A nova Comisión xestora nomeouno secretario do concello.
Co golpe de Estado do 18 de xullo de 1936 fuxiu e agochouse en Santiago de Compostela, pero foi localizado e detido a principios de agosto. Xulgado en consello de guerra o 21 de agosto, foi condenado á pena de morte. Foi executado na estrada de Campañó o 27 de agosto.
| Predecesor: Bernardo Madriñán González |
Alcalde de Lalín 1931 - 1934 |
Sucesor: Ricardo López Varela |
| Predecesor: Domingo Palmaz Brandido |
Alcalde de Lalín 1936 |
Sucesor: Xesús Golmar Rodríguez |
Notas
editar- ↑ Igrexas, Manuel: "Homenaxe ao Alcalde Ferreiro" Arquivado 06 de outubro de 2014 en Wayback Machine. (26/8/2012) en Historias de Deza.
Véxase tamén
editar| Wikimedia Commons ten máis contidos multimedia na categoría: Manuel Ferreiro Panadeiro |
Bibliografía
editar- Igrexas Rodríguez, Manuel (2005). "Asasinados por pensar e desexar para todos un mundo mellor. A represión franquista na Comarca do Deza" (PDF). A represión franquista en Galicia. Actas dos traballos presentados ao Congreso da Memoria. Narón, 4 a 7 de decembro de 2003. Asociación Cultural Memoria Histórica Democrática. pp. 417–542.
Outros artigos
editarLigazóns externas
editar- Igrexas, Manuel: "Manuel Ferreiro, republicano" (28/8/2012) e "Manuel Fereiro, o primeiro fusilado polo fascismo" (31/8/2012) en Historias de Deza.