Antonio Taboada Roca

Para outras páxinas con títulos homónimos véxase: Antonio Taboada.

Antonio Taboada Roca, nado en Melide o 6 de febreiro de 1899 e finado en Madrid o 10 de maio de 1978, foi un farmacéutico e historiador galego.

Antonio Taboada Roca

Biografía
Nacemento	6 de febreiro de 1899 Melide, España
Morte	10 de maio de 1978 (79 anos) Madrid, España
Educación	Universidade de Santiago de Compostela
Actividade
Ocupación	farmacéutico, historiador
Membro de	Real Academia Galega (membro correspondente)
Familia
Irmáns	Manuel Taboada Roca Jesús Taboada Roca
Sinatura

Traxectoria

SEG en 1934: Entre outros: Otero Pedrayo, Iglesias Vilarelle, Parga Pondal, Ferreiro Panadeiro, Fernández Osorio, Fernández Cochón, Vicente Risco, González García-Paz, Antón Taboada Roca, Paulino Pedret, Xesús Carro, Antón Fraguas, Xohán Ledo, Isla Couto, Ferreirós Espinosa, López Cuevillas e Ramos Colemán

Licenciado en Farmacia pola Universidade de Santiago de Compostela (1919), realizou investigacións históricas e heráldicas. En 1926 ingresou no Seminario de Estudos Galegos onde promoveu Terra de Melide (1933). Colaborou en Arquivos do Seminario de Estudos Galegos, Nós, Boletín da Real Academia Galega, Cuadernos de Estudos Galegos e Boletín de la Comisión Provincial de Monumentos Históricos e Artísticos de Lugo. Foi cronista da vila de Melide, académico correspondente da Real Academia Galega e membro de asociacións de estudos xenealóxicos e heráldicos.

Obras

• Cotos e xurisdicións de Galicia: pazo de Santa Mariña de Castro de Amarante, 1929.
• Don Juan Vázquez de Mella y Galicia, 1963.

Véxase tamén

Bibliografía

• "Taboada Roca, Antonio". Gran Enciclopedia Galega (DVD). El Progreso. 2005. ISBN 84-87804-88-8. 

Outros artigos

• Manuel Taboada Roca (irmán)
• Condado de Borraxeiros